الثلاثاء، 19 أغسطس 2008

سلاما لكم من الاسكندرية

أصدقائي الاحباء
افتقدت التواصل معكم الفترة الماضيةو الف مليون شكر لكل من سأل عني خصوصا حبيباتي أمل و سالي و عاشقة النقاب و قد كانت المشكلة أن اليوم 24 ساعة فقط و أم أحمد يبدو انها عجزت و أصبحت بطيئة لذلك لم يعد اليوم يكفيها او تكون التقطت فيروس الكسل من الجو الله أعلم
ما اعلمه جيدا أنها قررت اليوم ان تقاوم كل ذلك و تعود اليكم و قد اعطتها مشاعر الحب لكم قوة و نشاط فسامحوها
و قد عدت اليوم لكم بهدية كي تقبلوا أسفي بس يارب تعجبكم و ليعتبرها من زار الاسكندرية ذكري الزيارة الجميلة أما من لم يزرها فليعتبرها تعويضا له عن ذلك و دعوة له من الاسكندرية
لكن اسمحوا لي ايضا ان اهديها لأحمد ابن أحمد الذي تنازل مضطرا عن نشاطه الرياضي هذا الصيف بسبب اصابة ملاعب في الشتاء الماضي فعوض ذلك بالحصول علي شهادة icdl " الرخصة الدولية لقيادة الكمبيوتر " هل تذكرون .......؟
يعني احمد الان يستطيع قيادة الكمبيوتر الف الف مبروك ياحبيبي و عقبال الثانوية العامة
و الان الي الهدية يارب تعجبكم




هناك 42 تعليقًا:

عاشــــــ النقاب ـقــــة"نونو" يقول...

السلام عليكم
حمد الله على سلامتك يا حبيبتي
والف مبروك لاحمد وعقبال ما يتخرج وتفرحي بيه هو واخواته يارب
صور جميلة اوي وهديتك مقبولة
كل عام وانتي بخير حبيبتي

Empress appy يقول...

كل سنه وانتى طيبه

وحلوة اوى الصور بجد طول عمرها اسكندريه حلوة اوى

امل يقول...

السلام عليكم
الف حمد الله على السلامة وحشتنا طلتك الجميلة والهدية أكتر من رائعة بس شوقتني للبحر قوي وأنا للأسف بيني وبينه مسافـــات ههههههه والف مبروك لاحمد شهادة الـ
icdl
وعقبال التخرج والوظيفة وكل سنة وانت بألف خير بمناسبة شهر رمضان الكريم ربنا يتقبل منا ومنك
تحياتي وحبي

د. إيمان مكاوي يقول...

حمدا لله على السلامه ..وعايزين مواضيع حلوه زي العاده
ومبروك لأحمد ..ودايما في تقدم
والصور رائعه لاني بحب البحر جداوخاصة ساعة الشروق او الغروب
تحياتي

عين فى الجنة يقول...

نحمد الله على سلامتك

ahmd ebn om ahmd يقول...

ألف شكر على الإهداء الحلو ده والله يبارك فيكى يا أمى العزيزة

مواطن مصرى نايم يقول...

اولا حمدالله بالسلامة
انا بقى عندى اسكندرية ذات نفسها
بما انى اسكندرانى يعنى
بس الصور جميلة و مقبولة الهدية يا ام احمد

و مبروك لاحمد على ال icdl
بس خليه من وقت للتانى يراجع اللى هو اخده عشان اختبار اليونسكو
تحياتى

اسلام

Unknown يقول...

السلام عليكم ورحمة الله وبركاته
حمدلله على سلامتك ورجوعك الجميل
ومليون مبروك لاحمد ابن ام احمد
على الشهادة المفتخرة دى وعقبال
الدكتوراة مع مرتبة الشرف والتفوق
وهديه جميلة ومقبولة منك ياأم احمد وكيف لا وهى لعروسة الشواطىء كلها
الاسكندرية.عارفة ياأم أحمد انا رحت كل المصايف اللى فى مصر وكمان فلوريدا
فى امريكا والله مالقيت فى جمالها ابدآولا تفتكرى علشان هى بلدنا واحنا بنحبها
مرة تانية الف حمدلله على السلامة .
تحياتى واحتراماتى.

alexandrany يقول...

