الثلاثاء، 30 يونيو، 2009

أيام الصيف و الاجازات أيام من أعمارنا " تحدثين مش واحد "

اصدقائي بدأ
الصيف و اجازاته و اوقات فراغه قلت لنفسي توقفي قبل السقوط في دوامة الكسل و أخذت أفكر في طرق للاستفادة بالوقت " غير النت طبعا "
مبدأيا كده اعتذر للاخوة لأن اغلب الاقتراحات حتكون حريمي
أما صديقاتي العزيزات فسأعرض عليكن بعضا من مهاراتي اليدوية في هذه المدونة بدون شرحها بالتفصيل كمقدمة و من ترغب في السؤال عن تفاصيل أي منها فأنا علي اتم استعداد للاجابة عنها فزكاة العلم ان تعلمه
و لا اكتمكم القول اني فكرت في انشاء مدونة خاصة للمهارات اليدوية " كروشيه و تريكو .....و طبخ و حلويات ..."
لكن منعني شيئين :
الاول: خوفي الا يسمح وقتي بمتابعة المدونتين
الثاني : ان الكثير من المنتديات علي النت مليئة بهذه المهارات
لذلك قلت لنفسي تكفي تدوينة واحدة لتذكير اصدقائي المدونين و المدونات الطلبة منهم و الطالبات و جميع العاملين الاخذين اجازة صيفية و الآخذات باستغلال الاجازة فيما هو مفيد مع وجوب ذكر ملحوظة هامة جدا
انا لا اجلس علي كرسي النصيحة لأني نشيطة جدا و منظمة وقتي للغاية بل علي العكس انا فقط عندما افكر في خير لنفسي أفكر فيه لكم معي فعندما كتبت عن الغيبة في التدوينة السابقة كنت استعين بكم علي نفسي لأحاول التوقف عنها
و الان و انا اكتب عن تنظيم الوقت في الصيف فأنا ايضا استعين بكم فلنشجع بعضنا و لنتعاون علي الخير
سأقول لكم بعضا من اقتراحاتي و با ب التعليق مفتوح لكل اضافاتكم لنبدأ بسم الله :
1. ورد يومي من قراءة القرآن و لو ربع حزب
2. محاولة حفظ قرآن و لو أيه
3. بالنسبة للبنات و السيدات امامنا كم لا ينتهي من المهارات التي نتعلمها تريكو – كروشيه – لا سية – تطريز – خياطة – تعلم عمل الحلويات و الاكلات المميزة ........ لو كان عندك مباديء مهارة مما سبق اهتمي بها و بتنميتها اتفقي مع صديقتك مثلا كل منكم تعلم الاخري ما تعلمه أو اسألي ماما انها تعلمك بعض خبراتها ستجدون و الله متعة كبيرة في ذلك و تقارب رائع مع الامهات و كما سبق و قلت النت سيفيدك جدا في ذلك و انا علي استعداد لأجابة الاسئلة فيما اعرف
4. لو كنتم طلبة فكروا تزيدوا امكاناتكم لغات – كمبيوتر – تنمية بشرية
و هذه بعض لينكات لمواقع تعليمية علي النت
http://www.languageguide.org/english/ar/


http://www.languageguide.org/english/ar/
طبعا هذه مجرد أمثلة البحث علي النت يمكن الوصول للكثير
5. كم واحد او واحدة منكم يا تري فكرت تزور اقرب ملجأ ايتام لمنزلها ستقضون وقتا ممتعا مع الاطفال و ثوابا كبيرا عند الله
6. ممارسة الرياضة التي لا يسمح وقت البعض بممارستها شتاء في ظروف الدراسة طبعا برغم ان الرياضة لجميع الاعمار لكني انصح بها الشباب اكثر كي يعتاد عليها و لا يجد نفسه مثلي الان لياقة 100% بس بالسالب حتي المشي بيتعبني و البركة في السيارات
7. القراءة المتنوعة لكتب في كافة المجالات التي نفضلها و ليس فقط المعلومة في كبسولة التي اصبحنا نأخذها من علي النت
طبعا هذه ليست كل الاقتراحات لكن هذا ما اتذكره الان و الصور المرفقة لبعض انتاجي المنوع الذي استطيع اجابة اسئلة الصديقات فيه و عذرا للاصدقاء .
تحديث لحبيبتي ذكري رحيل قلم و حبيبتي روفي و لكل احبائي الراغبين
وجدت هذا الرابط الرائع لتعليم التريكو من البداية و بالصور بصراحة وجدته منظم وواضح و اللغة العربية ارجو ان يفيدك و لو شيء لم تفهميه انا معك بردوا في الخدمة
انصحكم تأخدوا نسخة من الموضوع علي جهازكم بالصور لأن الصور علي المنتديات بتختفي بعد فترة

