السبت، 10 مايو، 2008

يا صديقي مد يدك


ادي ايدي مد ايدك

جرحي جرحك عيدي عيدك

ود دافي نبع صافي

شيء كانه نيل موافي

بين وريدي و بين وريدك

يا صديق عمري يا صاحب ذكرياتي

انت كنز ايامي تحويشة حياتي

و مرياتي اللي بشوف جواها ذاتي و تواجهني بعيبي

تكشف سيئاتي

و تأسي بحنان و استزيدك

يا صديقي مد ايدك

ادي ايدي مد ايدك

اصدقاء و الود موصول فوق زمانا

ليه امانا و بيه امانا و فيه امانا

بيه علي الدنيا و علي الدهر استعنا

و ان زمانا خانا وفي لحظة طعنا

بيه علي الدنيا و علي الدهر استعنا

و ان زمانا خانا وفي لحظة طعنا

تستعدني و استعيدك

يا صديقي مد أيدك

ادي يدي مد يدك

اد ودك قلبي ودك

دانت بعد الاهل اهلي

و اذا يوم قلبك ندهلي

حتلاقيني بقلبي عندك

يا صديقي مد يدك

يا صديق عمري و احلامي و عذابي

في ليالي فرحتك عامل حسابي

في ليالي وحدتي بتدق بابي

و عمر باب قلبي ما صدك

يا صديقي مد يدك

أصدقاء و الود موصول فوق ظروفنا

مهما نبعد مهما طفنا مهما شفنا

في ساعات شدتنا و قلقنا و خوفنا

تستعدني و استردك

يا صديقي مد يدك

هناك 20 تعليقًا:

سكــر يقول...

السلام عليكم

من غير اى تعليق

مش فاهم

يعنى محدش يعلق

ولا مفيش تعقيب من حضرتك

ولوهو فعلا المفروض محدش يعلق

يبقى انا اسف انى فهمت غلط

عمتا ممكن حضرتك تبقى تحذفى التعليق


تحياتى

احمد
سكر

omaima يقول...

السلام عليكم

كيف حالك

يارب تكونى بكل خير

أم أحمد المصرية يقول...

صديقي سكر انا قصدي ان انا مش قادرة اعلق في الموضوع ده لكن مرحبا بكل تعليقاتكم

أم أحمد المصرية يقول...

صديقتي اميمة و عليكم السلام و رحمة الله و بركاته
اهلا بك و شكرا علي السؤال انا فعلا مقصرة مع اصدقائي لكن الايام دي ايام الانشغالالسنوي في امتحانات و الذي منه و بالمناسبة ادعي لي لأني سأبدأ امتحانات الاي سي دي ال غدا
لك تحياتي

عبده الرايق يقول...

الحمد لله انا جيت فى المكان والزمان الصح
ادى ايدى ممدوده اهه
ومحتاج 400 جنيه سلف
ومعلشى انتى اللى قلتى مد ايدك

تحيه لكلماتك الجميله
وفعلا لو الزمان خنا مش هيقدر على ايدين اتنين متشبكه

nonoymm يقول...

ما احوجنا الى الصديق الصدوق
ربنا يعينك انا عارفة معمة الامتحانات ربنا يقويكي
مبروك اذاعة التدوينة في انت تسال والكمبيوتر يجيب على فكرة انا سمعتها وكنت ساعتها عندي سخونية جامدة وبعد ما اتاكدت انها مش تخاريف عملت تحديث في تدوينتي وعملت لك تهنئة عقبال التليفزيون يا ام احمد
تحياتي واضحكي بقى

أم أحمد المصرية يقول...

صديقي الجديد عبده الرايق جدا :)
ياتري الشيك وصلك و لا تاه في سماء النت
ابقي دايما نورني
بس مجانا :)))

أم أحمد المصرية يقول...

حبيتي نونويم
ربنا يخليكي لي انت فعلا صديقة عزيزة و انا مقرة جدا معاك و حاسة بالخجل منك لأنك تعبت ولم اشعر و شكرا مليون مرة علي تهنئتك
و حاجة كمان اخر كلمة في تعليقك اشعرتني انك فاهماني و ده اسعدني و اثار شجوني بس حضحك اهو عشان خاطر عيونك
ما هي اللي باينة و را النقاب :))

بحبك يامصر يقول...

