الأربعاء، 16 يوليو 2008

يوميات شاب مصري في الصيف


اصدقائي

افتقدتكم كثيرا و اعتذر لكم عن التاخير و اشكر جزيل الشكر كل من سأل عني لا حرمكم الله متعة الصداقة

هذه المرة كان الغياب لظروف انشغال عائلية سعيدة و الحمد لله فقد حضر بعض افراد العائلة المسافرون من سنوات و هكذا قضيت الوقت معهم و ابتعدت عنكم و عن مدونتي التي احبها بوجودكم فيها.

يوميات شاب مصري في الصيف

استيقظ الفتي من نومه متأخرا كالعادة و تثاءب و هو يشعر بالكسل و يتمني لو تركته امه ليكمل نومه قليلا فقد سهر كثيرا امس و رفع رأسه ليتذكر ماذا كان يفعل

أأأأأأأه نعم لقد تذكر هذا الفيلم الاجنبي الممتع الذي شاهده و ابتسم في كسل مع تذكره للمشاهد و سال نفسه مال ظهري يؤلمني لابد انه برد في عظامي ام لعله بسبب جلوسي فترة طويلة امس امام الكمبيوتر لقد كانت اللعبة حامية لقد كاد يهزم جيش الاعداء، و عند هذا الحد قفز من فراشه جريا الي الكمبيوتر ليشعله و يكمل اللعبة

يسمع صوت والدته يقول الا تصلي اولا ؟؟ الا ترتب حجرتك ؟؟ فيرد في ضيق شديد : حسنا يا امي كنت سأفعل من نفسي لماذا تذكريني ؟

فتجيبه محبطة : متي بعد اذان الظهر و لماذا لم تستيقظ لصلاة الفجر كما وعدت اباك ؟؟

فيرد في ضيق اشد لم اسمع صوته و هو يحاول ايقاظي ليست مشكلة سأصلي الان

و قبل ان تنهي الام تقليب كوب الشاي و اللبن لأبنها كان قد انتهي من الصلاه نعم فهو عصر السرعة

ثم عاد للكمبيوتر و التلفاز يعمل بجانبه ليضفي خلفية مزعجة علي المنزل

و تمر الساعات و هو يحقق انتصاراته الوهميه علي الاعداء في الكمبيوتر

ثم تقرصه بطنه من الجوع فينادي والدته سائلا اياه هل الغذاء جاهز ؟؟

و عندما تبدأ والدته بنصحه عن اهمية الوقت و عن وجوب عمل ما يفيد و عن وجوب الصلاة في المسجد و عن القرآن الذي كان يحفظه بانتظام صغيرا و الان ينسي ان يقرأه حتي و عن و عن و تكرر والدته ما تقوله كل يوم

و يكرر هو ملامح وجهه الذي يستقبل به هذه الكلمات كل يوم مع بعض التعليقات التي تختلف من يوم لأخر ما بين الردود الداله علي الضيق الي الردود الضاحكة في محاولة لانهاء الحوار الي اظهار الاقتناع التام بما تقول و الوعود بتغيرا ت غالبا لا تتحقق او لا يتحقق اغلبها و يأتي الغذاء ثم التلفاز ثم النادي او لقاء الاصدقاء ثم العشاء ثم التلفاز مرة اخري حتي وقت متأخر يمتد االي مالا نهايه مالم يتدخل الاب و يصر علي اطفاء التلفاز و النوم

ملحوظه :

احيانا يتغير ما سبق لو اصر الاب و الام علي تحديد وقت الكمبيوتر او التلفاز فيكون الديل اما مزيد ا من النوم او مزيدا من محادثات التليفون مع الاصدقاء

و هكذا يا اصدقائي تنتهي يوميات شاب مصري في الصيف و علي الاباء و الامهات المعترضين الدعاء لله سحانه و تعالي بسرعة حضور العام الدراسي لتختلف نوعية النصائح التي يلقونها كل يوم علي مسامع الابناء من باب التغيير

و دمتم بألف خير ياشباب مصر يا امل الغد المشرق

تعقيب أخير احقاقا للحق :

هذه ليست يوميات كل شباب مصر و لكن أغلبه

هناك 59 تعليقًا:

Unknown يقول...