صديقتي الجديدة هديل الروح عملت تدوينة عن مشاكل ذهابها للقراءءة في مكتبة مبارك للاستفادة من الاجازة لدرجة اشفقت عليها و لذلك اليكم روابط لبعض المواقع التي يمكن تحميل كل انواع الكتب منها لقرائتها بصيغة pdf

واكبر كتاب لن يزيد عن 20 ميجا و تقرأوا معززين مكرمين و انتم في البيت علي جهازكم لو عملتم بحث علي النت ستجدوا اكتر من هذا بكثير

http://www.rewayat2.com/v2/

http://rewity.com/vb/

http://www.liilas.com/vb3/f426

و لا تنسوني في الدعاء .

هناك 62 تعليقًا:

ذكري رحيل قلم يقول...

السلام عليكم
ام احمد ياااااااااااااااااااااقمر
اولا ازيك وايه اخبارك
الحمد لله اننا اطمنا عليكي
ثانيا انا اول واحدة هستفيد من موضوع التريكو وغيره والله يا اختي نفسي اتعلمه قوي وكنت طلبت من مامة مازن انها تكتب عن الموضوع ده بماانها خبيرة فيه
ووعدتني وياريت تقدمي لينا المدونة المطلوبة او المشار اليها ومش مهم تردي علي التعليقات المهم تقدمي لينا الموضوع ولو حد طلب شيء تنزليه في بوست
من غير رد ولا حاجة
جزاكي الله خير ويارب تكون اجازة سعيدة عليكم كلكم انت واسرتك الجميلة
طبعا انتم سكان االعروسة مش محتجينا مصيف ياعم يا عم
ربنا يسعد ايامكم
هاستني التريكو
دمنا بحب وتواصل دائم

tarek alghnam يقول...

الاخت العزيزه ام احمد
اشكرك على سؤالك عنى
وانشاء الله اعود للكتابه من جديد والتواصل معكم
مدونتك من المدونات التى اعتز بدخولى وقرائاتى لكتاباتك القيمه
تقبلى تحياتى وشكرى
ودمتى بود

ادم المصرى يقول...

اولا اذى حضرتك يا ماما اخبارك ايه

بجد تسدقى انى بعرف اعمل تريكو وكمان بجيدو جدا على فكره انا اتعلمتو من برنامج كنت بتفرج عليه اسمو الشغل بأدينا

كنت ديما بتفرج عليه وانا فى الشغل فى وقت الفارغ وعملت لكلوك عشان الشتاء

هههههههههههههههههههههه

مرسى ماما على البوست الجميل

MaNoOoSh يقول...

اقتراحات جميلة فعلا

وانا نفسي بجد احترم نفسي شوية واقعد احفظ قرآن.. بس انا قدرتي على الحفظ ضعيفة للاسف لكن ربنا يعينني ان شاء الله

وكمان يارب الاقي تشجيع من ماما او اختى علشان نلعب رياضة شوية
بجد الشعب المصري بيكسل عن الرياضة جداااااااااا رغم اهميتها الشديدة

موناليزا يقول...

ربنا يعزك يارب
كلها اقتراحات جميلة
وماشاء الله شغلك جميل
انا كمان بحب الشغل اليدوى جدا بس للاسف تقريبا عملت كل حاجة(شغلى بيكون مفارش او لوح فنية) وغرقت بيتنا وبيوت معارفى وصحباتى بيها فدلؤتى هعملهم ليه ولمين؟ رغم ان الشغل ده واحشنى جدا

أم بتول يقول...

