الثلاثاء، 28 أبريل 2009

أم أحمد في سيسكو ياولاد

أصدقائي الحلوين أقسم بالله اني افتقد التواصل معكم جدا و أحاول الا انقطع عن
مدوناتكم بل و أفضل الدخول للتواصل معكم عن الدخول و الكتابة في مدونتي و لكني
اليوم قررت ترك مذاكرتي و الدخول للسلام عليكم و الفضفضة معكم
أسمع احدي الصديقات تسـأل الان مذاكرة ايه؟؟ بعد ما شاب ذهب للكتاب !!!!
فأجيبها أولا أم أحمد لم تشب بعد :))

أما عن المذاكرة فامتحانات الكادر للمدرسين علي الأبواب للذين لم يدخلوا المرة السابقة
انتظارا للترقية و الدخول علي الدرجة الاعلي و الست ام أحمد واحدة من 256ألف
مدرس صدقوا هذا الكلام و لم يدخلوا و سيدخلون الان بعد اتضاح الامور ان الزيادة
علي اساس مرتب 2006 و ليس الان و علي المعترض ضرب رأسه في الحائط

و لم تكتفي أم أحمد بذلك لكن مالت لنفسها لتكرار تجربة التلمذة التي دخلتها العام
الماضي للحصول علي ICDL لو تذكرون فقد شاركتوها التجربة وقتها المهم قررت
الاستاذة البدء في دراسة دورة مقدمة كمنحة من شركة سيسكو العالمية لوزارة التربية و
و كانت تظن الموضوع بسيط لكن وجدت أن العلم بحوره واسعة "جوي جوي يابوي "
فتعريف مكونات هذه الدورة هو :
يشمل مصطلح تقنية المعلومات العلاقة بين مكونات الكمبيوتر المادية والبرامج والشبكات والمساعدة الفنية المقدمة للمستخدمين. IT Essentials: مكونات الكمبيوتر الشخصي المادية والبرمجية يغطي هذا البرنامج التدريبي المعلومات التي يحتاجها الفني كي يكون ناجحًا في مجال تقنية المعلومات. ويغطي هذا البرنامج التدريبي الموضوعات التالية:
• أجهزة الكمبيوتر الشخصي
• إجراءات المعمل الآمنة
• استكشاف الأخطاء وإصلاحها
• أنظمة التشغيل
أجهزة الكمبيوتر المحمول
• الطابعات والماسحات الضوئية
• الشبكات
• الأمان
• مهارات الاتصال
ويعد هذا البرنامج التدريبي بمثابة مقدمة فقط إلى عالم تقنية المعلومات. كما يمكن للطالب أن يواصل الدراسة بعد ذلك للحصول على الشهادات التالية:
• شهادة CCNA (زميل شبكات معتمد من Cisco)

• شهادة CCNP (محترف شبكات معتمد من Cisco)

• شهادة CCIE (خبير شبكات بينية معتمد من Cisco)

• شهادة CISSP (محترف تأمين أنظمة المعلومات معتمد من Cisco)
شهادة MCP (محترف معتمد من Microsoft)

• شهادة MCSA (مسئول أنظمة معتمد من Microsoft)

• شهادة MCSE (مهندس أنظمة معتمد من Microsoft)
• شهادة +Network (شبكات CompTIA)

• شهادة +Linux
مار أيكم موضوع سهل مش كده و الامتحان طبعا علي النت و النجاح من 80% فقط و من حقك محاولتين
هذا بالاضافة للأبناء الاعزاء الذين يستعدون لإمتحانات آخر العام و لابد أن تقف لهم أم
أحمد بالمرصاد لمنعهم من التليفزيون و الكمبيوتر و المغريات أثناء وقت المذاكرة
أدعوا لأم أحمد بالنجاح في كل الامتحانات أليس ذلك أفضل من الجلوس في محكمة
الاحوال الشخصية طول اليوم علي رأي حبيبتي
مجداوية في تعليقها علي التدوينة السابقة
و في الختام و قبل أن أترككم و أبدأ المذاكرة أعدكم بأني سأبذل قصاري جهدي الا ابتعد
عنكم فترات طويلة لكن سامحوني لو قصرت و أسالوا عني فذلك يرفع معنوياتي حقا .