الصداقه شكلها هتفضل شغلانا كتير
انا عشان اصدقائى مهمين ليا فى حياتى
هفضل مشغول بالموضوع ده
لانى شايف ان علاقة الصديق بصديقه لا نهاية لها
تحياتى عالموضوع الجيد
هى الاغنيه دى بتاعة على الحجار؟

أم أحمد المصرية يقول...

صديقي العزيز بحبك يا مصر اولا ازيك
تانيا الصداقة حتفضل مهمة طول ما احنا بشر
تالثا دي اغنية لمحمد قنديل مقدمة و نهاية مسلسل الاصدقاء لو كنت فاكره من كااام سنة بس انا بحبها و بحسها جدا خصوصا ساعة ما كتبتها
ابقي دايما نورني و ربنا يديم الصداقة :)

غير معرف يقول...

الأخت العزيزه ام احمد تحياتنا لك وللعزيز ابو احمد
كما وعدناك باعادة حلقة دورة الكمبيوتر يسرنا فعلا ان نخبرك انها ستعاد الثلاثاء20-5 وكالمعتاد الساعه التاسعه وعشر دقائق وبمكنك الدخول الى موقعنا والضغط على احد رابطين تحت الساعه على يمين الموقع وتتنظرى قليلا فتسمعى اذاعة البرنامج العام ونقترح ان تجربى ذلك الآن وترسلى لنا النتيجه وان شاء الله تسمعى اذاعة البرنامج العام او الأذاعه الرئيسيه بهذه الطريقه
موقعنا
http://dear.to/cairo
والمدونه
http://netonradio.blogspot.com
وندعوك بكل حراره ان تنضمى لجروب انشاناه على موقع الفيسبوك ليتبادل اعضاء الجروب خبراتهم ويحكون كيبف اثرت النت على حياتهم لأذاعتها وتحتاجين لعمل حساب فى موقع الفيسبوك وهو امر سهل جدا ثم كتابة انا والنت فى خانة البحث فتدخلى الى صفحة الجروب او اسهل من ذلك اضغطى على الرابط الموجود عن الجروب فى موقع البرنامج وهو ايضا تحت الساعه
وتمنياتنا لك بالتوفيق

Sally يقول...

ما شاء الله جميلة اوى
دى بقلمك يا عزيزتى ولا أغنية ولا ايه ؟؟

ان كانت بقلمك فهنيئا لهذا القلم بما خطته به ..
وان كانت غنوة .. فما اجمل اختياراتك

دمتى بخير اختى
سالى

nonoymm يقول...

انا جيت اقولك اني احبك في الله
احسستيني بجد انك اكتر من اخت ربنا يديم المعروف
وياريت اطمئن عليكي
تحياتي

أم أحمد المصرية يقول...

صديقي الفاضل أ / صلاح حجازي شكرا جزيلا علي انك ابلغتني ا ش ا المرة دي بقي اسمعها اكيد و ا ش ا انتظرني علي الفيس بوك قريبا معكم

أم أحمد المصرية يقول...

صديقتي سالي انت اللي جميلة
هي في الحقيقة مش كلماتي و انما مقدمة مسلسل من كام سنة اسمه الاصدقاء و هي غناء محمد قنديل

أم أحمد المصرية يقول...

حبيبتي نونويم ربنا يخليك لي و لأولادك و يديم الود

امل يقول...

السلام عليكم
كلمات جميلة فعلا
انتي عامله ايه واخبار المذاكرة ايه
يارب تكوني بخير
تقبلي تحياتي

الربان يقول...

تحياتي

ما اجمل و ارقي و اكرم الصداقة في الله
ولله...

محتاجين كلنا نمد ايدنا لبعضنا...محتاجين
لما يجمعنا..و ليس نا يفرقنا...
دعوة للمحبة لله و في الله...ياريت قلوبنا
كلها تسمع و تخشع للحب في الله.

تحياتي و تقديري و ان شاء الله موفقه في الامتحانات و كذلك زوجك الفاضل ابو احمد..

تحياتي و تقديري

أم أحمد المصرية يقول...

صديقتي امل
نورتيني انا الحمد لله بخير و لنك اول واحدة تسألني عن اخر اخبار المذاكرة :)) فسأرد عليك ان شاء الله في تدوينة كاملة

أم أحمد المصرية يقول...

اخي الفاضل الربان انا سعيدة ان تدوينتي عجبتك انا حسيت معني الصداقة ده جدا عشان كده عملت التدوينة دي و ادعو لك كما ادعو لنفسي بأن يديم عليك نعمة الصداقة
اما اخباري فستقرأها ان شاء الله في التدوينة القادمة :)