الأربعاء، 22 يوليو 2009

مش باقي مني

اولا وحشتوني و شكرا لكل من سأل عني و شكرا ايضا لكل من تذكرني و لم يسال فمن حالك اعذر أخاك
و أحمد لله حمدا كثيرا طيا مباركا فيه علي كل عطاياه

انا عائدة اليوم بتدوينة لكلمات أغنية ليست من تأليفي طبعا :)
و انما من كلمات الشاعر جمال بخيت و تذاع مع فيلم دكان شحاتة و غالبا الكثيرمنا سمعها في التليفزيون يمكن بعضنا تمعن في الكلمات و البعض لم يفعل
و انا لست في مجال نقد أو تقييم للفيلم مطلقا فانا هنا انظر لكلمات الاغنية الموجهة لمصربعيدا عن الفيلم اقرؤا الكلمات و في انتظار سماع رأيكم و احاسيسكم في الكلمات و لمن يريد سماعها كأغنية فالمنتديات مليئة بها و لكني قصدت نقل الكلمات و لن اضع رابط للاغنية و لن اذكر رأي حتي لا احجر علي الاراء :


مش باقى منى غير شوية ضى فى عينيا ،


انا حاديهوملك و امشى بصبرى فى الملكوت

يمكن فى نورهم تلمحى خطوة

تفرق معاكى بين الحياة و الموت

مش باقى منى غير شوية قوة فى إرادتى حاسبى عليهم و انتى بتخطى

مش باقى منى غير شوية ضى فى عينيا انا مش عايزهم ،

لو كنت يوم حألمحك و انتى بتوطى

فى معركة ما فيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة ، من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لما يمر موكب سلاطينك


و مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى

، بلاش يتبعتروا فى البحر

ومش باقى منى غير شوية لحم فى كتافى ،

بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم

و مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم ، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد

حاحتاج يوميها الدم يمضى على شهادتى

هناك 32 تعليقًا:

أمل حمدي يقول...

ازيك يا ام احمد حمد الله على سلامتك حبيبتي

مالك ؟ ان شاء الله خير

حلوة قوي روحك وحكمتك من حالك اعذر أخاك

ربنا يصلح حالك اللهم امين

اما الكلمات فسمعتها وتمعنت بهاواحسستها هذه كلمات يقولها اكثر هذا الشعب ويعانيها

و مش باقى منى غير شوية دم ، ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد

حاحتاج يوميها الدم يمضى على شهادتى


تسلم ايدك على التدوينة الجميلة

دمت بكل الود

غير معرف يقول...

مش باقى منى غير شوية ضى فى عينيا ،

انا حاديهوملك و امشى بصبرى فى الملكوت

يمكن فى نورهم تلمحى خطوة

تفرق معاكى بين الحياة و الموت


كلمات رائعة جدا .....

ما شاء الله اختي

مشكورة على النقل

أم أحمد المصرية يقول...

حبيبتي ماما امولة
وحشاني و ازي اماني
شكرا علي دعائك ربنا يصلح احوالنا جميعا

أم أحمد المصرية يقول...

صديقتي حوراء
دايما منورة المدونة انا حبيت اشرككم معي في الكلمات بعيدا عن لقطات الفيلم التي قد تؤثر سلبا علي احساسنا بالكلمة

بنت الصالحين يقول...

بما اني لاشفت الفيلم ولا سمعت الاغنية ولا اعرف مين دكان شحاته ده

ههههه

فانا هقيم علي الكلمات

الكلمات تووجع اوووووووي

لانها بتعبر علي حال شباب مصر حاليا



فينك ياام احمد النت عندي كان بعيد عنك بيستهبل

مكنتش بعرف ادخل مدونتك ولا مدونات كتير


طمنيني عليكِ

أحمد ابنك في الثانوي ؟؟

MaNoOoSh يقول...

ازيك يا ام احمد
يارب تكوني بخير
بجد وحشتينا جدااااااااا


كلمات الاغنية كلها وكل حرف فيها وجعوني قوييييييييييي
وكان اجمل ما فيهم ختامهم

غير معرف يقول...

حبيبتى ام احمد
وحشانى خالص وانا كمان كنت غايبة
والحمد لله لخصتى وانجزتى من حالك اعذر اخاك بس ربنا يكتب لك الخير ومايكنش
حالك من حالى ابدا
الكلمات معبرة عن مانمر بيه
الحمد لله على العودة
تحياتى

hasona يقول...