هناك 31 تعليقًا:

أنترنتاوي يقول...

ربنا يوفقك

حاجات جوايا يقول...

حبيبتى ازيك وحشتينىىىىىىىىى
ربنا معاكى يارب
حلوة اوى المنح دى بجد
ربنا يوفقك فيها وتكملى الكورسات كلها ان شاء الله
انا كنت هقدم السنة دى على منحة برضه بس مواعيدها كانت وحشة جدا معايا
من 9 صباحا ل7 مساءا بالاضافة للواجبات المنزلية العملية عالنت
وده طبعا مينفعش معايا عشان بيتى وجوزى وابنى
بيهرجوا دول ولا ايه ؟ههههههههه
مش يعملوا حسابى فى المواعيد
حاجة غريبة والله هههههههه

شدى حيلك يا قمر
وطمنينا عليكى بقدر المستطاع

خالص ودى
سالى

ربنا معاكى يارب مجال الكمبيوتر تحفة بجد وكل ما تتعلمى حاجة بتبقى عايزة تعرفى اللى بعدها

موناليزا يقول...

بالتوفيق ان شاء الله
وربنا معاكِ

الشموع البيضاء يقول...

ربنا يوفقك يارب وعاوزين نجاح من اول مره بقا
ربنا ييسرلك كل الامور ويوفق ولادك ويجيبوا اعلى الدرجات
بالتوفيق

الطائر الحزين يقول...

انت لها يا أم احمد
وامتحان الكادر هيعدى متقلقيش المهم خلى بالك من الاولاد

عين فى الجنة يقول...

شدى حيلك

مجداوية يقول...

السلام عليكم

ايه ده بقااااااااا


أنا كنت باهزر

وبعدين متلزقهاش فيا انتي اللي عايزة تتعلمي وتروحي الكتاب بدل المحكمة

ومالها المحكمة ماهي بتعلمنا وبتخلينا نشوف بلاوي الناس فتهون بلوتنا


على العموم ربنا يوفقك يارب وتتطلعي الألفة ولمل تزخقي من الكتاب روحي المحكمة شوية وكلمينا عن ده وده
واحنا المستفيدين برضه

:)


ربنا معاك ويوفقك يارب
وابقي قولينا بتخدي السيسكو دي منين يعني بتقدمي فيها على النت ولا في أماكن معينة ؟

Unknown يقول...

السلام عليكم ورحمة
الله تعالى وبركاته
ربنا معاك يارب
معاكى فى امتحانات(التكدير)
الشهيرة بامتحانات الكادر:)
ومعاك ومع الاولاد كمان فى
امتحانات نهاية العام
وفى امتحانات المنحة
بس أمانة عليكِ
ياأم احمد
لماً تبقى ضليعة
فى الكومبيوتر تدينا ملخصات
او دروس بسيطة كده للاستعمال البسيط للناس اللى زى حالاتى ما بيعرفوش اكتر من الفتح والقفل للجهاز:)
تمنياتى ودعواتى لكِ وللجميع
بالنجاح التام الباهررررر.

أم أحمد المصرية يقول...

فاضي لهم مش يشتغل ماما بعد الظهر زينا :))
انا ذهبت تع الشغل عشان كده بتخلص الساعة 2 ظ بس العيب بقي انها مش في مدرستي القرية لكن في اخر بلاد المسلمين فكنت تاخر علي الاولاد شوية بس اهي عدت
______________________
صديقتي موناليزا
امال كاتبة التدوينة ليه ما هو عشان تدعوا لي :))))))
_______________________
الشموع البيضاء بفرح جدا لما اجد صديق جديد في المدونة حس ان المدونة بتنور زيادة شوف بقي لما تبقي شموع بيضاء كمان
____________________________

صديقي القديم الطائر الحزين
اسعد الله قلبه
شكرا علي المرور و الدعاء
______________________________
الصديق راجي
الشدة علي الله
___________________________
حبيبتي مجداوية
ما تخافيش انا مش تهمك :)) دا انا بستشهد كلامك انا اللي قلت اخرج من المود ده شوية لكن لا تقلقي :))) راجعة له راجعة له لسه فيه حواديت

