الأحد، 27 أبريل 2008

أحبك يالله


اخيرا وجدت وقت للعودة لمدونتي الحبيبة يومين أجازة يعني ليس لي حجة أول مرة من فترة أجد دقائق اجلس فيها مع نفسي سالت نفسي سؤال وجيه ليه الحياة واخداني قوي كده بين شغل و بيت و مواضيع اسرية و اخري عائلية و لا اجد وقتا لأتنفس وسط كل هذا هل انا مستعدة للقاء الله سبحانه و تعالي لو جاءت لحظة الموت ما تخافوش انا مش مكتئبة و لا ده موضوع كئيب انا بجد بسأل نفسي بكل موضوعية و قلت اشرك اصدقائي معي نحن نعمل لدنيانا كأننا نعيش ابدا فهل نعمل لأخرتنا كأننا نموت غدا سؤال بسيط مش كده و جملةكتير بنقولها و نسمعها كن ليه ما نفتكرش الموت الا و احنا مكتئبين او حد بنحبه مات انا بقي خطر في بالي الموضوع ده من كتر ما انا منشغله لو في وسط كل ده فجأة عملت حادثة بالعربية او اصبت بأزمة قلبية مثلا يعني :))حقول ايه لربنا بذاكر icdl و مش بحفظ قرأن و لا حقول له ساعات بنسي الاذكار و ساعات اقول جزء و اسيب الباقي حقول له اخر يوم نويت اصومه كان امتي عارفين انا حاسة اني مش وحشة و بحب ربنا و بفتكره دايما في كل تصرفاتي لكن بردوا مش كفاية و متهيألي اغلبنا كده بنقرب من ربنا ساعات و بتسرقنا الحياة ساعات عشان كده قلت اناقش معكم هذا الموضوع نفكر بعض و نساعد بعض و نقترح افكار علي بعض ازاي نقرب من ربنا اكتر وسط مشاغل الحياة ازاي نستعد لملاقاته و احنا سعداء مش نتمني الموت لما نكتئب فاكرين اغلبنا في رمضان بيبقي المود بتاعه حلو اد ايه و هو بيصوم و يختم القرأن و يصلي التروايح و القيام ليه ما نحاولش نبقي كده علي طول اصدقائي طمعانة في ثواب من وراء هذه التدوينة يا تري فيه حد حيبدأ معي اكسب ثواب اني دعيته و يكسب هو ثواب انه خطا خطوة في طريق الله سبحانه و تعالي


تعرفوا انا حافظة أدعية كتير بحاول افتكر اي واحد منهم دلوقت اختم به التدوينة مش لاقيه غير اني اقول لربنا سبحانه و تعالي و لا يوجد غيره يراني او يسمعني الان حتي انتم لا تعرفوني


يارب انا احبك أقسم بك اني احبك أكثر من أي شيء أحبك اكثر من نفسي و اكثر من كل الدنيا يارب يارب فأغفر لي و سامحني وأجعل خيرأعمالي خواتيمها و خير أيامي يوم القاك فيه

هناك 63 تعليقًا:

Desert cat يقول...

لا اله الا انت سبحانك انى كنت من الظالمين
ربنا يتجاوز عنا ويغفر لنا انه الرحمن الرحيم
اشكرك على التذكرة يا ام احمد
تحياتى ومودتى

الطائر الحزين يقول...

لست وحدك

مرات نسأل ومرات ننسى
ومرات ومرات تأخذنا الحياه
ومرات نقع ومرات نقوم

اننا نحتاج الى شحنات دوما شحنات طاعة
نحتاج الى رمضان بين كل رمضان

نحتاج الى صلاة بين كل صلاة

نحتاج الى دعاء بين كل دعاء واخيه


نحتاج الى غسيل قلب ونفس

نحتاج ان ندعو

ربنا لا حاجة لنا بعذابنا
رب اغفر وارحم وتجاوز عما تعلم


بارك الله فى دعوتك الطيبة

دعواتك

د/اجدع بنوته يقول...

اللهم امين

ربنا يجازيكى خير دايما عن كل حاجه تعمليها لهدف

سواء خدمة دينك او بلدك او اهلك ودايما تكون نيتك خالصه لوجهه الله

وبكده يبقى باذن الله مثابين كثواب العباده

تحياتى لام احمد واحمد وكل العيله الكريمه

دكتور بهــدوء يقول...

اللهم انت ربي لا اله الا انت خلقتني وانا عبدك وانا علي عهدك ووعدك ما استطعت
اعوذ بك من شر ما صنعت ابوء لك بنعمتك علي وابوء بذنبي فاغفر لي
انه لا يغفر الذنوب الا انت


يا رب اغفر لنا وارزقنا حبك
وحب من يحبك
وحب عمل يقرب الي حبك
اختي
جزاكي الله خيرا

أميمة كامل يقول...