أم أحمد ربنا يبارك فيك أقترحاتك أكثر من رائعة بجد ، بس للسف أحنا الى نفوسنا ضعيفة و مسلمين نفسنا لهواها ، أستعيذ بالله و أياك من الشيطان الرجيم ، الشغل اليدوى أكثر من جميل و فكرته جميلة و أنا بحب شغل الكروشية جدا لأنه بجد بيكون حلو جدا و بعدين بتعيشى معاه لحظة بلحظة و تشوفى نتيجة عملك و مجهودك .
وجزاك الله كل خير عنا

rovy يقول...

السلام عليكم اختى الغاليه
اولا تسلم ايديك على الحاجات الجميله دى
و كمان تسلمى على افكارك الجميله و المفيده .. ربنا يبارك فيكى و يكرمك يارب ..
افكارك كلها مفيده فعلا و ان شاء الله تفيد الكثيرين و تكون فى ميزان حسناتك ..

دمتى غاليتى بكل الخير

ارق تحياتى

أم أحمد المصرية يقول...

حبيبتي ذكري رحيل قلم
ما تحرمش من سؤالك :)
و بالنسبة للتريكو حبيبتي يا ريت تقولي لي مستواكي فيه ايه يعني مثلا تعرفي الغرز الاساسية " العدل و المقلوب " و لا ايه النظام :) عشان اعرف ابدأ معاك بلوفر و لا كوفية و لا كفاية سرتيت شعر :))))
اسكندرية بتسلم عليك

أم أحمد المصرية يقول...

الاخ الفاضل طارق الغنام
مرحبا بك في مدونتي في كل وقت بأضافاتك و تعليقاتك و في انتظار جديدك

أم أحمد المصرية يقول...

الصديق ادم المصري
بعد الترحيب و الذي منه هو انتي يا بني ادم بتاع زمان قبل ما خد الاجازة التدوينينة انا اطلخبط لأن كان الاسم ادم فقط و ليس ادم المصري صح و لا انا لسه مطلخبطة و انت ادم تاني :))))))
في الحالتين منور المدونة و احي بشدة انك بتشتغل تريكو و بجد نفسي اسمع الموضوع ده بالتفصيل و هل تعليقات من حولك كانت مشجعة ام محبطة

أم أحمد المصرية يقول...

حبيبتي منوش
اتشجعي يا قمر علي حفظ القرأن عارفة انا و بنتي هي عمرها 12 سنة اتفقنا نحفظ سورة نوح لانها مقررة عليها العام الدراسي القادم ان شاء الله كل يوم ايتين اثنين فقط و نسمعهم لبعض في10 ق بعد صلاة العصر يوميا ايه رايك تشتركي معنا احنا لسه في ايه 6 تحبي نستناك ستجديها سهله ان شاء الله
و ايضا ارشح لك سورة الرحمن لو مش حفظاها اياتها سهلة جدا ة محبة للنفس و اللسان
انوي بس و ربنا حيكرمك جدا

اما الرياضة بقي فربنا يقويك انا حشجع من المدرجات :)

أم أحمد المصرية يقول...

حبيبتي موناليزا
لا حرمنيالله دعائك الجميلة اعزك الله برؤية وجه الكريم
اما حكاية الاكتفاء الذاتي من المفارش و اللوحات فممكن تغيري النشاط
يا فندم لشنط جينز او كروشية او بلوزات و فساتين كروشيه لأطفال العائلة ربنا يكرمك و تعملي لأولادك ان شاءالله
و ممكن كوفيات تريكو او شربات كروشية و تريكو
الافكار لا تنتهي يا فندم بس انوي انت

أم أحمد المصرية يقول...

العزيزة ام بتول
يا د ي النور يادي النور و كمان مشتركين في هواية الكروشية الله ينور:))
انا اعشق الاعمال اليدوية جدا بأنواعها و احب دايما اتعلم الجديد منها

أم أحمد المصرية يقول...

حبيبتي روفي
تسلمي لي و يسلم كلامك الجميل بس
ما قلتليش انت غاوية ايه من الاعمال اليدوية و لا مش غاوية ابدأ ازن عليك و اغويك :))

akeed يقول...

ربنا يكرمك يا ام احمد

انتى ذكرتينا فى تقصيرنا تجاه الايتام

جعل الله هذا التذكير فى ميزان حسناتك

الفراغ يقول...