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

Unknown يقول...

الاخت الفاضلة

ام احمد

سعيد بزيارتى لمدونتك وبما قرات فيها

واتمنى ان نتواصل فى هذا الموضوع الخطير

شكرا لك

امل يقول...

السلام عليكم ورحمة الله
حبيبتي ام أحمد أعتذر بشدة عن عدم سؤالي عنك ولكني كنت مشغولة للغاية هذه الايام لدرجة أني لم ادخل عند كثير من الأصدقاء وفي بعض الايام لا أدخل مدونتي شخصيا يعني أنا عكس الشباب دول خالص مش لا قيه وقت فاضي ههههههه بس عجبتني صورة الكومبيوتر النايم ده بفكر فيها كتير عشان أريح ظهري ههههه من كتر الجلوس على الجهاز ولو ينفع حاجة للعين كمان(عينيه بقت زي الطماطم)ههههههه والله الاجازة دي فرصة لتعلم حاجات كتير قوي ممكن تفرق مع الشباب لما يتخرجوا بس مين يسمع ربنا يهدي كل شبابنا وبما انك تناولتي الموضوع ده فدي روابط لتعليم بعض برامج الكومبيوتر صوت وصورة
http://www.freelearn.110mb.com/
http://www.bestlearn.110mb.com/index.html
تحياتي وجزاكي الله خيرا

رئـــــيسـة حزب الأحلام يقول...

فعلا أغلب الشباب المصرى أصبح أسير للنت ولكن هنا وقفه فهناك اشياء به مفيدة ولكن للاسف يلجأ الشباب الى الاستعمال الغير مفيد للكمبيوتر
الف تحيه لكى صديقتى الغاليه ام أحمد
تحياتى

همس الاحباب يقول...

اختى العزيزة / ام احمد
حمدلله على السلامة
كنا مفتقدينك جدا واسف لانشغالى خلال الفترة السابقة
اما البوست ففعلا اصبح حالنا يرثى له
وخصوصا فى تضييع الوقت واهداره
تسلم ايديكى
وجزاكى الله خيرا على التذكرة المفيدة
تحياتى وتقديرى

بنت الصالحين يقول...

حبيبتي ام احمد

وحشتيني اويييييي


انا زعلانه منك
مش انا من العيله وولا ايه

كده ماتاخدنيش معاكي

:))))


اقولك ايه بس الموضوع ده صح تمام
طيب ده خير انه بيقعد علي الجهاز في البيت
ده فيه شباب ليل نهار في السيابر


اللهم اهدي شباب المسلمين

دمتي بخير حبيبتي ام احمد

الطائر الحزين يقول...

اللهم اهدنا
واهدى شباب المسلمين

أم أحمد المصرية يقول...

اخي الفاضل
شكرا علي زيارتك
و ها نحن في الانتظار لنري كيف تسير الامور

أم أحمد المصرية يقول...

حبيبتي امل
منورة المدونة و صاحبتها
و شكرا علي اللينكات لعل اولادي
قصدي شباب مصر يستفيد بهم :))

أم أحمد المصرية يقول...

صديقتي رئيسة حزب الاحلام
انا مش ضد النت انا ضد تضييع كل الوقت في اللعب و التليفزيون و عدم الاستفادة من الصيف في شيء مفيد

أم أحمد المصرية يقول...

اخي الفاضل همس الاحباب
اصل انا عندي في البيت عينة من شباب مصر الواعد ده قلت بدل ما بنصح كل يوم شفوي انصح اليوم في المدونة من باب التغيير:))

أم أحمد المصرية يقول...