السلام عليكم
سعدت جدا بمعرفتك ومعرفة مدونتك المتميزة

الحال الذى وصفتيه حضرتك حال النفس البشرية ودائما الإيمان ينقص ويزيد
والدعاء الذى اوصى نفسى واياكم اللهم ارزقنا الثبات وحسن
الخاتمة
وبداية العلاج الصحيح هو التشخيص الصحيح
فنضع ايدينا على الأسباب ثم نتعامل معها بطريقة التخلية ثم التحلية
وربنا يتقبل ويجمعنا على خير

الربان يقول...

تحياتي

أُمرنا ان نسعي في الحياة الدنيا كما نسعي للأخرة.... دورة ال ICDL او الرخصة الدولية لقيادة الحاسب مهمه
و اعتقد اننا كلنا يجب ان نتعلمها.

اري أختي الفاضلة انه لا يجب ان تشعري بالتأنيب او الذنب...و اعتبري ان تعلمك هذه الدورة في سبيل الله...نعم
اليس المؤمن القوي خير من المؤمن الضعيف
اليس الالمام بعلوم الحاسب بل و إجادتها
قوة لنا حتي نستطيع ان نتعايش مع عصرنا....

ملحوظة: الـ ICDL اصبحت الحد الادني
المطلوب للعمل ببعض الجهات...بالاضافة الي اللغة بالطبع.

تحياتي و تقديري...و أسأل الله لي و لك
و لجميع الاخوة و الاخوات حسن الخاتمة.

دمت بالف خير.

فرنسا هانم يقول...

تحيه لكى من كل قلبى عزيزتى الغاليه ام احمد المصريه
ودائما ما نحتاج الى وقفه مع النفس ودعاء
اللهم بارك لكى فى نفسك وفى زوجك وفى اولادك
ملحوظه
انا جالى من فتره مدونه باسم احمد ابن ام احمد المصريه
وانا للاسف الشديد لم استطع دخول المدونه نظرا لسؤ حاله النت فى تلك الايام
ارجوا ارسال لينك المدونه لى لكى ازوره واتعرف على مدونته

أنثى الخيـــــال يقول...

بجد مونتك جميلة
وموضوعك عجبني
ربنا يوفقك

مدونة كل العرب يقول...

امى الكريمة
تحية لكى
قليل منا هذة الايام من يتذكر الاخرة ويعمل لها ويفكر فى حياتة فالدنيا شغلت الكثير
وحب الله هو من ارقى درجات التعبد والصفاء الروحى وندر من وجد من يحب الله هكذا فى مثل ايامنا
تحية لكى امى
واعتزر عن عدم مشاركاتى كثيرا هذة الايام لمرورى ببعض الظروف الخاصة - ومع اقتراب وقت الامتحانات
فسامحينى
وتحية لكى - وشكرا لسؤالك
والسلام عليكم

واحد من البلد دى يقول...

الأخت الفاضلة..أم أحمد
السلام عليكم ورحمةالله وبركاته
إن من أنعم الله على العبد أن يمنحه (نفسا لوامة)..فما يلبث هذا العبد أن يفعل أمرا ما لا يرضى الله و الرسول إلا وتأبى نفسه أن ترضى عن هذا الأمر..وسعان ما تلومه..
وهذه فى حد ذاتها نعمة تستوجب الشكر..
ولكن ترفقى بنفسك أختاه ولتجعلى من عاداتك اليومية عبادات بتغيير النية..
فمثلا ..عندما تذهبين إلى العمل..لتكن نيتك..(سأذهب إلى العمل لأتقاضى أجرا أطعم به أولادى من حلال)..وعندما تعدين لزوجك طعاما يحبه لتكن نيتك(سأعد لزوجى ما يحب من الطعام حتى أسعده فيرضى عنى وبالتالى يرضى عنى ربى لأننى بذلك سأكون زوجة صالحة)..وعندما تطعمين ولدك(سأطعمك يا بنى لتكون قويا وينمو عقلك لتستطيع تذكر دروسك.فتصبح طبيبا أو مهندسا مسلما تفيد الإسلام والمسلمين)..فإننا أختاه كل ما نحتاج إليه أن نجعل من عاداتنا عباداتنا...ولعلم حضرتك..ليس كثيرا من الصحابة كانوا حفظة للقرآن الكريم..فهونى على نفسك أختاه..
أدام الله عليكى نفسك اللوامة
ودمتى مذكرة لنا بالخير
السلام عليكم

بحبك يامصر يقول...