السلام عليكم
اولا حمد الله ع السلامه
ثانيا الف مبروك لاحمد على الشهادة وعقبال الشهاده الكبيرة مش الثانيوة لأ
الشهادات اللي تأكل عيش في الايام دي
MCSA
MCSE
CCNA
CCNP
ومعاهم طبعا الثانوية والجامعه عشان يسندوهم
:)
ربنا يخليهولك
اسكندرية مش محتاجه صور عشان نفتكرها
اسكندرية في القلب من جوه محفورة بكل شوراعها وكل حورايها وبكل حتة في كورنيشها
ميرسي جدا ع الصور مع ان الصور عندي بتخليني احزن اكتر
بس جايلها ان شاء الله جايلك يا اليكس
كل سنة وانتي طيبة واحمد بخير

الطائر الحزين يقول...

حمدالله على السلامة
ومبروك لاحمد
صور جميلة

(احمد سكر ) يقول...

حمد الله على سلامة حضرتك

كنا نتمنى نقابل حضرتك فى لقاء مدونى اسكندريه

بس للاسف مأسعدناش الحظ

اننا نقابل حضرتك

تحياتى

احمد سكر

الكاتب احمد كاجوال يقول...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

أم أحمد المصرية يقول...

حبيبتي عاشقة النقاب
الله يسلمك و يبارك فيك
---------------------------------------
صديقتي ابي
و انت طيبة و ان شاء الله تبقي تقضي شهر العسل عندنا بس ما تنسيش تجيبي بطوط معاك :)
------------------------

أم أحمد المصرية يقول...

صديقتي الحبيبة أمل
الله يسلمك و ما يحرمنيش منك والبحر باعت لك شديد السلام
-----------------------------
صديقتي العزيزة ايما
الله يسلمك و يبارك فيك و اكيد انتظريني في المدونة الجديدة فكرة جميلة جعلها الله في ميزان حسناتك

أم أحمد المصرية يقول...

الاخ الفاضل راجي
شكرا علي مرورك و اهتمامك
------------------------------------
احمد ابن احمد
منور يابني و يارب دايما اهنيك

أم أحمد المصرية يقول...

صديقي الجديد مواطن مصري نايم
نورت المدونة و الله يسلمك
و شكرا علي تهنئتك و شكرا علي نصيحتك لأحمد بالمراجعة و لو انه خلص الامتحانات و في انتظار الشهادة المعتمدة من اليونسكو ان شاء الله

أم أحمد المصرية يقول...

عزيزتي نوراهاتي
يارب دايما منوراني و شكرا علي التهنئة
اما عن جمال الاسكندرية فأنا صاحبة رأي متحيز هي حلوة عشان السببين عشان حلوة و عشان بلدنا

أم أحمد المصرية يقول...

صديقي الجديد اسكندراني
عندك حق تمام في كل اللي قلته علي الشهادات ادعي لأحمد و اهو مشي اول خطوة و ربنا يسهل له
اما اسكندريه فهي في انتظارك علي احر من الجمر فهي تحب ابنائها و تشتاق لهم ترجع لهابالسلامة ان شاء الله و لا تحزن عند رؤية الصور دي تصبيرة لغاية ما تيجي و تشوف الجمال ده بنفسك

أم أحمد المصرية يقول...

صديقي الطائر الحزين
الله يسلمك و يبارك فيك

أم أحمد المصرية يقول...

اخي الفاضل احمد سكر
الله يسلمك و انا اللي حظي وحش لم اعرف بهذا اللقاء الا الان اقية ان شاء الله

أم أحمد المصرية يقول...

الصديق الجديد احمد كجول
انتظر زيارتي ان شا ءالله

شفـقــة و إحســــان يقول...

حمدالله على السلامة
الصور هايلة
كل سنة وانتى طيبة

tarek alghnam يقول...

ام احمد
كل عام وانتى بألف خير بمناسبه قرب شهر رمضان
دائما اسعد بوجودى بمدونتك
اتمنى لكى حياة سعيدة وان يرضى المولى سبحانه وتعالى عليكى
تقبلى تحياتى
وادعوكى لجديدى
ودمتى بحفظ الله

أميمة كامل يقول...