ام اجمد حبيبتى
انتى فين من زمان والله انا بحبك بس يظهر ضاعت مدونتك من امام عينى ولكنها لم تضيع من زاكرتى

هاسجلها عندى وان شاء الله نصبح قريبين من بعض لانى بحب الافكار بتاعتك الجمكيله دى بس بعيد عن الاكل
لانى خلاص اخر حاجه بفكر فيها موضوع الاكل ده
تسلم ايديكى اشغالك جميله جدا

ذكري رحيل قلم يقول...

السلام عليكم
يا ام احمد بقلك نفسي اتعلمه يعني معرفشي فيه حاجة شةفي اسهل حاجة وابتدي وانا تلميذة مخي تخين يعني بحب ادق التفاصيل عشان افهم

شكرا ليك
دمتي بخير

rovy يقول...

اختى الحبيبه ام احمد .. انا و الحمد لله شاطره نوعا ما فى الحلويات بس لما بيكون مزاجى رايق و يارب اقدر و اذوقك التورته اللى باعملها .. او البسكويت او البيتى فور و كده يعنى
اما بالنسبه للابره و الخياطه فأنا طول عمرى فاشله جدا فيهم و مش بأحب اخيط اى حاجة و لو زرار حتى الا اذا اضطريت .. لكن بجد كان نفسى اتعلم التريكو و معرفتش .. من وقت للتانى باحاول و اقول حأتعلم لكن بأرجع انسى الموضوع يمكن موضوعك ده يكون السبب انى احاول تانى ..
بالنسبه للرياضه انا بأحبها جدا و الحمد لله بأحاول امارسها بقدر المستطاع
و بطريقتى الخاصه ..

طبعا انا فى انتظار اى توجيهات مهمه منك ..
دمتى غاليتى بكل الخير
تحياتى

ذكري رحيل قلم يقول...

السلام عليكم
بجد تسلم ايدك ربنا يخليك ليا انا حاولت اجيب موقع قبل كده بس معرفتش
مير سييييييييييي كتير كتير
دمتي بكل حب وود

انترنتاوي يقول...

البوست ده عجبني جدا جدا جدا لأن انا بحب جدا الحاجات المفيدة دي
على فكرة زوجتي بتعمل اشغال يدوية حلوة جدا زي اللي انتي عاملاها
شكرا يا أم أحمد على الملحوظة اللي انتي قولتيها لي في التعليق في المدونة بتاعتي , معلش أنا كنت مشغول شوية و مش بدخل المدونات لكن ان شاء الله هدخل مدونات كتير و اعلق عنهم
ربنا يوفقك و يبارك لك في أولادك

rovy يقول...

الغاليه ام احمد

ربنا يكرمك يارب حبيبتى
حقيقى بأشكرك جدا لاهتمامك و للموقع المفيد اللى ارشدتينا له ..
دمتى غاليتى بكل الود و لكى جزيل الشكر

خالص تقديرى و ارق تحياتى لكى دوما

مجداوية يقول...

السلام عليكم

ماشاء الله ولا قوة الا بالله

جميل جدا الفستان ,,سبع صنايع يا أم أحمد ماشاء الله ربنا يحفظك ويحميكي

أنا في الصيف بأذاكر والحمد لله
:)

جميل منك مشاركتنا هواياتك الجميلة وأن ترشدي الناس لما ينفعهم

فكرتيني بمصنع البلكونة بتاعنا

:)

هديـــل الـروح يقول...

السلام عليكم

جزاك الله خيرا يا أم أحمد على نصائحك المفيده وكمان على المواقع الى ذكرتيها أسأل الله أن ينفعنا بك ويجعلنا نستغل أجازتنا بأفضل الطرق
آمين يا رب

عاشقة الفردوس يقول...

الله الله ايه الحلااااااوة دي


ماشاء الله اللهم بارك

ربي يبارك فيكِ وفي وقتك يااااارب


انا معرفش التريكو بس بعرف في الكروشية


وبحب الخياطة والقص جدا

وياماااا قصيت حاجات وبعد ماقصتها طنشتها
هههه


بس هرجعلها باذن الله

ربي يبارك فيكِ ام احمد

أم أحمد المصرية يقول...

اكيد
مرحبا بك دائما في مدونتي ربنا يجعل كل ما نكتب في ميزان حسناتنا
لاحرمني الله تواصلك

أم أحمد المصرية يقول...

