الجمعة، 25 ديسمبر 2009

ضاع اليوم .. لننقذ الغد قبل ان يضيع



اصدقائي بعد السلام عليكم و السؤال عن صحتكم و الاعتذار عن غيابي الذي و الله لم أنساكم فيه و كنت ادخل احيانا لقراءة بعض تدويناتكم و لا اجد وقتا للتعليق شغلني عنكم مواعيد عملي المسائية و مذاكرة الابناء الاحباء
ادعوا لي أحمد ثانوية عامة يا ناس و هذا موضوع كبير سأفرد له تدوينة كاملة ان شاء الله و ايضا مذاكرتي حيث بدأت في دورة جديدة تقدمها شركة اوراكل كمنحة لوزارة التعليم المصرية " عن كيفية اكتساب مهارات القرن الواحد و العشرين عن طريق التعليم نظام المشروعات التعليمية " موضوع كبير هو الاخر سوف افرد له بالتأكيد تدوينة علي الاقل ان لم يكن اكثر و الان ربما تتساءلون لماذا اتحدث عن الثانوية العامة و اتحدث عن تطوير التعليم كعناوين فقط و اعدكم استكمالهم في تدوينات تالية لماذا انا هنا اليوم اذا و سط كل هذه المشاغل
طبعا لأني بحق افتقدكم لذلك عندما قرأت هذه الرساله في بريد الاهرام اليوم الجمعة تذكرتكم فورا و تذكرت تجمعنا علي حب بلادنا و الغيرة عليها و علي حب ابنائنا و اهتمامنا بمستقبلهم تذكرت كل مشاغلي و اهتماماتي كمدرسة و ام
و دارسة لواحدة من احدث طرق تطوير التعليم اقرؤا معي احبائي و في انتظار ارائكم
ملحوظة هامة:
علي من يعاني من ارتفاع ضغط الدم مثلي تناول الدواء قبل القراءة
اليكم الرسالة :


‏‏أرجو أن تقرأ القصة التالية بعناية أو الواقعة التي حصلت في احدي الجامعات المحترمة جدا لنعلم لماذا لا توجد الجامعات المصرية في قائمة الجامعات المحترمة‏,‏ وسياسة التعليم الجامعي التي تهدف إلي تخريج موظف حكومي بيروقراطي أو موظف فاسد أو موظف يسمع الكلام فقط‏,

وفعلا كما قال عضو مجلس شعب سياسة التعليم لا تريد إنسانا محترما يفكر ويبدع ويخترع تريد مواطنا فاسدا فقط‏,‏ تقدم مجموعة من الشباب الذين يدرسون الكمبيوتر في قسم هندسة الكمبيوتر في احدي الجامعات المحترمة جدا والغالية جدا باقتراح مبدئي لمشروع التخرج للأستاذ المشرف عليهم المجموعة الأولي لتصميم طائرة بالكامل بدون طيار والمجموعة الأخري لتصميم السوفت واير للتحكم بها ومن حسن حظهم هناك مسابقة عالمية سوف تقام بين طلاب كل جامعات العالم خلال‏4‏ أشهر لنفس الموضوع تحمس الطلاب والأستاذ لأن الاستفادة مزدوجة‏,‏ مشروع تخرج‏,‏ والاشتراك في المسابقة باسم الجامعة وباسم مصر‏,‏

وبدأت المجموعة الأولي المعنية بالتصميمات منذ شهرين العمل بجد وبدأت المجموعة الثانية المعنية بتصميم البرامج والسوفت واير العمل منذ أسبوعين فقط وفجأة دعاهم الأستاذ إلي مكتبه وأبلغهم وهو مكتئب‏:‏ اصرفوا نظر هاك تعليمات محددة بعدم التفكير‏,‏ أو وضع أي مشاريع للطلاب لتصنيع أو اختراع أي شئ يطير هذا ما قاله الأستاذ بالحرف خليكم علي الأرض اعملوا موقع ولا عجلة ولا حتي فيديو راقص أو سوفت واير للفتاوي هذا المطلوب‏,‏ ثار الطلبة ثورة الشباب لماذا ونحن نريد رفع اسم مصر نيد أن نخترع حاجة للبلد‏,‏ كان الرد ارفعوا اسم مصر في الاستاد فقط في مباراة كرة أو في برنامج استار اكاديمي‏,‏