بصي يا قمر النسبة للحصول علي سيسكو بما ان حضرتك مدرسة اسكندرانية فالمسألة طلب مقدم باسمالاستاذة مدير مركز التطوير التكنولوجي " بابيس " تطلبي فيها الانضمام للدورة و تمضي مديرة مدرستك الموافقة و تسلميه لمسئولة التدريب بالمركز و سيرسلون لك عند تنظيم الدورة لكن للامانة يوجد عيبين مهمين

اولا الدراسة في ابيس 10يوميا من حتي الساعة اتنين شوفي بقي توصلي بيتكم امتي

ثانيا بعد النجاح ان شاء الله ستنشيء اكادمية سيسكو في المدرسة يعني فصول لتعليم الطلا ب " مش كل المدرسة لكن من يرغب "ما تعلمتيه و يمتحنوا بردوا لذلك يفضل ياخدها اتنين تلاتة من المدرسة مش واحدة فقط و طبعا لا زم المدرسة تكون مجهزة بمعمل كمبيوتر
و تحت امرك في اي استفسار

أم أحمد المصرية يقول...

حبيبتي نوراهاتي
انت هنا و انا بكتب الر د يالف اهلا
شكرا علي الدعوات اما الملخصات فأنت تأمري و الحصة رخيصة جدا 100 ج فقط :))

tarek alghnam يقول...

الرائعه ام احمد
ربنا يوفقك ويبارك فيكى يارب
بجد ياريت كل الناس عندهم همتك ف التعليم وهمتك فى الحياه
يعجبنى هذا الحماس
ربنا يوفقك والى الامام دائما
تقبلى تحياتى
ودمتى موفقه
ولكى جزيل الشكر

شاب كــ طخين ـــــا يقول...

السلام عليكم
اول مرة ازور مدونتك الجميله يا ام احمد
ربنا يكرمك ان شاء الله وأمتحان الكادر يكون تمام
ربنا معاكى
فى رعايه الله

بـِصَمتـِـ أميرة ــــى يقول...

ربنا معاكى يا حبيبتى
جميلة البلوج دى
ونورتينى جدا بمرورك
هستناكى تانى
بقيتى صاحبة بيت بئه
:)

تقبلى مرورى وسلامى لأحمد
ملكة بحجابى

salma mohamed يقول...

ياااه
ده الموضوع شكله بسيط جدا (:
ان جيتي للحق هو كورس شكله مفيد جدا,
ربنا ينفع حضرتك بيه,
وطبعا حضرتك مش هتبخلي علينا بالافادة ولا ايه؟
ربنا يوفق حضرتك وابنائك لكل خير,
بس كمان لازم حد يمنع حضرتك من التلفزيون والكمبيوتر والنت علشان المذاكرة (:
اشمعنى يعني ولاد حضرتك (:

Empress appy يقول...

حبيبه قلبى والله وحشانى ومبسوطه انك جيتى تانى والله ما اقدر انساكى ابدااااااااااااا

Abo 7anf يقول...

السلام عليكم
يعنى اول زياره اجى الاقيكى بتمتجنى
طب ربنا معاكى
و يوفقك

أم أحمد المصرية يقول...

الصديق الجديد انترنتاوي
كتبت لك رد من قبل و الله لكن ما عرفش حصل ايه علي العموم بعيده مرة اخري نورت المدونة و شكرا علي الدعاء______________________________

حبيبتي سالي
كتبت رد لك المرة السابقة
لكن اتمسح اول سطرين منه مع ردي علي انترنتاوي
كنت بقول لك ان موعد دورتك دي عايز حد فاضي مش بيشتغل ماما بعد الظهر :)))_____________________________
الاخ الفاضل طارق
جزاك الله خيرا اخجلت تواضعي انا فقط احاول ان اعيش الحياة و لا اكون مجرد متفرج

--------------------
امبارح كان عمري عشرين
نورت المدونة وواصل الدعوات الله يكرمك فلا امل لي غيرها :)
___________________________

صديقتي الجديدة ملكة بحجابي

ياالف مليون مرحة بصديقة اعتز بصداقتها بعد ما شفت مدونتها
جهزي الشاي و الكيك لأني جاي ازورك قريب:)
_____-------------------