الفراغ

يسعدني و يشرفني زيارتك الدائمة و يارب يديم الود دائما

أم أحمد المصرية يقول...

حبيبتي ذكري رحيل قلم

حبيبتي روفي
حليت لكم المشكلة في تحديث التدوينة
عايزة اتفرج بقي:))

أم أحمد المصرية يقول...

انترنتاوي
شكرا علي زيارتك و تعليقك و في انتظار التواصل مع زوجتك ايضا طالما الهوايات مشتركة :))

أم أحمد المصرية يقول...

حبيبتي مجداوية
منورة دايما
طبعا بتذاكري قرأن اغبطك و لا احسدك ربنا يكرمك
انا بردوا بحاول انا و بنتي علي قدنا ادعي لي اواصل

اما مصنع البلكونة فده كان ابداع لا تطمح في الوصول له في الجيل الحالي بس اهو شيء افضل من لا شيء
لا حرمني الله زيارتك

أم أحمد المصرية يقول...

صديقتي الجديدة هديل الروح
دايما وهج المدونة يزداد مع كل صديق جديد و النهاردة انتي ضيفة الشرف
انا حليت لك مشكلة القرأءة في التحديث يار ب تفيدك

أم أحمد المصرية يقول...

حبيبة قلبي عاشقة الفردوس
ايوه كده رجع اسمك ينور في سماء المدونات ما تغبيش تاني :))
و عايزة اشوف انجاز في الخياطة اكملي ما بدأت و تشجعي يلا
ده انا فاكرة قرأت لك تدوينة زمان عن شنط جينز و عن مشروعات للشباب فاكرة :))

norahaty يقول...

السلام عليكم ورحمة
الله تعالى وبركاته
وجزاكى الله كل خير ياام احمد
افتقدت ومنذ مدة طويلة القعدة
فى الاجازة الصيفية الطويلة فوق السطوح مع اخذ رواية او كتاب
ولب البطيخ المعمول منزلياً ولمة
الجيران !!اشياء لما بحكيها لاولاد
وبنات اخواتى بيضحكوا!!مايعرفوش
ان فى كل اجازة كنا نضيف كماً من المعلومات اد كده من القراءة ومن حكاوى وتجارب الاخريين مع اكتساب مهارة
حرفية من اشغال الكنفاة او التريكوا نعرضه بكل فخر بعد عودتنا من الاجازة للصديقات!

أم أحمد المصرية يقول...

حبيبتي نوراهاتي
وجدت وقت تعلقي عندي في الزحمة اللي انت فيها ما تحرمش منك يا قمر

و عندك حق الولاد بيضحكوا لما نقول كده و ساعات يعترضوا و يبرطموا لو اصريت انهم يعملوا حاجة مفيدة في الصيف
ما انا كتبت التدوينة دي من غلبي :)

حوراء المقـدسية Jerus Nymph يقول...

بارك الله فيكي ام احمد ,,,

انا قررت خلاص احترف تريكوا

أم مالك يقول...

ام احمد الحبيبة
انا داخلة اسلم واطمن عليكى
والحمد لله ان الانقطاع كان للاستجمام
ربنا يبارك فيكى وفى مقتراحاتك
وتكون فيها النفع للجميع
جزاكى الله خيرا حبيبتى
تحياتى

أم أحمد المصرية يقول...

حبيبتي حورا
منتظرة اري انتاجك :))

أم أحمد المصرية يقول...

حبيبتي ام مالك
سلمك الله من كل خير
لا حرمني الله سؤالك

Soul.o0o.Whisper يقول...

السلام عليكم و رحمة الله و بركاته

كيف حالك يا غالية؟؟؟

انا جيت بس أصبح على حضرتك و اقولك ليكى وحشة والله

انا لسه مش قرأت البوست

بس هأرجع اقرؤه ان شاء الله



دمتى بود

ملكة بحجابى يقول...

السلام عليكم ورحمة الله وبركاته
وحشتييييييييييييينى
ايه الجمال ده
بجد البوست هايل والله
جعله الله فى ميزان حسناتك
وده مش جديد عليكى
عشان دايما قلبك نضيف

مممممممممموه
يسلملى سؤالك عنى
انا هنا هنا يا بنت الحلال
بس انا كنت متابعه المنتخب المصرى
زعلت منهم شوية
وزعلت عليهم شويتين
وكنت فى مود باعدنى عن الكتابه فقلت اسيبكو تاخدو بريك منى

ربنا يكرم أصلك يارب
:)
تقبلى مرورى وتحياااتى
أميرة

(ملكة بحجابى )

أم أحمد المصرية يقول...