شكرا يا ام احمد عالتذكره
مواضيعك دائما هادفه
وان شاء الله تثابى عليها
اللهم اهدنا لما تحب وترضى

ahmd ebn om ahmd يقول...

بعد السلام عليكم

كتير فعلاً بأسأل نفسى مثلاً

وأنا قاعد بأذاكر هو ده مش وقت ضايع المفروض أذكر الله (طبعاً يا أم أحمد أنا بأهزر أحسن الكلام ده يقلب بجد فى البيت)

ولاكن ربنا يقدرنا أننا نذكره وبالذات الدعاء الجميل الذىكتبته ""يارب انا احبك أقسم بك اني احبك أكثر من أي شيء أحبك اكثر من نفسي و اكثر من كل الدنيا يارب يارب فأغفر لي و سامحني وأجعل خيرأعمالي خواتيمها و خير أيامي يوم القاك فيه""

وبالله التوفيق

غير معرف يقول...

الأخت العزيزه ام احمد
الأخ العزيز ابو احمد
تلبية لرغبتك فى تلقى مقترحات بخصوص كيف توفقين بين مسؤولياتك فى البيت والمدرسه والدوره قررنا ان نوسع دائرة المقترحين بان نذيع الموضوع وتعليق الأخ الربان فى حلقة الخميس 1-5-2008 من برنامجنا الأذاعى وهو اول برنامج عن النت فى العالم العربى ويذاع يوميا عدا الجمعه على اذاعة القاهره الرئيسيه-وليس القاهره الكبرى المحليه-على موجة اف ام 107 وسته من عشره لسكان القاهره وموجة اف ام اخرى لسكان الأسكندريه وكذلك يمكن الستماع اليه عن طريق موقعنا بالضغط على رابط تحت الساعه وقت اذاعته التاسعه وعشر دقائق صباحا
وموقعنا هو
http://dear.to/cairo
ولنا بلوج لترك اى تعليق
netonradio.blogspot.com
وبريدنا
netonradio@yahoo.com

أم أحمد المصرية يقول...

عزيزتي القطقوطة desert cat
نورت المدونة و تقبل الله دعاؤنا جميع
______________________________
اخي الطائر الحزين
انا عارفة اني لست وحدي و ان الحالة دي بتيجي لناس كتير عشان كده قولت اشترك معكم افيد و استفيد ربنا يتقبل دعاؤنا جميعا و يعاملنا برحمته و عفوه و ليس بأعمالنا

أم أحمد المصرية يقول...

د/ اجدع بنوتة عندنا يا مرحبا يا مرحبا سعدت بزيارتك جدا لأني من المعجبين بمدونتك اكرمنا الله جيعا برحمته و جمعنا في جنته
____________________________
اخي دكتور بهدوء اللهم امين ربنا يتقبل

أم أحمد المصرية يقول...

صديقتي الجديدة اميمة اهلا و سهلا بك شرفت مدونتي المتواضعة و انا اعلم يا حبيبتي انا الحياة صراع بين الخير داخل الانسان و بين الشيطان او جهاد لنفسه عشان كده قلت اذكر نفسي و اصدقائي ربنا يثبتنا جميعا و يحسن ختامنا اللهم آميــن

_______________________________
صديقي العزيز الربان انت عندك حق انا مش حاسة بالتأنيب اني بعمل حاجة دنيوية انا عارفةا نها مفيدة لكن حسيت اني اتسحبت جامد لدرجة اني ما قعدتش اناجي الله سبحانه و تعالي و اقترب منه من فترة و ده مالوش علاقة بادائي للفروض بشكل تقليدي فاهمني
ربنا يتقبل منا جميعا صالح الاعمال و يغفر لنا تقصيرنا و جزاك الله خيرا علي اهتمامك

أم أحمد المصرية يقول...

حبيبتي و صديقتي العزيزة اللذيذة فرنسا
بفرح لما اشوف اسمك في التعليقات ما تعرفيش ليه :) شكرا جزيلا علي دعائك ربنا يتقبل و يرزقك خير مما تتمنين بالنسبة لمدونة احمد ستجدي لها لينك في مدونتي او هنا وسط التعليقات حيث حك علي و ساب المذاكرة و قعد ع النت:)) تشريفها و تشرفيه و لو انه مش فاضي لها اليومين دول عشان مامته كل شوية تقول له ذاكر :))))))
________________________________________

الصديقة الجديدة انثي الخيال
شكرا علي مرورك و دعائك و ابقي دايما شرفيني

أم أحمد المصرية يقول...