السلام عليكم

يا رب تكون بخير وأحسن حال

،،،
من حالك اعذر أخاك
لكل فرد فينا قدرة تحمل

،،،
الاغنية جالت وتناولت المصائب التي مرت علينا
وقطعت في وريد مصر وعروقها
بل ضيعت مجموعة كبير من شبابها وعنصر قوتها

بسبب الاهمال - الفساد -الخضوع لدول معينة
هناك آلاف الاسباب والميت واحد

،،،
هذه الكلمات ان لم ينطق بها سواد الشعب المصري بلسانه فحاله أكبر دليل عليها

،،،
ومع ذلك أجمل حاجة فينا
كرهنا لشخص أو قائد أو زعيم أو حكومة
لا يجلعنا نكره أو نكفر بمصر
بل نظل نحبها ونجلها ونقدس ترابها

نحب طيبة أهلها وأصالتهم



سلمت يداك

ادم المصرى يقول...

والله كنتى وحشانا جدا يا ام احمد

اخبارك واخبار الصحه

ان شاء الله تكونى بخير

والله غيابك مقصر فينا كلنا يا نواره التدوين كلو

كلمات الاغنيه كلها شجن وجمال

مرسى جدا ويله ارجعلنا بقه ولا احنا مش وحشينك

ذكرى رحيل قلم يقول...

السلام عليكم
ام احمد ازيك عاملة ايه حمد لله علي عودتك انا عارفة ان المسؤلية كتيرة وبعذرك في تاخير الكتابة يابنتي انت عنك بيت واولاد ومدرسة وزوج ومامتك واخوتك كان الله في العون
جزاكي الله خير
علي فكرة انا مش بسمع اغاني اعتذر عن عدم التعليق علي الاغنية
دمتي بكل حب وود

ليس فقيرا من يحب يقول...

السلام عليكم
مش باقى منى غير شوية قوة فى إرادتى حاسبى عليهم و انتى بتخطى

مش باقى منى غير شوية ضى فى عينيا انا مش عايزهم ،

لو كنت يوم حألمحك و انتى بتوطى

فى معركة ما فيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة ، من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

فعلا يام احمد اغنيه رائعه ومعانيها
فى منتهى الروعه والقوة والواقعيه
حمد الله على سلامتك
تقبلى تحياتى

rovy يقول...

الله يا ام احمد ..
كلمات مؤثره جداا جداااحبيبتى
اكيد كان ما ينفعش ام احمد المصريه الجميله الجدعه تسمعهم و مايأثروش فيها و ما ينفعش ما تدوينهمش فى مدونتك الرائعه اللى بأحس فيها بالدفا و لمة الاحباب

سلمت يداكى غاليتى و سلم لنا احساسك الراقى دائما ..

خالص تحياتى

أم بتول يقول...

حمد لله على سلامتك أم أحمد و إن شاء الله تكونى بخير أنت و الأولاد ، على فكرة أنا سمعتها من جمال بخيت فى العاشرة مساءا وكانت روعة و هو بيلقيها لدرجة أن منى الشاذلى عيونها دمعت ، الكلمات روعة و فعلا بتعبر عن حالنا الى عايشين فيه و حبنا الكبير لبلدنا و خوفنا عليها من الى فى أيديهم الأمر و النهى ، ولله الأمر من قبل ومن بعد .
نورتى بيتك أم أحمد و ياريت ما تغيبى عنا تانى أبدا .

أم أحمد المصرية يقول...

حبيبتي عاشقة الفردوس
انا كمان ما يهمنيش الفيلم و الاغنية انا يهمني الكلمات
هي اللي حسيت اني محتاجة اسمعها لكم
شكرا علي سؤالك يا قمر الحمد لله انا الان بخير و احمد بخير هو داخل تانية ثانوي مش خارج منها :) ادعي لنا

أم أحمد المصرية يقول...

حبيبتي مانوش
ما تحرمش من زيارتك فعلا ختام الكلمات روعة
امال انا كتبتها في مدونتي ليه :))

أم أحمد المصرية يقول...

حبيبتي ام مالك
ا ن شاء الله تكوني بخير انا جاية ازورك و اطمن عليك

أم أحمد المصرية يقول...

الاخ الفاضل حسونة
تسعدني زيارتك و تعليقاتك عندي دائما تحليلك اوجز و انجز حقا
دمت صديقا دائما للمدونة و عقال ما نقرأ لك مدونة :)

أم أحمد المصرية يقول...