وحاولوا مقابلة نائب رئيس الجامعة والمطالبة برؤية تلك التعليمات مكتوبة ومن أي جهة وهو علي فكرة أستاذ فاضل ومحترم‏,‏ ولكنه لم يقابلهم وخاطبني ابني ثائرا لماذا لا يقابلنا قلت له هو لا يريد أن ينظر في وجوهكم ولا تنظروا في وجهه لتروا مدي احباطه وتلك التعليمات الأمنية سيف علي رقبته ممنوع أي مشاريع لأي حاجة تطير في النهاية قال لهم الأستاذ إن شاء الله لما تهاجروا وهو قريب جدا صمموا هناك وتفوقوا وأحصلوا علي نوبل ثم مصر تكرمكم وتعمل لكم حفلة راقصة ممتازة واعمل وا واخترعوا هناك وارقصوا هنا فقط في مصر‏!!!‏ أنا لا أتكلم عن قصة خيالية أو قصة مختلقة بل هي قصة حقيقية ولكن أرجو ألا يطلب المعلومات أحد ليعاقب الطلبة‏.‏

وقبل أن اختم‏:‏ في المقابل شاهدت علي إحدي القنوات حلقة باسم موعد في المهجر لأستاذ جامعي مصري يرأس وحدة أبحاث محركات الطائرات في أكبر شركة في كندا‏,‏ وفي نفس الوقت رئيس قسم في احدي الجامعات في نفس البلد‏,‏ وكان الحوار ممتعا لشخص تفوق في مصر ثم استفاد منه الغرب وهو عضو في لجنة تطوير محركات الطائرات في حلف الناتو بجنسيته الكندية ولخص الحلقة عن كيفية الاستفادة من طلاب الجامعات وإشراكهم في قسم الأبحاث للشركة وبأجر‏,‏ لتقديم كل أفكارهم وإبداعهم وحماسهم لتطوير المحركات‏,‏ وفي النهاية تبني كل من لديه فكرة جديدة مفيدة ويشعر الطالب بتفوقه ويبدع ويخلق ويفكر ويحلق لأبعد مدي في النهاية هو المستفيد والشركة مستفيدة والجامعة مستفيدة‏,‏ لا تعليق‏!!‏
د‏.‏ هشام بدر



*‏ المحرر‏:
‏ لا أعرف سر صدمتك ياصديقي‏,‏ طائرة بدون طيار هكذا مرة واحدة‏..‏ ألم تسأل نفسك ولماذا لا نصنع سجاد الصلاة والفوانيس والسبح والأثاثات وكل شئ نستخدمه من أجل عيون الصين؟

من المستفيد وما هذا التدمير لصناعات خالدة في مصر؟

أرجو منك أن تتكرم بزيارة لمركز براءة الاختراع فتري بنفسك مئات الآلاف من الأفكار النابهة المركونة علي الأرفف وفي المخازن‏,‏ لأن لدينا قوي غريبة تدفعنا للتخلف‏,‏ وتدعم طاحونة الفساد بكل إخلاص‏!‏


انتهت الرسالة


حسبي الله و نعم الوكيل


انا لا اريد ان ايأس و لا اريد ان أسكت فوسط كل ما نحن فيه كنت احاول التفاؤل بالغد و اقول اني كمعلمة لي دور في بناء مستقبل افضل لمصر و الله العظيم انا أؤمن بهذا الكلام فعلا
و لابد ان يكون لكم و لي دور في الدفاع عن ابنائي و تلاميذي
شاركوني اقتراحاتكم و اليأس ممنوع



هناك 51 تعليقًا:

MaNoOoSh يقول...

حمدالله على سلامتك يا قمر
وربنا يكون في عون أحمد على الدراسة وفي عونك على تعب الاعصاب

نورتي المدونة تاني

أمل حمدي يقول...