حبيبتي سلمي
منورة المدونة و فعلا هو كورس مفيد س المشكلة ان اليوم 24 ساعة فقط :))

اما حكاية التليفزيون و الكمبيوتر فو الله انا بنت شاطرةو عارفة مصلحتها طول اليوم علي الكمبيوتر بذاكر الست سيسكو و بين المذاكرة عمل حاجات بسيطة زي الاكل و متابعة شئون البيت و الذها للعمل و شرح الدروس الصعبة للحلوين و الزعيق لهم لو سابوا المذاكرة :)) و ادلع الصغنونة شوية اصل لسه ما عندهاش مذاكرة اكمل و لا كفاية كده دا انا تعبت من الكتابة يا سلمي حبقي اعملها تدوينة الحكاية دي :)))))
اما بالنسبة للافادة
فأي خدمة في حدود معلوماتي تحت امركم خصوصا ان نوراهاتي طلت نفس الطلب حتكروها في دماغي و اعمل مدونة تعليمية للكمبيوتر فزكاة العلم ان تعلمه
نورت يا قمر
____________________________

حبيبتي أبي
نورتيني انا سعيدة جدا بعودة التواصل معك
__________________________

ابو حنف
عشان تعرف ان كل مدرس له يوم يرجع تلميذ تاني ادعي لي

الربان يقول...

تحياتي يا استاذة

اولا الانسان طالما به قلب ينبض فلابد له ان يتعلم...التعليم يبدء من المهد و ينتهي باللحد...

ثانيا....احيي فيك الاصرار و المواظبة علي التعليم المستمر...و هذا بالتأكيد
ينعكس علي حياتك بصفة عامة و علي عملك بصفة خاصة....
لانني أؤمن بأن المدرس من الابتدائي الي مدرس الجامعة لابد ان يستمر في التعليم و تطوير قدراته المهنية و الشخصية...
و هذا هو المدخل الرئيسي لتطوير التعليم و النهوض به.


ثالثا...شركة سيسكو معروفة طبعا و دوراتها مفيده جدا...و تكون بمثابة دعم قوي لاي سيرة ذاتية.

رابعا...تمنياتي لحضرتك بالتوفيق و النجاح....و ربنا يشد من أزرك و عزيمتك.


تحياتي و تقديري

همس الاحباب يقول...

بالنجاح والتوفيق دائما
ربنا يوفقك وشدى حيلك
والعلم بحوره كتيرة
تحياتى وتقديرى

أم أحمد المصرية يقول...

اخي الفاضل الربان
شكرا علي مرورك و تشجعيك ودعائك

___________________________________
اخي الفاضل همس الاحباب
نورت المدونة فينك من فترة
شكرا علي الدعاء

ســـهــــر يقول...

ربنا معاكى يارب ويوفقك لما فية الخير
اول زيارة لمدونتك وان شاء الله متكونش الاخيرة

أم أحمد المصرية يقول...

الصديقة الجديدة سهر
و انا بقول المدونة النهاردة نورت كده ليه اهلا بك في كل وقت

انت تسال والكمبيوتر يجيب يقول...

ناجحه ان شاء الله
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

دعاء يقول...

ربنا يوفقك
أنا زوجى مر بالتجربة قبلك والحمد لله تعملى زيه وتنجحى.
تحياتى
دعاء

ابو صهيب ( الجمعاوي الاصيل)سابقاً يقول...

بالتوفيق ان شاء الله

وفقكم الله الى الكادر وربنا يستر

ذكرى رحيل قلم يقول...

السلام عليكم
ربنا معاكم يا اساتذة الجيل مدرسين ومدرسات وبجد لكل مجتهد نصير ربنا ينصركم علي وزير التعليم امين
بس علي فكرة حماتي امتحنت و ماشاء الله نجحت واي حاجة كانت بسأل عنها نروح نجبهلها من ع النت
مبروك عليكي العلم وبحوره فعلا العلم نور ولا يقف عند اي حد من حدود الحياة ولا يعيقه اي شيء
اسعدني لما رأيت كتبك المفضلة وكان من بينهم قرأتك للكاتب الرائع عبد الوهاب مطاوع فكان واجب عليا ان اعلمك بمدونة ذكريات ناس مجهولة تقبلي دعةتي للزيارة ان احببتي
تحياتي وتقديري

Unknown يقول...