ابني العزيز ادم
شكرا علي تعليقك الرقيق ما اقدرش اغيب عن التدوين و عنكم

أم أحمد المصرية يقول...

حبيبتي ذكري رحيل قلم
شكرا علي سؤالك
اما النسة للاغنية حبيبتي فأنا لم اطل منك سماعها لو لك موقف من سماع الاغاني لكني طلبت تعليقك علي الكلمات كزجل
و لا ايه

أم أحمد المصرية يقول...

الصديقة الجديدة ليس فقيرا من يحب
انا سعيدة جدا بزيارتك يا ناجحة يا حلوة
و ان شاء الله تواصل دائم

أم أحمد المصرية يقول...

حبيبتي روفي
اخجلتني كلماتك الرقيقة
مش عارفة اقول لك ايه
ربنا يخليك و يديم الود و الحب يا رب

أم أحمد المصرية يقول...

صديقتي العزيزة ام بتول
انا لم اري البرنامج لكن فعلا الكلمات اراها معبرة جدا عن حالنا للاسف

بـِصَمتـِـ أميرة ــــى يقول...

حبيبتى
كيفك؟
انشالله بكل خير
طمنينى عليكى

بنوتك
(ملكة بحجابى )

أنستونا يقول...

كلمات مؤثرة جدا يا أم أحمد
مشكورة جدا على الكلمات

جلال كمال الجربانى يقول...

السلام عليكم

دى مش أغنيه دى نزف
شايف جمال بخيت وهو بينزفها حرف حرف
أنا سمعتها على أحد المدونات
ودى بتعتبر مقاله سياسيه أو توثيق تاريخى لحالتنا وما حدث لمصرنا خلال الثلاثين سنه الماضيه
بس متنكره فى شكل أغنيه
-------
وحمداً لله على سلامتك
وعلى فكره غياب المدونين عن مدوناتهم
أصبح ظاهره ملحوظه وبأسباب متعدده
وكمان حمداً لله على سلامتك لأنى بصراحه كنت بعدى ولا أجد جديداً ولا أسأل
وحنبقى نسأل

ودمتِ بخير وعودٌ أحمدٌ

akeed يقول...

حمد الله على سلامتك و نورتى مدونتك من جديد و على فكرة انا وضعت الاجابات دلوقتى فى مدونتى لو عايزة تشوفيها



دمتى بكل صحة وعافية

اقصوصه يقول...

فعلا الكلمات جدا جميله

وتستاهل النقل :)

بنت الصالحين يقول...

أم احمد

انتي فييييييين؟؟؟

طمنينا عليكي

غير معرف يقول...

ام احمد الحبيبة
غيبتى تانى فين
ياترى المصيف وزواره
والله الواحد بقى بيقلق
يارب تكونى بالف خير

ذكرى رحيل قلم يقول...

السلام عليكم
ام احمد ازيك وحشتيني

كل سنة وانت طيبة
نلتقي ان شاء الله بعد شهر الخر

سوف انقطع فترة ونلتقي بعد العيد
دمتي جميلة
هتوحشيني

حاجات جوايا يقول...

السلام عليكم ورحمة الله وبركاته

ازيك حبيبتى اخبارك ايه واخبار اولادك
يارب تكونوا بخير يارب
مش عارفة كلامك قلقنى عليكى
ربنا يصلح حالك يارب وحال احبابك وتكونوا فى خير حال يارب

بالنسبة للاغنية بجد تحفة
القاها الشاعر جمال بخيت فى برنامج العاشرة مساءا
وده لينك القصيدة كامل
http://www.youtube.com/watch?v=6JnjfSqcuko
بجد مؤثرة جدا .. بدرجة ادمعت منى الشاذلى

ربنا يعينا ويقوينا
ويروق بالك يا حبيبتى يارب
طمنينى عليكى
واعذرينى على التاخير
خالص دعواتى

الفراغ يقول...

اختى الغاليه
حمدلله على سلامتك
كنتى فين...وحشتينى
كنت متبعاكى ولا اجد جديد من فتره
وكنت اسئل نفسى واقول لعل المانع خير
الحمد لله انك رجعتى بالسلامه
وياريت ماتبعديش عننا تانى
كلمات الاغنيه
تعتبر صراخ الانسان المصرى
احنا بنصرخ...ولكن الطبقه الجديده اللى حوالين القائد..ولا هما هنا
دول ودن من طين وودن من عجين
دول مبداهم دلوقتى((سيبوهم يغنوا..بدل مايفرقعوا))
هو دا حالنا..بنغنى