صديقي القديم و ابني حرية الفكر و الابداع الحمد لله انك بخير و فقك الله في الامتحانات و يسر لك كل امورك و هو العالم بها
لا اسكت الله لك مدونة و لا تعليقا
________________________________
اخي الفاضل واحد من البلد دي ردك من اكثر الردود اللي رفعت معنوياتي عندما اشعرتني ان لو مي لنفسي نعمة اما موضوع النية قبل عمل اي شيء فعندك حق بس ساعات الانسان مع الانشغال بينسي يستحضر النية قبل اداء العمل و لكنه سبحانه يرانا و يعلم خبايا الصدور رزقك الله و ايانا خير الدارين

أم أحمد المصرية يقول...

صديقي العزيز بحبك يا مصر شكرا علي مرورك الدائم لا حرمك الله نعمة الصداقة
---------------------------
ابني العزيز احمد ابن ام احمد
بعد و عليكم السلام
ياتري بجد بتفكر في كده و انت بتذاكر و لا و انت بتتفرج علي t v
مجرد سؤال بريء و متهيألي تعليقات العديد من الاصدقاء غطت النقطة دي و انت عارف ان المذاكرة هي العمل النافع الذي تقوم به في هذه المرحلة العمرية و لكل مرحلة واجباتها و فقك الله و نفع بك الاسلام و قر بك اعين والديك اللي هما احنا لو حد مش واخد باله :))))))))))

أم أحمد المصرية يقول...

الصديق الجديد الغير معرف
اهلا بك انا دخلت علي مدونتك لأتعرف عليك اكتر و تركت لك رد و هو اننا بحاجة لمزيد من التعرف عليك و علي توجهات الاذاعة التي تعمل بها وفقك الله لما تود القيام به و ان شاء الله بداية معرفة

غير معرف يقول...

الأخت العزيزه ام احمد
تحيه طيبه وبعد
شكرا لزيارتك للمدونه ونحن برنامج اذاعى فى الأذاعه الرسميه لمصر عن الأنترنت وتكنولوجيا المعلومات وكما ستسمعين ان شاء الله نحن لا نستطيع ان نتجاهل ظاهره مهمه مثل المدونات خاصة مايكتب فيها من تجارب مفيده مثل تجربتك مع دورة رخصة قيادة الكمبيوتر وهى موضوع حلقة الخميس كما سيق واخبرناك
تحياتنا لك واطيب امنياتنا لك بالتوفيق
اسرة البرنامج

أم أحمد المصرية يقول...

اهلا و سهلا بك مرة اخري اخي الغير معرف اعتقد اسمك أ. صلاح حجازي و ان شاء الله اسمعك غدا و ياريت تقول لي الموجة التي تبث لأهل اسكندرية لأني اسكندرانية و لكن ساسمعك ان شاء الله علي النت تمنياتي بالتوفيق

غير معرف يقول...

السلام عليكم ورحمة اله وبركاته

العزيزه ام احمد
سعدت جدا بوجودك بمدونتى
واهلا بك فى عالم التدوين ومنوراه دايما

زيارتى لك اليوم لائهنئك بالحلقة التى اذيعت اليوم فى برنامج انت تسال والكمبيوتر يجيب
وكمان تعليق الاستاذ ربان كان جميل جد
واجمل تعقيبك عليه

وفقك الله لما يرضى
تقبلى مرورى

غير معرف يقول...

اختى فى الله نسيت اقولك ان التدوينه كانت عن كيفية قيادة الكميوتر
بس العنوان كان ظريف جدا من قبل المذيعه لما قالت الكمبيوتر والتكتك كان عنوان شد انتباهى
وكمان سردك للاحداث كان ممتع

تقبلى تحياتى

غير معرف يقول...

الأخت العزيزه ام احمد
تحيه طيبه وبعد
كنا نتمنى ان تسمعى الحلقه ولكن ما حدث هو ان سيرفر هيئة الأستعلامات الذى ينقل الأذاعه للأنترنت معطل مؤقتا للأسف
وبهذه المناسبه عنوانه هو
www.sis.gov.eg
ويمكنك الأستماع من هذا الموقع مباشرة بعد الضغط على رمز او صورة راديو فى الموقع كما اننا على القمر الصناعى نايلسات تختارى قسم الراديو وتتركى قسم الفيديو ثم تختارى برنامج رقم واحد
ونحن ايضا نسمع على موجه متوسطه عاديه بالراديو العادى وهذا غير موجة اف ام خاصه بالأسكندريه ولا نعلمها او لا نتذكرها فباب النجار مخلع كما تعلمين
عموما سنعيد الحلقه بعد فتره وسوف نخبرك
تمنياتنا لك ولأبو احمد بالنجاح والتفوق وشكرا مره اخرى لزيارتك لمدونتنا وندهو كل الأخوه المعلقين الى ابداء اى ملاحظات وعنوان المدونه المخصصه لذلك هى
netonradio.blogspot.com
والموقع الخاص بالبرنامج
http://dear.to/cairo
اسرة البرنامج

أم أحمد المصرية يقول...