يا أم أحمد أنا مقهورة ومخنوقة


لكن مش هيأس ولا هايجيلي احباط علشان بس ربنا امرني بكدا وعلشان في ايمان بوعد الله

أسأل الله العظيم رب العرش العظيم أن يجعل كل من يكيد للعرب وللمصريين والمسلمين

أن يجعل كيده في نحره اللهم أمين

أنا لسه راجه بقالي شهر كنت مريضة وعملت جراحة والحمد لله خير

وعلى فكرة انا بنتي في ثانوية عامة برضو ومستنية البوست

ربنا معاك ومعايا ويعينا علي أولادنا اللهم أمين 

Unknown يقول...

الأخت الفاضلة: أم أحمد
السلام عليكم ورحمة الله وبركاته
بعد أن قرأت الموضوع لاأعرف لماذا حضرتنى مقولة قالها الإمام الراحل : محمد متولى الشعراوى ..عندما يكون رغيف خبزك من فأسك ، يكون قرارك من رأسك.
هل تجدين علاقة؟

تقبلى تقديرى واحترامى
أخوك
محمد

مجداوية يقول...

السلام عليكم

أولا حمدا لله على سلامتك
انا كمان عندي ثانوية عامة ومعهد وعمل ولكن عندي حالة انفتاح تدويني على الرابع يبقى أكيد التدوين متنفث لكل ده أو أكون مش طبيعية بقى أو معنديش دم
:)

المهم
موضوعك بيلخص كل الحكاية
تعليمات
وتوجيهات

الاستعمار عايزنا كده وعايز تعليمنا كده وعايزنا نبتكر عنده وبشروطه ومصر عليها تكرمهم بقلادة النيل واحنا نصقف ليهم ونعاير بيهم الجزائر ونقول دي مصر إنت مين ؟!!!!!
وكأن مصر هي اللي خلتهم كده بامكانيتها التنكلوجية الجبارة وتعليمها الفذ !!!وهم كل خيرهم للاستعمار ومن حاول أو فكر بأن يفيد بلده بعلمه قتل
واحنا زى ماحنا في التعليم المتخلف اللي على الأرض
والطيران ليهم طبعا

لما مصر تتحرر من الاستعمار حتحصل نهضة ان شاء الله
اهه تفاؤل أهه

يحيينا ويحييكي ربنا ونشوف اليوم ده لأن دوام الحال من المحال أو يقضي الله أمرا

لكن احنا يا عزيزتي بنحلل فلوسنا في العمل ليبارك الله لنا فنعمل ونقول ونفعل ما نستطيع لتحسين أداء نظام تعليمي بالفعل يربطنا بالأرض

حنطير إن شاء الله
الحكومة حتطيرنا خاااااااااااالص
:)

بس عجيبة أوي الأهرام ينشر الرسالة دي !!!

أ / أحمد عبد المنعم يقول...

بسم الله الرحمن الرحيم

الأخت الفاضلة : أم أحمد المصرية

كل عام وأنت بخير

وحمدا لله على سلامتك وبارك الله لك فى أوقاتك .ووفق أحمد فى دراسته .

الأمل مازال معقودا على من يخلص إخلاصا صادقا لوطنه .

لابد من غرس الأمل فى نفوس الأبناء وجعلهم ينظرون إلى القضية بشكل آخر ووبزاوية أبعد لا ندع اليأس الموجه يحرفهم إلى الهاوية وأعنى باليأس الموجه اليأس الذى يوجههم إلى الغرب ليخرجوا أفكارهم ويبدعوا إختراعاتهم لهم لتكون سلاحا يوجه إلى أوطاننا فى صور متعددة مباشرة وغير مباشرة

أختى :

إننا بحاجة إلى إيقاظ حب الوطن فى نفوس أبنائنا بصورة يكون التحدى أساسا لها فلننم التحدى فى نفوسهم تحدى الخمول وتحدى الكسل وتحدى الوضع الراهن من الفشل .
حينها نستطيع ان نرى ما سيفعلونه فسيحققون ما عجزنا نحن عن صنعه ذلك لأننا ظللنا نبكى على وضعنا الراهن وأخذنا نتحسر على ما تفعله قلة طاغية فى المجتمع ونبكى على حضارة فائتة كنا فيها الرواد .