حبيبتي عاشقة الفردوس
طبعا من العيلة يا قمر بس انت فهمت غلط انا اخدت اجازة من التدوين لكن ما اخدتش اجازة بمعني اني اتفسحت
ياريت يا حبيبتي انت عارفة اني برغم سكني علي مسافة رع ساعة من البحر لم اقضي فيه سوي يومين اول الصيف لما صورت الصور السابقة اما الاجازة فكانت في مشاغل عائلية
اما شباب مصر الواعد فمنور البيت عندي ربنا يهدي الجميع

أم أحمد المصرية يقول...
أزال المؤلف هذا التعليق.
أم أحمد المصرية يقول...

صديقي الطائر الحزين
اسعدك الله و تقبل دعاءك

بحبك يامصر يقول...

الاخت الغاليه ام احمد
للأسف ظروف البلد قتلت الطموح عند الشباب وكمان فى شباب كتير بيستسهل
وبيقعد يقضى الاجازه عالنت وقدام التلفزيون وده فعلا خطر جدالانه بيعلم الشباب الكسل
وانا متشكر على سؤالك عنى ويارب نتواصل ديما وسلمى ليا على اسكندريه عشان شكلى مش هعرف اروح اسكندريه السنه دى
تحياتى

موناليزا يقول...

عودا احمدا حبيبتى
وجميل هذا البوست فهو يصور واقع مرير يعيش فيه غالبية شباب مصر
ربنا يهديهم

غير معرف يقول...

أليس حكما قاسيا بعض الشئ ؟

هناك شباب لايجد بابا وماما يدلعوه .. ومجبر على النزول من الفجر .. ليعمل على عربة ربع نقل مجهزة لبيع الكشرى ..

وغيرهم كثيرون .. مارأيك ؟ هم لايملكون حتى ترف شراء كمبيوتر .. وعليهم مساعدة ذويهم ..

rovy يقول...

السلام عليكم
عندك حق طبعا لكن تعرفى لو الشباب ده عنده هوايات بيمارسها فى الصيف الحال حيتغير فى كل شىء ..
مش عارفه التقصير هنا من الاهل اللى مش بتشجع على الهوايات و لا عدم توافر اماكن و امكانيات و لا ايه السبب فعلا
لكن نفسى كل شاب و فتاه يكون عنده هوايه مفيده تسعده و تحفظه من الضياع

موضوع مهم كما اعتدنا منكى اختى الكريمه ..
خالص تحياتى و تقديرى

أم أحمد المصرية يقول...

اخي الفاضل بحبك يا مصر
اهلا وسهلا بك و طبعا لازم اسال عنك مش اخوات اما قضية الشباب فأنا اعلم انها كبيرة و لكن هناك جزء منها علي الاقل بيد الشباب لو اراد التقدم او حتي اراد تنفيذ مقولة اعمل اللي علي و الباقي علي ربنا لكن للاسف البعض لا يفعل و انا شخصيا خبرة مع الشباب في الشغل و البيت :)
اسكندرية بتسلم عليك و زعلانة منك و بتقول لك حاول تخطف يومين

أم أحمد المصرية يقول...

حبيبتي موناليزا
اهي تذكرة يمكن حد منهم يقرأ البوست ده و يغير فيه شيء اخد انا الثواب يارب

أم أحمد المصرية يقول...

اخي الفاضل شريف
انا بتكلم عن الشباب اللي ممكن يفتح مدونتي و يقرأها او اللي بشوفهم في المدرسة وساعات كمان في البيت :))
اما المثل الذي ضربته فأنا ادرك انه موجود و اكن له كل الاحترام و من اجل هذه الامثلة وضعت تعقيبي في نهاية التدوينة
منور المدونة لا حرمني الله من تعليقاتك اللي دايما في الجون :)

أم أحمد المصرية يقول...