صديقتي الجديدة ام الابناء نورت مدونتي المتواضعة و اسعدتني بكلامك تعرفي انا لم استمع للبرنامج لكن كلامك اسعدني كـأني سمعته جعله الله في ميزان حسناتنا و ابقي دايما نورني

أم أحمد المصرية يقول...

صديقي الجديد ا/ صلاح
اولا شكرا جزيلا علي اهتمامك بالرد مرة اخر ي
ثانيا برغم عدم استماعي للبرنامج الا ان الانطباع الذي وصلني من احدي صديقاتي المدونات اشعرني بالسعادة فشكرا مرة اخري و انا في انتظار ابلاغي بموعد الاعادة و الموجة المتوسطة لأذاعته علي الردايو و اقترح عليك كتابتها في الموقع و المدونة و ابراز اسم المحطة و ليس اسم البرنامج فقط ليستطيع المستمعون الوصول للبرنامج و لن اكون طماعة و اقترح اعادته في الفترة المسائية لأن اغلب مستخدمي الكمبيوتر يعملون و يدرسون في الصباح
و في الختام لا حرمك الله نعمةالصداقة و لا نعمة النجاح

رئـــــيسـة حزب الأحلام يقول...

الموت خير واعظ وربنا يهدينا ويعفو عنا وشكرك على زيارتك الغالية واتمنى لكى الصحة والسعادة

رئـــــيسـة حزب الأحلام يقول...

والف مبروك ا-صلاح حجازى عندنا يامرحبا يامرحبا بس انا لى رجاء ياريت يعيدوا البرنامج بليل كمان عشان الواحد بيبقى فى الشغل ومرة كان لى حلقة عندهم ومسمعتهاش عشان كنت فى الشغل ارجو الاعادة

الباحث عن الحقيقة يقول...

يارب انا احبك أقسم بك اني احبك أكثر من أي شيء أحبك اكثر من نفسي و اكثر من كل الدنيا يارب يارب فأغفر لي و سامحني وأجعل خيرأعمالي خواتيمها و خير أيامي يوم القاك فيه
...........
من علامات حب الله للعبد ان يجعل عبده دائما يشعر بالتقصير علشان يستزيد العبد في حسناته
لكان اللى حاسس بالرضا ده هو المخدوع
مين فينا يقدر يقول انا راضى وكفاية كده عملت حسنات كتير
هو ده المخدوع اللى ربنا يمده في طغيانه
يخادعون الله وهو خادعهم
لكن اللى ربنا بيحبه يخليه يشعر انه مقصر علشان يقرب اكتر واكتر
تخيلي كده مثلا ولله المثل الاعلى ..نقول لما تقولي لابنك احمد انت يا واد لما بتدخل البيت مش بتسلم عليا ليه
بالرغم من انه معاكي في البيت خلاص
بس انتى بتخليه يحص بالتقصير علشان يقرب منك اكتر لانه بتحبيه وبتحبي انه يقرب منك اكتر واكتر
ولله المثل الاعلى
لما يحب عبد يخليه يحس انه مقصر في حق الله علشان يزداد قربا لله
ربنا يكرمك يام احمد

مجداوية يقول...

السلام عليكم

هى فعلا الدنيا بتاخدنا وبتسحبنا لكن التوازن مهم لازم يكون فيه دنيا ولازم يكون فيه دين ولازم يكون الدين هو هدف الدنيا يعنى عملنا كله نيته تكون لله رمضان له طابع خاص وفريد له لوحده ولا يمكن نوصل لجمال روحانيات رمضان والنفس لها وقت بتكون متشوقة للعبادة والهمة بتكون عالية ووقت تانى بتفتر الهمة فوقت ما تكون الهمة عالية زودى زى ما انت عايزة زى نظام التحويش والمخزون كده تستعينى به وقت فتور الهمة ويعوضه
هى بس نصيحة بأقولها لنفسى قبلك ان وقت ما تلاقى السحب شديد من الدنيا اقفى وخصصى وقت زيادة للقرآن وللصلاة والعبادة وبعدين ارجعى لأنك لو موقفتيش السحب حيزيد والرجوع بيبقى صعب
ربنا يعينا جميعا على الدنيا ولا يجعلها أكبر همنا ,واللهم آمين

موضوع رائع تحياتى وتقديرى

أم أحمد المصرية يقول...