( فلنصنع لأبنائنا شعورا مغايرا ونفوسا مغايرة وقلوبا قادرة لعلنا نؤجر بدلا من أن نؤزر على ما نفعله بهم )

Unknown يقول...

السلام عليكم ورحمة
الله تعــالى وبركاته
وصباح الفل ياام احمد
منورة بلوجر ومنورانا
وربنا ينجح احمد
واخوانه وزملائه وكل الطلبة
فى الثانوية العامة وفى غيرها
اما حكاية بريد الاهرام فاهى
القديم الجديد المتجدد فى مصرنا
العزيزة وللأسف الشديد وحتلاقى
الف واحد وواحد يبرر ليه وعلشان
ايه !فى كل مجال هناك من يعمل لاحباطاتنا ولأرجاعنا الى الخلف
وبقوة !!
اقولك قولى يارب
وهو يصرف عنا الهم
والغم ووجع القلب
والاحباط اللى مالى حياتنا.

الطائر الحزين يقول...

أظن أن هذه البلد سينقلب حالها بقرار مجرد قرار

ايه هو مش عارف


وفقك الله و أقر عينك بولدك

salma mohamed يقول...

حمدا لله على السلامه,
ويارب حضرتك ما تغيبي تاني عننا,
اما التدوينه فاما اعقب واعلق بكلام وما تلاقونيش تاني (:
او التزم الصمت,
وانا اخترت التاني مش علشاني علشان اسرتي محتاجاني (:
بس هقول حسبي الله ونعم الوكيل.

الطائر الحزين يقول...

نحن جيل فُتن والأمل فى القادم وبأيدينا ان استطعنا

همس الاحباب يقول...

حمدلله على السلامة
وربنا يكرمك ويكون فى عونك
مع الاسف ده اصبح حالنا والفساد انتشر
والمحسوبية على حساب مصلحة الوطن
احيانا بحس اننا عملاء ضد الوطن وضد مصلحته
اعتقد لو اننا محتلين ومستعمرين هتكون النتيجة افضل مما نحن فيه
تدمير الشباب وهجرة المواهب تدمير الابتكار وقتل الطموح
ايه فاضل تانى
نورتى المدونة يا ام احمد
تحياتى

فليعد للدين مجده يقول...

الأستاذة أم أحمد
زادك الله علما ووفق ابنكم العزيز احمد الي ما يحبه ويرضاه
وقد قرأت ما نقلتيه عن بريد الاهرام في حينه ولم أستغرب
فطالما اننا ضعفاء وعاجزون فلابد من هذه العجائب

لكن لا يأس أبدا
ان شاء الله

نعكشة يقول...

مزبهلة

يا حلاوة

لا حول ولا قوة إلا بالله
لا تعليق بجد

.....

ربنا يعين حضرتك و يعزك ويعز اولادك

سلامٌ عليكِ

أميمة كامل يقول...

السلام عليكم

كيف حالك أختى الحبيبة

كل عام و أنتم الى الله أقرب و على

طاعته أدوم

وربناييسر لك كل أمرك

اللقطة التى تفضلتى بعرضها

هى جزء من شريط طويل من الذل

وحالة فقدان الإرادة واتخاذ

القرار

نحن أمة المليار و نصف لا نملك القرار

بل يملى علينا ما يجب و مالا يجب

فلا عجب فى هذا الأمر

ونحن أمة ارتبطت العزة فيها

بأن تحيى الإسلام وتعزه

ومتى صار المسلم مسلما حقا

صارت له القوة و الإرادة

و القرار و الطائرة و الطيار

أم أحمد المصرية يقول...

حبيبتي مانوش
انتي اللي منورة يا حبيبتي و شكرا علي دعائك

أم أحمد المصرية يقول...

حبيبتي ماما امولة
الف مليون سلامة
انا بجد مقصرة في السؤا ل عنك سامحني
اما حال بلدنا فلسه احنا و هي بنعافر و بنقاوم يارب ولادنا تكون حياتهم احلي من اللي كان لينا

أم أحمد المصرية يقول...

الاخ الفاضل محمد الجرايحي
طبعا العلاقة قوية جدا للاسف
بس هو السؤال اللي تاعبني حنعمل ايه تاني غير الاسف

أم أحمد المصرية يقول...