صديقتي روفي
صدقيني المشكلة مش في الاب و الام
انا اعرف اسرة "واخدة بالك"
اهتمت بأطفالها رياضة و حفظ قرآن و رحلات و كتب في البيت و كمبيوتر لكن لما كبروا شوية اصبحت هذه الاشياء حسب المزاج و ليست نظام للاستفادة
و هذا مادفعني لكتابة تلك التدوينة
متهيألي انت تعرفي مامتهم مش كده :)

دكتور بهــدوء يقول...

العزيزه ام احمد
عارفه رغم ان دي يوميات شباب كتير وانا الحمد لله مش منهم الحمد لله
بس والله هما نفسهم بيبقوا مش راضيين عن الحاله اللي هما فيها
عارفه بيبقوا متدايقين م نفسهم اكتر م زعلنا عليهم
بس هما ع الرغم م عدم اقتناعهم باللي بيعملوه بيعملوه
عارفه زي مايكون الصحيان الضهر ده روشنه مثلا دا فيه ناس مابتقومش غير بعد العصر
وطول الليل صاحيين
اه ف الصيف بنسهر ونلعب ونهيص بس لازم نظام

العشوائيه نفسها اما بتقبي متخططلها ومتنظمه بتبقي حلوه جدا

أنفاس الصباح يقول...

أختى الحبيبة/أم أحمد
حاسة انك بتتكلمى عن حد أعرفه
طيب الحل
الحوار والاقناع وقتى الأثر
والضغط غير تربوى
والمخرج هو عودة الدراسة
لكن أكيد بعد سن معين الوضع سيتحسن
ويكون فيه أثر للحوار والاقناع
ومحاولة إقتراح أفكار جديدة معهم لشغل أوقات الفراغ
الله المستعان
لا ننسى سلاح الدعاء

مدونة كل العرب يقول...

اماة
كيف حالك وحال _أ_احمد

الصيف خصص للانطلاق وللحرية - اعمل ما شات ولا اعمل ما لا اشاة لكن من خلال الضوابط والقوانين _المنزلية _

لكن احيانا انا اقع فى الخطا حينما اشاهد عرضا ولا استطع ان اخلد للنوم الا بعد اكتمال الفيلم - حينما يموت البطل وحينما تاكل الوحوش المشاهدين - ههههه

حيتى وبوركت يا اماة
ولما احمد لا يفتح الماسنجر
تقبلى تحياتى

السهم المكسور يقول...

البوست جميل ومعبر عن العصر الحالي وقد قرأت مدوناتك واعجبت بها كثيرا وارغب في تبادل الروابط معكي

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

blue-wave يقول...

مش متهيألى ان الصورة غامقه اوى كدا:))
بس بوست هايل
تحياتى

د. إيمان مكاوي يقول...

فعلا ده حال الشباب وحتى الأطفال ..ولكن فيه شباب كتير بيشغل أجازته في شغل مفيد ..وده هو إللي بيقدر يبني نفسه كويس من غير ما يعتمد على حد أنا شخصيا هخلي أولادي يشتغلوا في الأجازه بس يكبروا شويه..ولو إني عملتها مره مع زياد كعقاب علشان يهتم بدروسه ..أكيد هحكيلكم عن الموضوع ده
تحياتي يا أم يا جميله

همس الاحباب يقول...

اختى العزيزة / ام احمد
انا جاى اسلم واطمئن على حضرتك
واتمنى انك تكونى بخير
تحياتى وتقديرى اختى العزيزة

حسن حنفى يقول...

كلام مؤثر ومتميز

تقبلي مروري

أمـ الله ـة يقول...