صديقتي الست الريسةرئيسة حزب الاحلام عندنا هو ده تواضع الحكام فعلا :))
شكرا علي مرورك الكريم و تقبل الله دعاؤك اما بالنسبة لا قتراحك لأ. صلاح لسه كتباه امس في مدونته و قلت له احنا بنشتغل علي فكرة عنوان المدونة و الموقع الخاصين به موجودين في التعليقات هنا و في الختام تحياتي لك و ابقي دايما طلي علينا ما تبعديش عن شعبك اللي بيحبك :))

أم أحمد المصرية يقول...

اخي الباحث عن الحقيقة شكرا بجد علي ردك القيم ربنا لا يجعلنا من المخدوعين ابدا يارب و يتقبل صالح اعمالنا يارب زدنا قربا منك كم نحن بحاجة اليك فكل هذه الدنيا لا تساوي لحظة رضا منك اللهم ارضي عنا و سامحنا و ارزقنا جميعا خير الدارين اللهم امين
مرحبا بك يا صديقي دائما في مدونتي المتواضعة

أم أحمد المصرية يقول...

صديقتي العزيزة مجداوية عجبتني عقليتك الاقتصادية في حكاية نظام التحويش دي :)
بس يا حبيبتي و الله مهما فعلنا فلا يكفي الا برحمة ربنا سبحانه بنا وغفرانه لذنوبنا فهذا هو الامل في النجاة و نحن نحاول ان نقاوم السحب في التيار شكرا لك علي نصيحتك الكريمة نفعنا الله بها جميعا و جعلها في ميزان حسناتك

نسر الشرق يقول...

السلام عليكم
دى اول زيارة لية
مدونتك جميلة جدا
وبارك الله فيكى يا ام احمد
والسلام عليكم ورحمة الله وبركاته

امل يقول...

السلام عليكم ورحمة الله
دي نفس الاحاسيس اللي انا بشعر بيها
بس ممكن حاجه تهون هيه انك تجعلي نيتك لله في تعلمك لان من عرف لغة قوم امن مكرهم والكومبيوتر دلوقتي هوه لغة العالم الحديث
ربنا ييسرلك امورك كلها
ويرزقك حلاوة الايمان

الزواج.....روضة الحب يقول...

بصي يا صديقتي العزيزة الحكاية مش معضلة أبدا،أعملي أي حاجة إنتى عايزاها أشتغلى في الشغل وفى البيت ،ركزي أوقات كتير لولادك لنفسك لصحابك لعيلتك ،اضحكى ألعبى أستمتعي بحياتك زى مانتى عايزة،بس مع إضافة صغنونة أوى إنك ها تحتسبي كل الأعمال دى لله وحده،التعبد لله مش بس صلا وصيام وقراءة قرآن ،التعبد لله لازم يكون في كل تصرفاتنا وفي كل حياتنا بالعربى كدة لازم الدين يدخل تاني في كل تفاصيل حياتنا ساعتها صدقيني هانكون سعداء حتى في عز التعب ،ربنا يوفقك لكل مايحب ويرضي0

الزواج.....روضة الحب يقول...

بصي يا صديقتي العزيزة الحكاية مش معضلة أبدا،أعملي أي حاجة إنتى عايزاها أشتغلى في الشغل وفى البيت ،ركزي أوقات كتير لولادك لنفسك لصحابك لعيلتك ،اضحكى ألعبى أستمتعي بحياتك زى مانتى عايزة،بس مع إضافة صغنونة أوى إنك ها تحتسبي كل الأعمال دى لله وحده،التعبد لله مش بس صلا وصيام وقراءة قرآن ،التعبد لله لازم يكون في كل تصرفاتنا وفي كل حياتنا بالعربى كدة لازم الدين يدخل تاني في كل تفاصيل حياتنا ساعتها صدقيني هانكون سعداء حتى في عز التعب ،ربنا يوفقك لكل مايحب ويرضي0

الزواج.....روضة الحب يقول...

بصي يا صديقتي العزيزة الحكاية مش معضلة أبدا،أعملي أي حاجة إنتى عايزاها أشتغلى في الشغل وفى البيت ،ركزي أوقات كتير لولادك لنفسك لصحابك لعيلتك ،اضحكى ألعبى أستمتعي بحياتك زى مانتى عايزة،بس مع إضافة صغنونة أوى إنك ها تحتسبي كل الأعمال دى لله وحده،التعبد لله مش بس صلا وصيام وقراءة قرآن ،التعبد لله لازم يكون في كل تصرفاتنا وفي كل حياتنا بالعربى كدة لازم الدين يدخل تاني في كل تفاصيل حياتنا ساعتها صدقيني هانكون سعداء حتى في عز التعب ،ربنا يوفقك لكل مايحب ويرضي0

حاجات جوايا يقول...