حبيبتي مجداوية
ربنا يقويك و يقوينا انت اشطر مني بس ححاول اقلدك :)) ربنا يوفق اولادنا يا رب
و ايه التفاؤل الجميل اللي في رسالتك ده :)))))))))) لو ده التفاؤل يبقي التشاؤم ايه
بس الحكومة ما تقدرش تتطير 80 مليون و لا ايه

أم أحمد المصرية يقول...

الاستاذ الفاضل احمد عبد المنعم
الصديقة الجديدة نجلاء
اولا شكرا علي التعليقين
ثانيا عندكم حق بس زرع الامل في ولادنا مش سهل انا ساعات بتضايق جدا من ردود ابني المحبطة عن المستقبل او سخريته من حماسي للغد و هو يقول ياه يا ماما انت بعد العمر ده كله لسه عندك الحماس ده و قد يقبل جبيني و كأني طفلة صغيرة لا تفهم الواقع
تصوروا

أم أحمد المصرية يقول...

حبيبتي نورآهاتي
انت اللي منورة يا حبيبتي
حقول يارب يارب يا رب
عشان يصرف عنا الهم

أم أحمد المصرية يقول...

الاخ الفاضل الطائر الحزين
تصدق تعليقك عمل عصف ذهني لدماغي و عاملة اسأل نفسي من ساعاتها ايه هو القرار اللي ممكن يعدل حال البلد
و لسه ما وصلتش

أم أحمد المصرية يقول...

صديقتي و اختي الصغيرة سلمي " مش حقول بنتي ليفتكروني عجوزة " :))
الله يسلمك يا حبيبتي و يشفي عن اخيك
و بعدين ايه التفاؤل بتاعك ده عاملة زي مجداوية
متوقعة تطيري و لا ايه

أم أحمد المصرية يقول...

اخي الفاضل همس الاحباب
مش عارفة اقول لك فاضل ايه يمكن فاضل
القرار اللي بيقول عليه الطائر الحزين و اللي لسه ما عرفناش ايه هو

أم أحمد المصرية يقول...

أخي الفاضل فليعد للدين مجده
جزاك الله خيرا علي الدعاء
و سؤالي هو الي متي ضعفاء و عاجزون

أم أحمد المصرية يقول...

الصديقة نعكشة
شكرا علي الدعاء
اما عدم قدرتك علي التعليق فانا كمان مش عارفة اقول لك ايه !!!!

أم أحمد المصرية يقول...

الصديقة العزيزة اميمة
يادي النور يادي النور عودا احمد يا حبيبتي و محمد و محمود كمان
ربنا يعزنا الاسلام دائما

غير معرف يقول...

الحبيبة الغالية ام احمد
اولا حمد لله على سلامتك
وكل سنة وانتى واسرتك بالف خير
ربنا يوفق احمد هو وكل امثاله
فى الثانوية العامة

مشقادرة اقول غير آآآآآآآآآآآآآآآآآآآآه يابلد او بالاصحالمسئولين عنها لغاية امتى
سندفن كل الطموحات فى اولادنا
اعملى ياام احمد ووصلى افكارك
لعل انتى وامثالك من القدوات تقدر
تعمل شىء حتى ولو انشاء جيل غير محبط
يامرحبا بالعودة ودمتى بخير

أم بتول يقول...