لسلام عليكم ورحمة الله وبركاته
أنا مع حضرتك في أنا الشباب دلوقتي حالهم لا يعلمه الا الله بس خلينا نتكلم بصراحه عرفه حضرتك السبب ايه؟ السبب غياب القدوه والمثل الاعلي وغياب التشجيع وحاجات يمكن تكون من وجهة نظر الاباء بسيط لكن بتفرق
اسمحيلي أتكلم باستفاضه أصل أنا كمان عايشه المشكله دي لكن مش بقصر الحمد لله في أداء الصلاه أو حفظ القرآن لكن تفتكري حضرتك أنا ممكن أفضل بالساعات علي الانترنت ليه السبب بسيط أن أنا بعد متخرجت خلاص محدش مهتم بيه في البيت يعني محدش بيسأل زي الأول ومحدش فاضي حتي يكلمني مع أن أنا كنت بحكي لماما علي كل حاجه حاليا بمجرد مفتح بقكي تقول مش فاضين للحكاوي في الاول أنا اللي مكنتش فاضيه من الدراسه ومع ذلك كنت بحكي عشان تكون مطمنه عليه معلش أنا طولت عليكي بس الاصل البوست دا جي علي الجرح ودي تاني مره اقرأه ومقدرتش المره دي أني معلقش عليه

أم أحمد المصرية يقول...

صديقي دكتور بهدوء يمكن عندك حق بس فيه بردوا شباب بيعمل كده عشان مش عوز يتعب نفسه و يبذل مجهود
ربنا يهدي الجميع

أم أحمد المصرية يقول...

حبيبتي ايمان انفاس الصباح
بحبك و انت فاهماني :)))))
مازلت المحاولات مستمرة مع الشباب و ربنا يستجيب الدعاء يارب

أم أحمد المصرية يقول...

ابني العزيز محمد حرية الفكر
لاحرمني الله سؤالك
الترقيه مطلوب و ضروري يا محمد لكل الاعمار بس مش 24 ساعة في اليوم و لا ايه
احمد بيرسل لك سلامه بس هو الايام دي انشغل في كورسات كمبيوتر ادعي له

أم أحمد المصرية يقول...

الصديق الجديد السهم المكسور
اهلا بك في المدونة و اسفة علي التأخير في الد سأزورك قريبا ان شاء الله

أم أحمد المصرية يقول...

اخي الفاضل سيد " جني "
ترجع بالف سلامة

أم أحمد المصرية يقول...

الصديق الفاضل blue wave
انا مش قصدي الصورة تكون غامقة انا بس بوصف واقع بعض الناس اللي مش عايزة تتعب نفسها في حاجة و صدقني دي حقيقة

أم أحمد المصرية يقول...

صديقتي ايما ام البنين
احب انا الافكار الثورية اللي من النوع ده الله ينور:)

أم أحمد المصرية يقول...

الاخ الفاضل همس الاحباب
شكرا علي سؤالك انت عارف الصيف و انشغالاته

أم أحمد المصرية يقول...

الصديق الجديد حسن حنفي
نورت المدونة

أم أحمد المصرية يقول...

الصاديقة الديدة امة الله
تعليقك من اهم التعليقات التي استقبلتها
شوفي يا حبيبتي يمكن في قصتك في خطأ مشترك لكن ضعي نفسك مكان ماما هي تعبت معاكي طول عمرها و حست لما تخرجت انا اتمت الرسالة وانك خلاص كبرت مش محتاجة شييء ده طبعا مش صح بس في الغالب هو ده احساسها
انا بقي كنت بتكلم علي السن الاصغر شوية منك اللي لسه في الدراسة و الاب و الام يحاولوا يوفروا منفذ لممارسة الرياضة و منفذ لممارسة الثقافة و الترفيه و منفذ للاهتمام بالدين و الشاب من دول مش عاي زيتعب نفسه هي دي المشكلة لا اعتقد غياب القدوة لأن اغلب الاهالي في اغلب البيوت قدوة حسنة لأبناءهم من حيث الاخلاق او العمل و الانجاز
يمكن عندك حق لو قلت غياب التشجيع
بس ساعات الاهل بيجي لهم احباط من اولادهم بتكرار المواقف و الاشياء اللي خذلوهم فيها و ده بينعكس علي عدم قدرتهم علي التشجيع بل يقولوا الشيء و هم متأكدين انه مش حيتنفذ كما ينبغي
مش عارفة المشكلة في التواصل و لا في كسل الجيل الجديد
لو عندك رد او اعتراض انا يسعدني جدا استمرار المناقشة معك في هذا الموضوع فأعتقد ان فيه استفادة للطرفين
علي فكرة انا اعرف ام قالت لأبنها مرة تعالي نقعد سوا و نطفي الكمبيوتر و tv
ابتسم ابتسامة جميلة و قال لها بعد الفيلم
تقبلي تحياتي و رغبتي في دوام التواصل معك

أمـ الله ـة يقول...