حبيبتى أم أحمد

السلام عليكم

وحشتينى جدا

رغم أننا لم نتقابل من قبل الا أننى

حقا أفتقدك

واسكندرية طبعا لا يوجد من ينافسها فى روعتها

أجـمــل قـلــب يقول...

اول زيارة لى فى المدونة
ماشاء الله المدونة جميلة جداااا
باذن الله مش هتكون الزيارة الاخيرة
واتمنى التواصل الدائم

تقبلى تحياتى بكل ود
ادعوكى لزيارة مدونتكم الجديده
http://agml-qlb.blogspot.com/

أم أحمد المصرية يقول...

صديقتي شفقة هانم
كل سنة و انت بالف خير و الحمد لله ان هديتي عجبتك

أم أحمد المصرية يقول...

الاخ الفاضل طارق الغنام كل عام و انت بخير و دايما في تواصل ان شاء الله

أم أحمد المصرية يقول...

حبيبتي اميمة
و عليكم السلام و رحمة الله
الف حمدا لله علي سلامتك انا جاية ازورك جري فالاخوة و الحب في الله ليس من شروطها الرؤية

أم أحمد المصرية يقول...

الصديق الجديد واحد ميت
نورت المدونة و ان شاء الله تواصل مستمر بيننا

فليعد للدين مجده يقول...

جمدا لله علي عودتك بالسلامة
دعائي لك بالبركة في الوقت وعليك باغتنام البكور
مبروك لأحمد
وهديتك مقبولة

جنّي يقول...

وعلى اسكندرية وكل اهلها وللأخت ام احمد اجمل سلام وتحية ..

واهلا بيكي مرة ثانية

وصورك الهدية مقبولة ولكي كل الشكر

ومبارك لاحمد اقر الله به عينك


شكرا

أم أحمد المصرية يقول...

اخي الفاضل فليعد للدين مجده
شكرا جزيلا علي دعائك و نصيحتك

أم أحمد المصرية يقول...

اخي الفاضل جني
و من الاسكندرية و من اهلها لك اجمل سلام و كل عام و انت بخير

الدرعمي يقول...

كل عام وأنتم بخير

ورمضان كريم


آدم

الدرعمي يقول...
أزال المؤلف هذا التعليق.
موناليزا يقول...

الله عليكى وعلى هديتك
وبجد وحشتينا ياحبيبتى
وكل سنة وانتى الى الله اقرب والى طاعته ادوم

حاجات جوايا يقول...

حمدا لله على السلامة يا جميل
نورتى مدونتك من جديد ونورتينا

مبروك لاحمد .. وربنا يوفقه فى حياته هو وأخواته يارب وتفرحى بيهم

والصور بجد تحفــــة
تسلم ايدك يا قمر
بس متغيبيش عننا كده تانى

كل سنة وانتى طيبة ياقمر
أسأل الله ان يبلغكى وإيانا رمضان وان يغفر لنا ويرحمنا ويعتقنا من النار ويتقبل منا ويعيننا على قيام الليل

خالص مودتى

سالى

أمـ الله ـة يقول...

حلوة خالص الصور أصلي بحب الأتنين التصوير وبعشق حاجه اسمها بحر
ومبارك لأحمد
وكل عام وأنتي إلي الله أقرب وعلي طاعته أدوم تقبل الله منا ومنكم

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

مجداوية يقول...

السلام عليكم
كل عام وأنت بألف خير
اللهم اجعلنا من العتقاء يا رب العالمين

آمين

rovy يقول...

كل عام وانتى بالف خير و صحه و سعاده و بارك الرحمن لكى فى احمد و اخوته و جعلهم قرة عينك اختى الحبيبه ..

رمضان كريم

تحياتى

Unknown يقول...

اختى الفاضلة
ام احمد المصرية
سعيد بزيارتى اليكم فى هذا الوقت من الشهر الكريم الذى ندعوا الله ان لا يحرمنا اجره
وان يهدينا الى الطريق القويم والعمل بسنة حبيبه صلى الله عليه وسلم
وكل عام ونحن جميعا بكل خير وسعادة وهناء
وكل عام والاقصى محرر من دنس اليهود
وكل عام ونحن على سنة الرسول الكريم صلى الله عليه وسلم سائرون
شكرا لكم ودعواتكم بالشفاء لكل مرضى المسلمين
كل التهنئة بحلول شهر رمضان المبارك