بارك الله فيكِ أختى على هذه التذكرة
وأعاننا دائما على طاعة الله وذكره وشكره وحسن عبادته

دمتى بخير
وأتمنى التواصل الدائم بيننا

سالى

وجهة نظري يقول...

أنا شخصيا حياخدوني حدف علي جهنم :) عندي إحساس قوي إني مهما بصلي وبصوم وبدعي والنوافل والإستغفار الدائم، بس بشوف ناس ماشاء الله عليهم وبقول أنا حروح فين في الكلام دا.

طبعا أنا مش بقنط من رحمة الله وغفرانه وعفوة، دي هيا دي الحاجة الوحيده إلي فاضله ممكن تنشلني من جهنم .... علي الأقل ادخل في درجه حنينه شويه :)

بنت الصالحين يقول...

ربنا يجزيكي كل خير ياام احمد

كلنا بيحصل معانا اللي بتقوليه ده

وكلنا حاسين اننا وحشين وممكن يكون نعبد ربنا احسن ونكون قريبيبن منه اكتر

ربنا يتجاوز عن سيئاتنا
ربنا يباركلك

Empress appy يقول...

كتير قوى بسال ليه فعلا مش بنفتكر غير فى الوقت ده
ربنا يغفر لينا وليك بس انا الحمد لله فاكره ودايما حسه انى مقصرة بس مش عارفه ايه السبب

أم أحمد المصرية يقول...

اخي و صديقي الجديد نسر الشرق مدونتي المتواضعة اتشرفت بيك و دايما بتتشرف بالاصدقاء الجدد

أم أحمد المصرية يقول...

صديقتي الجديدة اللي اسمها لوحده كفاية عشان الدنيا تبقي حلوة :) امل
يادي النور اني اتعرفت عليك و ان شاء الله تواصل دائم و انا عارفة ان احاسي اللي كتبته في غيري بيحسوه و عشان كده قلت نتشارك و نفكر بعض ان الدنيا ما تسحبناش جامد و ياريتنا نفتكر نخلص النية لله قبل اي عمل عشان ناخد ثواب عليه بس انا للاسف حتي الان ساعات كتير بنسي ربنا يذكرنا و يغفر لنا

أم أحمد المصرية يقول...

حبيبتي عاشقة الفردوس تقبل الله دعاؤك و شكرا علي مرورك الكريم و هانحن نذكر بعضنا بتقوي الله فإن الذكري تنفع المؤمنين رزقنا الله دائمة نعمة شكره و حسن عبادته و بارك لنا في اصدقاء الخير

أم أحمد المصرية يقول...

صديقتي الزوجة العاشقة هي المشكلة كلها في الاضافة الصغنونة اللي بتقولي عليها لأن هي دي اللي بننساها في زحمة الافكار و الاعمال بس اكيد عندك حق ربنا يقدرك و يقدرنا لعمل ما يحب و يرضي

أم أحمد المصرية يقول...

صديقتي الجديدة سالي انا بجدالنهاردة سعيدة اني اكتسبت اصدقاء جدد بارك الله فيك انت و ادام علينا نعمة الصداقة الوليدة

أم أحمد المصرية يقول...

اخي و صديقي الجديد وجهه نظري
احسن الظن بالله فليس لنا امل سوي رحمته و معني كلامك اني مش لوحدي اللي بحس الاحساس ده بس خلينا نحاول و رنا شايف كل اللي جوانا و لا ايه
اهلا بك في مدونتي و ابقي زورني دايما

أم أحمد المصرية يقول...

صديقتي الجميلة الشهيرة :) appy
يظهر ان كلنا بنمر ساعات بنفس الحالة دي عارفة خطرت في بالي فكرة دلوقت بس تيجي نمسك ورقة و قلم و نكتب ربنا عايز مننا نعمل ايه و نضع علامة صح امام اللي بنعمله و نشوف مقصرين في ايه زي جدول المذاكرة يعني :))
كان في جدول زي ده شفته زمان متقسم علي ايام الشهر اسمه ورد المحاسبة فيه مثلا خانات للصلاة و الصومو زيارة المريض وقراءة القرأن ....لو بنت راعيت ربنا في لبسك و كلامك لو ولد راعيته في نظراتك و هكذا و تضعي علامةصح علي الخير اللي عملتيه و غلط علي اللي لم يحدث و هكذا تفتكري ينفع كل ده عشان جبتي سيرة التقصير ضغطت علي نقطة المي :)))و لا يهمك خلاص مش واجعاني هي بس طلعت الفكرة دي ابقي قولي لي رأيك

غير معرف يقول...