حبيبتي Soul.o0o.Whisper
وحشاني حمد لله علي سلامتك و منورةالمدونة

أم أحمد المصرية يقول...

حبيبتي اميرة الملكة بحجابها
سيبك من المنتخ و متزعليش احنا احلي
لا تغيب عن عالم المدونات احسن الدنيا تظلم من غيرك يا قمر

أنفاس الصباح يقول...

حلو قوى جهاز المخابارات الى بيلقط الزوار الى مسبوش تعليق :D

اكيد سجلنى فى التدوينة السابقة :)

التدوينة دى بقة روعة فعلا

ربنا يكرمك ويبارك فى مواهبك وايمكانياتك

لكن انا داخله بقة علشان اقولك انى جاية بكرة ان شاء الله اسكندريه لمدة اسبوع ونفسى اشوفك
انا هنزل فى سيدى بشر
وتلفونى هو 3995771 010

ايه رأيك فى المفاجئة دى ؟

معتز شاهين - باحث تربوي يقول...

مدونة رائعة وهادفة

وأدعوكي لزيارة مدونتي والتي تعتبر أول مدونة عربية للأستشارات التربوية

ويبقى التواصل

حاجات جوايا يقول...

حبيبتى ام احمد وحشتينى جداااااااااا
الف شكر يا غالية على سؤالك واهتمامك وتهنئتك متحرمش منك ابدا وربنا يفرحك باولادك يارب

كل يوم حبيبتى بكتشف فيكى مزايا اكبر
شغلك رائع جداااااااااا
انا فعلا كنت اتعلمت كروشيه وتريكو ولاسيه بس مكنتش شاطرة زيك كده ههههه ما شاء الله عليكى .. كان كبيرى مفارش ههههههه
شغلك رائع بجد
ربنا يباركلك فى مواهبك ومهاراتك ويزيدك يارب
ويجازيكى خير عالبوست الجميل والمفيد ده

الفترة الجاية عايزة اركز شوية مع دودو عشان بقى عنده 3.5 وكلامه لسه مش واضح
ناوية ان شاء الله ادور فى الموضوع ده واشوف ايه واجباتى كأم لتحسين نطقه
وناوية كمان ادخله حضانة تمهيدى ربنا يسهل ان شاء الله

ياريت لو عندك حاجة تخص الموضوع ده تفيدينى وربنا يجزيكى خير يارب


سلامى لأسرتك الغالية وابلة فاطمة
ربنا يخليهوملك يارب ويخليكى لهم ويرزقكم بالصحة والسعادة وراحة البال

سلام يا غالية

واحد من العمال يقول...

السلام عليكم
ربنا يبارك لكِ فى أوقاتك وكل حياتك
فعلاً الوقت يجب أن بستثمر فى ما يفيد
وليت شبابنا المقيد أمام الفضائيات أن يستغلوا أوقاتهم فيما يفيد
إنتاج جميل ومفيد

وجزاكِ الله كل خير

ماما أمولة يقول...

ازيك يا ام احمد يارب تكوني بكل خير

ربنا يباركلك موضوع رائع ومفيد

نفع الله بك واثابك اللهم امين

دمت بحفظ الله

عمادخلاف يقول...

السلام عليكم ورحمة الله وبركاته
مدونة متميزة تدل على شخصية قيادية وبجد ياام احمد تنفعى مدرسة الى الامام
انا عمادخلاف
صاحب مدونتين واحدة للقصة القصيرة رقصة الموت البطئ والتانية للمقالات
ارجوا التواصل شكرا

قوس قزح يقول...

الله
شغلك جميل اوى
انا جيه عليا فترة اشتغلت حاجات كده
و عملت بلوفرات للولاد
بس عيبى انى بزهق بسرعة
دلوقتى بعمل اكسسورات للبنات

انا عايزة اسالك على حاجات طيب علشان عايزة اعمل فستان لبنوتى
عندى صورة كمان له و عجبنى اوى
اوصلك ازاى ؟
انا ايميلى على البروفايل عندى

جزاك الله كل خير

أم أحمد المصرية يقول...