السلام عليكم ورحمة الله وبركاته
أنا عاوزه أعلق علي الجمله دي(مش عارفة المشكلة في التواصل و لا في كسل الجيل الجديد )أنا هكلم حضرتك عن تدريب كان في الجامعه التدريب دا كان من يوميا لمدة 10 أيام من الساعه 9 الي 4 في شهر 7 ولكي أن تتخيلي اجازه وحر كمان ومع ذلك كنا مستمتيعن جدا والمدربين كانوا من أساتذة الجامعه وفي اخر التدريب كانوا بيقولوا لا مش هما دول الطلبه احنا لم نتوقع والسبب بسيط لما الطلبه حست ان في حد بيسمع بجد وعاوز يصلح بجد استجابوا ارجو المعذره في اللي هقولوا دا في بعض الاحيان بيكون في انانيه من الاباء والابناء عندها قرون استشعار لما بتحس بالموضوع دا في بعض الاحيان بيكون عند حبونا بدون شروط احنا مش طالبين غير الحب وشوفوا النتيجه بعدين لا للحب المشروط اذا ذاكرت اذا فعلت احبك ويكون في تشجيع معملتش متسألنيش عن الحب ارجو أني مكنش طولت عليكي

أختكم فى الله يقول...

بنحاول نتغير 5

ياريت تشرفونا و تقروا الفكرة و تقولولنا رأيكم

حاجات جوايا يقول...

السلام عليكم
ازيك يا قمر اخبارك ايه وحشتينى


اخيرا نزلت الواجب الحمد لله
تعالى صححيه بقى

هرجعلك تانى يا قمر اقرا الموضوع اللى شكله حلو ده ههههههههه

سلام يا حبيبتى تصبحى على خير

سالى

rovy يقول...

الحقيقه ردك على تعليقى حيرنى و دى مش اول مره اقرأه وكل مره احاول افهمه بس بجد مش فهماه .. ممكن توضحيلى قصدك جزاكى الرحمن كل خير ..

دمتى بالف خير
خالص تقديرى و تحياتى

حاجات جوايا يقول...

عندك حق فعلا يا اختى الحبيبة
أغلب شبابنا بتكون دى طقوس يومهم ما بين النوم والكمبيوتر والسهر خارج المنزل حتى الساعات الاولى من الصباح والنوم حتى بعد أذان العصر

والغريب ان الأباء برغم ضيقهم من هذا الاسلوب إلا انهم بيترفعوا بابناءهم عن العمل الصيفى الذى أعتقد انه من اهم الامور التى قد تشغل وقت الشباب فى الصيف وتنظم حياتهم وتعودهم تحمل المسئولية وقيمة الوقت منذ حداثة اعمارهم

المهم ان يتم توفير العمل المناسب مع الصحبة المناسبة لاجتناب رفاق السوء

دمتى بخير حبيبتى
وحمدا لله على سلامتك وسلامة وصول اهلك وذويك واحبائك

اجازة سعيدة ان شاء الله

سالى

محمود بركات يقول...

مبروك ع الاجازة لكن فعلا انا مش حاسس بطعمها عبد الوهاب المسيرى اتوفى وبراءة ممدوح اسماعيل وحبس سعدالدين ابراهيم يالا مش مهم هى الدنيا كده منهم بقى لله معلش يا استاذة انا نكدت عليكى فى فرحتك بالمصيف والاجازة بس انا فعلا تعبان اسف على حزنى مرة تانية

rovy يقول...