ربنا ينجح مقاصدك ياأم احمد يارب
انت وجميع ما خلق ربنا .امين يارب

جنّي يقول...

السلام عليكم

دخلت المدونة وقرأت الموضوع من اول ما تم نشره ولكن استعصى علي النت فلم يفتح التعليق وخرجت كارها دون تعليق ..

والحمد لله فتح الان بسهولة ..

ولا يسعني الا ان اشكرك على زياراتك وان أدع لك بالنجاح والتوفيق ..

وجزاكي الله خيرا

Unknown يقول...

السلام عليكم


المدونة جميله اوى يا ام احمد


ربنا معاكى وبالتوفيق ان شاء الله

غير معرف يقول...

يا ينتى سيبك من النت والحاج سيسيكو وهذه البدع وروحى خديك ماجستير تعملى تفرغ وعلاوة وحافز 100 ج وأفدمية سنتين تبقى أقدم من الوزير يعنى تربوية قديمة بس من غير دود أحسن الوزير يزعل من المنافسة

جاردنيا يقول...

السلام عليكم ورحمة الله وبركاته

بارك الله فيكم على هذه الروح التواقة للعلم ولكن لي كان لي بعض الملاحظات

يمكن أنا من حوالي سنتين غير متابع ما يجري في العملية التعليمية في مصر وبكتفى ببعض الأخبار العامة من والدتي التي تعمل مديرة مدرسة الآن وخاصة إني مؤهلي التربوي يشرفني أن أنتمب لحاملي هذه الرسالة الشريفة


لكن للأسف التعليم في مصر فيه تخبط كبير جداً من حيث قرارات صانعي القرار ربنا يهديهم وكنت أستعجب من بعض التوجهات الي كان يخبرني بها صديقي العقيد أسامة الباز عن مشاريع التعليم الإلكتروني والمدرسة النموذجية وانتل وأوراكل والي بتكون مسئوله عنها شركات خارجية الهدف النهائية هو الدعاية وإحتكار السوق مروراً بمشروع الجودة الشاملة الي كان على الورق زي الفل وإنتقل للتطبيق العملي مع أسوأ تطبيق

المهم أنا طبعاً أقل إني أنصح حضرتك أو أوجه ولكن وذكر فإن الذكري تنفع المؤمنين

بمعني

ممتاز إن حضرتك أخدتي ال ICDL والي بتعتبر بداية ومقدمه

وممتاز إن حضرتك الآن عاوزه تنمي مهاراتك التقنية ولكن لازم تكون في الإتجاه الصحيح بمعني

حضرتك راجعة من القاهرة لإسكندرية ورحتي ركبتي قطر الصعيد الي أحدث شيئ وقطر صاروخ ومبتحسش إنك في قطر وهيوصلنا في ساعة واحده !!

ولكن إحنا رايحين إسكندرية مش الصعيد ودي النقطة المهمة

بالنسبة لأي معلم يحمل أي تخصص وفي حالة حضرتك في مادة العلوم

يبقي بعد ال ICDL أبدأ أتقن البرامج الي بتيح لي عمل دروس إلكترونية وإستخدمات تقنيات التعليم الحديثة حضرتك أخدتي الباور بوينت ودا معقول وبداية ولكن بعد كدا فيه حاجة اسمها باور بوينت VBA ودي الي بتيح لحضرتك تعملي اسألة وأجوبة للطلاب يجاوبوا عليها من خلال الكمبيوتر والامتحان يصحح بالكامل من خلال الباوربوينت بشكل شيق وجذاب

فيه المعامل الإفتراضية الي بتيح للطلاب عمل بعض التجارب الخطرة الي مينفعش يعملوها في الواقع وتقربلهم الصورة أفضل من أي ملف فيديو يشوفوه

إبعدي حضرتك عن كل دا وركزي على التقنيات الي تساعدك في مادتك وتسهل توصيلها للطلاب ولا تنجرفي مع التيار لأنه الكثير منه مع تميزه فهو لن يحقق الهدف