أم أحمد أهلا بيك بعد الغيبة الطويلة و ربنا يعينك و معاك أن شاء الله ، وكل سنة و انت طيبة بمناسبة العام الهجرى الجديد أعادة الله عليك و على كل المسلمين و كل المصرين بالخير و البركة ، وبعد بصى ياستى أوعى تقولى بعد الحكاية دى مفيش يأس لأ دة فيه أحباط تام و قهر كبير ، عارفة أحنا فعلا بنطرد و نبعد كل شيئ له قيمة فى حياتنا ، كفاية علينا قوى نحتفظ بالصغير و أخواته الى هم صغيريين قوى قوى علشان نعلى بيهم قيمة البلد و نرفع رجلها أسفة اقصد راسها لفوق ، ماهم دول الثروة القومية الحقيقية للبلد و المثل الأعلى لأولادنا و شبابنا ، علشان كدة لما بنلاقى أولاد و شباب بجد عاوز ينجح و يبقى حاجة لازم ما يكون له مكان على أرضنا ، يهاجر و يشوف له مكان تانى بيقدرهم و يستفيد منهم ، و احنا كفاية علينا المسخ و من يخرب العقول و السلوك ، كفاية علينا الى كل يوم يتمسكوا فى قضايا دعارة و مخدرات و شذوذ و نقول للأولادنا هم دول نجوم المجتمع و قدوتكم يا ولاد ، زويل ومدى يعقوب و البرادعى دول ناس فلته من الزمن ولا نعرف عنهم غير أسمائهم ، مشروع زويل فى القرية الذكية ياترى وصل لأيه ، و استفاد منه شبابنا ايه ...... !!!!
أوعى تقولى تانى بلاش ياس لأن اليأس ملأ قلوبنا و عقولنا . ومفيش غير أننا نقول حسبى الله و نعم الوكيل

ذكرى رحيل قلم يقول...

السلام عليكم
الناس الحلوة بترجع اهي في منوشة وام احمد رجعوا مع بعض عقبال الباقي يارب


انت قوليها كل شيء رايح لحساب الصين وعيون الصين

ورديتي حسبي الله ونعم الوكيل

في كتير في بلدنا مخترعيين محتاجين اللي ينفق علي اختراعتهم
ومش لقيين
بس علي مين امريكا موجودة

بيخدوهم بابحثهم
ربنا معاهم
منورة التدوين والله
متغبيش تاني
يارب يوفقك وتفرحي باحمد خلي بالك منه
ث ع

انت عارفها
بخصوص التدريس
ايه اخر اخبار عقود التدريس بالنسبة للجر
هههههههههههههههههه
في

simply me يقول...

دوا ضغط ايه دا مياثرش خالص دلوقتى

احنا عايزين دوا لليأس

مافيش فايده احنا لينا ربنا

ربنا يوفقك ابن حضرتك فى امتحاناته وكليته ويهاجر وينجح بره وتفرحى بيه ونفرح معاكى كلنا

ghorBty يقول...

السلامـ عليكمـ

ربنا يبارك في حضرتك ويوفق اولادك في حياتهم ويقر عينك بهم

بخصوص الموضوع

احنا عمرنا ما هنتقدم ما دام دا هو التفكير ومش غريب ابدا ان معظم المتخرجين اول تخرجهم بيدورا علي بعثه للخارج علشان يكملوا دراستهم لانهم لو قعدوا هنا هيكون تضييع الوقت وعدم الجديه من قبل المجطين هو الشئ الواقع

تعرفي في مركز البحوث اللي انا فيه الماجستير بيقعدونا 3 او 4 او 5 سنين كل واحد وحظه في المقابل ناس تانيه راحت بعثه ماجستير ودكتوراه مع بعض 4 سنين بس

الصراحه قهر وبجد اعصابي تعبت من التعليم وسنينه

دعواتك ..

rovy يقول...

السلام عليكم
حمدا لله على سلامتك اختى الغاليه ..

حسبنا الله و نعم الوكيل ..
مهما اشتدت المحنه اختى الغاليه يبقى دائما الامل فى الله سبحانه و تعالى و كلما اشتد سواد الليل كلما اقترب ظهور الفجر .. لذلك لا يسعنى الا ان اقولها ثانية حسبنا الله و نعم الوكيل

تحياتى لكى غاليتى

أم أحمد المصرية يقول...

حبيبتي ام مالك
المدونة منورة بوجودك ربنا يعطيك الصحة و يديم تواصلنا
و شكرا علي دعائك لأحمد و علي حسن ظنك بي
و رؤيتك لي كقدوة

أم أحمد المصرية يقول...

الصديقة العزيزة ام بتول
كل سنة و انت طيبة يا حبيبتي
لكن انا مش عايزة اشعر بالياس لازم يكون فيح حل لا زم يكون فيه امل بس احنا اللي لازم نسعي ووقتها ربنا مش ممكن يضيعنا .. صح و لا ايه

أم أحمد المصرية يقول...