الاخت الحبيبه ام احمد
اشكرك جدا لاهتمامك و توضيحك الامر
واعتذر لأنى الظاهر كده مع الاجازه و زن البنات علشان المصيف و خنقتهم اللى ما بتفكش خلوا عقلى هيس شويتين
و الفهم بقى ضايع ولا ايه الحكاية !!!ربنا يستر ..المهم اشكرك على التوضيح
و ربنا يخلى لك احمد واخواته اللى هما اكيد شباب ما شاء الله عليهم زى الفل
ربنا يحميهم و يبارك لك فيهم يا رب
اسمحى لى بحذف التعليق اللى عندى (مش احسن)
دمتى بكل خير و سعاده فى رعاية الرحمن و حفظه ..
تقديرى و تحياتى

غير معرف يقول...

السلام عليكم
أصدقائنا وأعزائنا المدونون
عاملة أيه ياأم أحمد
الآن

مجلة علّي صوتك
مجلة المدونين
منهم وإليهم
لينكها http://3allisotak.net/

غير معرف يقول...

السلام عليكم
أصدقائنا وأعزائنا المدونون
عاملة أيه ياأم أحمد
الآن

مجلة علّي صوتك
مجلة المدونين
منهم وإليهم
لينكها http://3allisotak.net/

فليعد للدين مجده يقول...

فعلا صدقت ذلك حال معظم من أعرفهم من شبابنا وأبناءنا
لكن مع بعض التركيز علي احترام قيم البيت من احترام شعائر العبادة يمكن قبول هذه الحالة في هذه الاسابيع القليلة من طائفة عمرية مهمتها في الحياة-بعد العبادة- هي المذاكرة ثم اللعب

فلنتركهم يلعبون طالما انهم ملتزمون

عاشــــــ النقاب ـقــــة"نونو" يقول...

السلام عليكم حبيبتي
اولا كل عام وانتي بخير وسعادة
اللهم بلغنا رمضان
للاسف الشديد دة يمكن حاجة خفيفة من الحقيقة
طبعا الا من رحم ربي
تذكرة جزاك الله خيرا عليها
وحشتيني جدااااااااا
تحياتي

نـارا يقول...

للأسف النت بياخد وقت طويل ..
وإحنا عاملين وقت للنت
بس ساعات كتير بنصب على اخواتى وأعد أكتر من وقتى ..

بس فى بعض الأوقات بحاول أسيطر على رغبتى فى الجلوس ..

وإن شاء الله رمضان جاى والوقت يقل..

الله المستعان ..

كل عام وانتِ إلى الله أقرب ..

حاجات جوايا يقول...

فينك يا جميل
غايب ليييييييييييييه

لسه قاعدة مع الاهل ولا سافروا خلاص
طمنينا عليكى
يارب يكون المانع خير

لا إله إلا الله

الدرعمي يقول...

السلام عليكم

عود ٌ أحمد يا أم أحمد

نرجو ألا يكون من هؤلاء أحمد

أوحشينا كثيرا

حفظك الله لنا أمـًا عزيزةً


ابنك
غير الكسول


آدم

Unknown يقول...

عزيزتى الغالية

ام احمد المصرية

وحشتونى .... عدت اليكم بعد اجازة قصيرة زمنيا طويله لبعدى عن اخوتى
واحبابى ...
سوف اعود للاطلاع على موضوعك ان شاء
الله ..سامحتى لغيابى وعدم تواصلى معكم

عاشــــــ النقاب ـقــــة"نونو" يقول...

فيييييينك
وحشااااااني

أختكم فى الله يقول...

حبيبتى ام احمد

وحشتينى جدا جدا


ايه المواضيع الجميلة دى

ربنا يبارك فيكى يا رب

انا اسفة اوى بجد على التاخير فى التعليق لكن والله النت عندى بايظ وانا اصلا برد من برة مش من البيت

ارجوكى اقبل اعتذراى