حبيبتي انفاس الصباح
نورتي المدونة و نورت اسكندرية و سعدت جدا بالتعرف عليك و علي اسرتك الكريمة

أم أحمد المصرية يقول...

أ/ معتز
سعدت بزيارتك و ان شاء الله بداية تواصل

أم أحمد المصرية يقول...

حبيبتي سالي
وحشتيني جدا و ان شاء الله دايما افراح يا رب
ربنا يبارك لك في دودو
انا اقترح عليك كخطوة اولي للاطمئنان في حكاية النطق دي يقوم الاطباء بالكشف علي السمع اولا
و تكون الخطوة التالية دكتور تخاطب بيعطيك تمرينات بسيطة لذلك و النتيجة مبهرة لا تقلقي انا لي صديقة جربت و لو ان 3 سنين و نصف مش سن متأخر قوي يعني
بس بردوا الاطمئنان احسن

أم أحمد المصرية يقول...

واحد من العمال
شكرا لزيارتك و تعليقك الجميل و طعا عندك حق نفسي الشباب يستفيد بوقته و د ه سبب هذه التدوينة

أم أحمد المصرية يقول...

ماما امولة
يا اهلا يا اهلا
دايما منوراني يا حبيبتي و شكرا علي الدعاء

أم أحمد المصرية يقول...

ا/ عماد خلاف
مرحبا بزيارتك دايما يسعدني دخول اصدقاء جدد
ان شاء الله جاية ازورك قريبا و ان شاء الله بداية تواصل

أم أحمد المصرية يقول...

حيبتي قوس قزح انا كمان اميلي علي البروفيل ابعتي لي صورةالفستان و يارب اعرف اشرح طريقة عمله و لو ما عرفتش مش حتكسف اقول لك :)
انا علي العموم حبعت لك ميل الان

ملكة بحجابى يقول...

السلام عليكم ورحمة الله وبركاته

انا قولت أسأل
أطمن
كيف الحال ؟؟
وفين الجديد بئى
وحشتينىىىىىىىىىىىى

:-*

تقبلى مرورى وخبطتى عالباب

أميرة
(ملكة بحجابى )

منتدى إنترنتاوي يقول...

مجهود رائع بالتوفيق
يشرفني الأشتراك في المنتدى الجديد و المشاركة فيه
منتدى إنترنتاوي عنوانه
http://www.internetawy.com

أم أحمد المصرية يقول...

حبيبتي اميرة
ما تحرمش من سؤالك و ان شاء الله تري جديدي قريبا

أم أحمد المصرية يقول...

الاخ العزيز انترنتاوي
مروك المنتدي اكيد حازورك فورا :)

elsha3er يقول...

السلام عليكم

انا صحيح ماليش فى الحاجات دى بس بجد جزاكى الله خيرا لان شايف دة لو نفذتوه حيكون شئ جمي جدا


تحياتى

احمد الشاعر

القمر الساهر يقول...

أم احمد وحشتيييييني عاملة ايه يا قمر يارب تكوني بخير


اولا الشغل اللى عملتيه جميل موووت

تصدقي كذا مرة نفس ياتعلم الشغل دة وصراحة فشلت في تعلمه على النت خاصة التريكو والكروشيه لان يمش بفهم الغرز من الصور لازم حد يعملها قدامي والمشكلة الكسل اللى هايودينا في داهية دة

بس بجد ربنا يسهل واشوف الموضوع دة لانه لذيذ جدا

ووقت مفيد مش بيضيع

دمتي بود

***Rony*** يقول...

السلام عليكم
ان شيفة ان دى احسن طريقة ان ننا نشغل بيها اوقات فرغنا.
على فكرة انا استفد من الموضوع ده ذى 1- ان ننا من ضيعش وقتنا.
2- اسأل على اللى انا مش عرفاه و لو اللى ادامى مش عارف اعرفوا.
3- اتعاون مع غيرى ذى ان ننا نزور الملاجئ.
حاجة حلوة ان الواحد يشغل اوقات فراغة ذى انو يتعلم الاشغال الفنية.

ملحوظة: انا عارفة صور مين دى

من:***Rony***
11year