الأخت العزيزه صاحبة المدونه
تحيه طيبه
اكتب لك هذا الكلام لأخبرك ان الرابط الذى يمكنك من الأستماع لبرنامجنا الأذاعى عن النت قد اصلح وعاد للعمل وهو فى الجهه اليمنى من موقعنا تحت الساعه ومن باب الحتياط وحتى لا يحدث ماحدث فى المره السابقه عندما تعطل سيرفر وزارة الأعلام وضعنا رابط آخر تحت الأول بمجرد الضغط عليه والأنتظار فليلا تبدئى فى الأستماع الى اذاعة القاهره
ثانيا ندعو كل الأخوه الزائرين لمدونتك والمعلقين لزيارة موقعنا ومدونتنا لترك ملاحظاتهم وافكارهم وتعليقاتهموليكون لنا معهم لقاءات اذاعيه ان شاء الله اما موعد اعادة الحلقه الخاصه بك فسوف ابلغك به هنا ان شاء الله
موقعنا
http://dear.to/cairo
والمدونه
http://netonradio.blogspot.com
وبالتوفيق دائما

(احمد سكر ) يقول...

ما احوجنا للجوء الى الله

ما احوجنا للتمسك بديننا

ما احوجنا للجوء للدعاء الى الله

جزيتى خيرا

وازاح الله همك

وربنا يوفقك فى الدوره بتاعتك

تقبلى مرورى

احمد سكر

Unknown يقول...

ام احمد

موضوع جميل ويارب تقبل منك الدعاء

ويبارك لك .. بس انا خايف تكونى كدة

سلمتى لابو احمد يجيب درجات احسن منك فى

الامتحان وعامله الموضوع ده حجه

ولا ايه !!!!!!!!!!

فليعد للدين مجده يقول...

الاخت Om ahmd
اشد ما استوقفني هو مناجاتك الله بالحب والخضوع
وأقول أن من هنا الطريق إنه الحب
ان المحب لمن يحب مطيع
ولذلك أول صفة من صفات الذين يصطفيهم الله لدينه هي (يحبهم ويحبونه)

لو صدق حبي لله لكنت من الخاشعين المخبتين

أم أحمد المصرية يقول...

الاستاذ الفاضل صلاح حجازي " معرفش غير معرف ليه ":)))
شكرا علي اهتمامك مرة اخري و مازلت ادعوك لدخول عالم التدوين كمدون للتعرف اكثر علي الاصدقاء و ليتعرفوا عليك من خلال مشاركتك و ارائك في موضوعات مختلفة و يمكنك ايضا طرح ملخصات لافكار البرنامج في مدونتك و استقبال التعليقات عليها هذه مجرد اراء ارجو ان تجدها مفيدة و لك تحياتي

أم أحمد المصرية يقول...

اخي الفاضل فليعد للدين مجده جعلك الله و ايان ممن يحبهم الله و يحبونه امين يارب العالمين

أم أحمد المصرية يقول...

اخي الفاضل سكر عندك حق ما احوجنا جميعا للجوء لله اراحنا الله جميعا من همومنا اسعدتني مشاركتك و ارجو دوام التواصل

أم أحمد المصرية يقول...

استاذي الفاضل حسن توفيق ربنا يتقبل منا جميعا بس انت فهمت غلط انا لسه ما سلمتش مازال التحدي قائما :)) و الاولاد بيشعلوا نيرانه بيننا بس بافكر اطلع الاكسس برده التحدي :)
شكرا علي زيارتك و اهتمامك

موناليزا يقول...

جزاكم الله خيرا وتعرفى انى كنت بفكر فى الموضوع ده وناوية اكتب عنه قريب
واحسن حاجة من وجهة نظرى اننا نتعامل مع ربنا كأننا نراه فان لم نكن نراه فهو يرانا

أم أحمد المصرية يقول...

صديقتي موناليزا
اهلا بيك بعد غياب و كانك انت اللي كتبتيه يا حبيبتي :)) لأن وجه نظرك صح جدا
لك تحياتي و تمنياتي بالسعادة

david santos يقول...

Excellent pos.
I loved this post and this blog.
By

المستنصر بالله يقول...

جزاك الله خيرا على التذكرة
كلنا فعلا بتاخدنا الدنيا ربنا يرحمنا من عنده

أم أحمد المصرية يقول...

الصديق الجديد المستنصر بالله تقبل الله منا صالح الاعمال اللهم امين و مرحبا بتواصلك