حبيبتي ذكري رحيل قلم
شكرا علي ترحيبك و دعائك لأحمد
اما بخصوص عقود التدريس فبرغم انك بتهزري لكن انا حرد بجد و اقول لك اشمعني ده اللي حيمشي صح في بلدنا

أم أحمد المصرية يقول...

حبيبتي بندقة
كده بردوا يا قمر انت بتدعي لي و لا بتدعي عليا عايزة احمد حبيب ماما يسافر و يسيبها طبعا هو لوقرأ ردي ده مش حيعجبه و حياخد صفك تماما لكن انا نفسي نسافر للداخل لبلادنا مش للخارج لو كل الناس سافرت نسيب مصر .. مصر لمين

أم أحمد المصرية يقول...

حبيبتي غربتي

شكرا علي الدعوات اما بخصوص التدوينة فأنت عايشة في قلب المشكلة اكتر مني ما فيش امل و لا ايه النظام ما فيش دكتور من المشرفين نفسه يكسر الروتين و يعمل حاجة ياريتك تحكي لنا بالتفصيل ايه الوضع

أم أحمد المصرية يقول...

صديقتي و بلدياتي العزيزة روفي
الله يسلم و الله وحشتوني و قرأت في تعليقك
احلي كلمة قرأتها من فترة او بمعني اخر كنت محتاجة اقرأها
كلما اشتد سواد الليل كلما اقترب ظهور الفجر

كلمات من نور يقول...

أم أحمد المصرية

أولا يسعدنا رجوعكويلا اكتب عن الثانوية العامية علشان أنا عدى عليا اتنين ثانوية عامية وثانوية امريكان فاكتب واعلق معاكي براحتي بقى.

ثانيا يا حبيبة حتى بعض المصريين اللي خرجوا خارج مصر وتطوروا و نبغوا في بعض العلوم قتلوا والقاتل مجهوول يعني حتى النبوغ مشروط ..و كل داه علشان رضينا بالهوان ورضينا بالعبودية لغير الله . نورتي مدونتك

جلال كمال الجربانى يقول...

السلام عليكم
ولكن من ينقذ الغد والحال لا يتغير ثابت ومستقر فى مصر وعلى قلوبنا
وللأسف مصر عيانه وربنا يشفى
-----
وربنا ينجح أحمد ويكون من المتفوقين
ومنتظرين التدوينتين
وأن تكون استفادتك بالدوره عظيمه وتنعكس عليكِ وعلى من حولك
بس المناخ يكون مشجع

ودمت بخير حال وبصحه

لجين أبو الدهب يقول...

لا حول ولا قوة الا بالله
حاجةتسد النفس والله

ما هو فعلا كل ولادنا بيبدعوا فى الخارج
لان هنا نظام تكسير مجاديف واحباط

ده حتى فى الحياة العادية لو الواحد حب يغير يلاقى ميةروتين وروتين يقابله

حسبنا الله ونعم الوكيل ..

عودا حميدا لحضرتك..

barbie girl يقول...

القصة بتاعة بريد الاهرام على أد ما هى تجيب احباط الا ان فعلاً دى الحقيقة ودى مصرنا الحبيبة.. نتعلم هنا وننجح فى الغرب ونتكرم بحفلة راقصة مصرية مائة فى المائة

بحبك يامصر يقول...

حمدلله على سلامتك ياام احمد
الحال يزعل
لان القائمين على النظام لا يهمهم الا انفسهم فسيظل الحال على ما هو عليه الحال ولكنهم نسو انهم محاسبون عنا
يا ام احمد شباب مصر كله طاقه ولكنهم قتلو داخلهم الطموح
الحال يزعل

أ / أحمد عبد المنعم يقول...

بسم الله الرحمن الرحيم

كل عام وأنتم بخير

عام جديد نسأل الله أن يكون سعيدا علينا وعليكم وعلى سائر أهل الأرض

ولكن
يبقى سؤال

أى فكر يحكم العالم يجعله سعيدا ؟
وأية قوة تهيمن على العالم تنشله من الظلم وتجعله سعيدا ؟
وأي بشر يقودون العالم إلى هذه السعادة؟

فلنفكر سويا

لنعتنق هذا الفكر
ونكون هذه القوة
ونحمل صفات هؤلاء البشر

خاتون يقول...

السلامـ عليكمـ...
مرحباً بكِ في مدونتكِ يا أم أحمد فقد أفتقدناك كثيراً
صراحة قصة تبكي و تقطع القلب أنا أتكلم في غاية الجدية و الحزن
لماذا؟ لماذا؟ لماذا؟
للأسف عندما نسأل السؤال فإن حالنا هو "إن كنت لا تدري فتلك مصيبةٌ" و لكننا للأسف ندري"و إن كنت تدري فتلك مصيبة أعظم
بقناعاتي و طموحاتي كمعلمة بالستقبل أنه لو ربينا الأبناء كلنا كمعلمات على أنهم يكونون أقوياء و على الأخلاق و ربينا فيهم روح الحماس و الابتكار راح يأتي اليوم اللي محد راح يقدر يوقف بوجه هاذي القة و القنبلة الأخلاقية و الابداعية اللي راح نفجرها
~أحبك في الله~ يا أم محمد الفاضلة نعم المعلمة

أم أحمد المصرية يقول...

صديقتي العزيزة الاسكندرانية
كلمات من نور
ضغطت علي جرحين مرة واحدة يا مفترية :))))
الثانوية العامة و علمائنا اللي بيغتالوهم مين و لا مين الله يرحمهم جميعا
و يرحمنا

أم أحمد المصرية يقول...

الاخ الفاضل واحد من العمال
شكرا علي دعواتك لي و لأحمد
فعلا مصر عيانة بس ادي احنا بنحاول علي الاقل لو ما ساعدناش في الشفا لا نكون سببا في زيادة المرض
يعلم ربنا اني بحاول حتي لو كان المناخ غير مشجع

أنفاس الصباح يقول...

صديقتى الغالية / ام احمد التى ماتزال مصرية

كان الله فى عونك وزادك همة وعلم حفظ لك قلبك الحى وتمسكك بالامل

حبيبتى ما خفى كان اعظم

مصر مسروقة او قولى مخطوفة

ومن يعمل على ان تظل متخلفة محبطة اسيرة الهيافة والفساد لم يفعلوا ذك الا لانهم وجدوا اصحابها الحقيقيين متفرقين متنافرين يائسين

والامل فعلا هو بداية الطريق

الامل فى الله الذى حتما سينصرنا عندما نتحرك باخلاص لانقاذ وطن مظلوم ونحن بتخلينا عن الاصلاح اول من ظلمناه

(اتقوا الله ويعلمكم الله )
معادلة بسيطة ولكنها تحتاج لجهاد وبذل وتضحيات يبدء من انفسنا ثم تنطلق لكل فساد وانحراف من حولنا

لا لن نيأس ولكن علينا انلا نستكين

دمتى بأمل

أنفاس الصباح يقول...

http://www.shorouknews.com/Columns/Column.aspx?id=168814


قال الى نفسى فيه

وابقى على الامل

ادخلى واقرائيه

عاشــــــ النقاب ـقــــة"نونو" يقول...

السلام عليكم حبيبتي
بس انت اتاخرت اوي هو انت لسة عارفة الكلام دة ولا ايه
ما احنا فالحين نخرج من الجامعة شباب الهس بس
ما اعرفش هنفضل كدة لحد امتى
وحشاني وربنا ينجح حمادة يارب وتفرحي بيهم وتفرحي بيه عامل مشروع تخرج كبييييييييير بس ما تتفائليش انه يبقى بيطير ممكن يصفر بس
وعجبي
تحياتي

Unknown يقول...

وحشانا
أمتى أجازة
نص السنة تيجى
ونشوف مواضيعك الجديدة؟

الفلاح الفصيح يقول...

نداء الى العامليين بمشروع خلق منظومة للجودة بالجامعاعت وبالمدارس من أجل تحسين نوعية التعليم والى سيادة الأمين وحضرة الصولواحد واقف فى هلة والتانى فى تمام بدرها هل ما نقوم به جودة ام انها طائرة بدون طيار