الخميس، 15 مايو، 2008

اخر اخباري " بعد التحديث"

اصدقائي الذين قرأو هذه التدوينة أمس الخميس
أقرأ التحديث ...أقرأ التحديث فقد اضفت التفاصيل المطلوبة


بعد السلام عليكم و رحمة الله و بركاته لكل اصدقائي و زوار مدونتي الحلوين
و بعد الشكر الجزيل لكل اللي ساندوني من وقت ما قلت لكم اني سأخد دورة icdl في وقت صعب قرب نهاية العام الدراسي مع اني بشتغل زوجة وماما بعد الظهر زي ما نتم عارفين :)
بس اولا لازم اشكر الله سبحانه و تعالي شكرا كثيرا طيبا مباركا فيه و اسبح بحمده حتي اخر العمر و لا يفي ذلك نعمة و احدة من نعمه علي.
و لازم اذكر بعض الأسماء
و أبدأ بأن اوجه شكري لزوجي الغالي ابو احمد لأن لولاه لم اكن لأذهب لهذه الدورة اصلا فكل حبي و تقديري و امتناني له و لكل زوج يساند زوجته فيما تحب و يدفعها للأمام و مش حتكلم عنه اكتر من كده احسن التدوينة تقلب معايا رومانسي :)
و اشكر أخي الحبيب أحمد أول معلم كمبيوتر لي و الذي لولاه ما احببت هذا المجال
و لازم كمان اشكر أحمد و شروق الحلوين اللي شجعوا ماما و اهتموا برعاية شادن الجميلة اثناء وجودي في الدورة
و تحملوا انشغالي عنهم احيانا و توتري في احيان اخري يارب يخليكم لي أبناء و اصدقاء دائما . و ان شاء الله ياأحمد تنهي هذه الدورة هذا الصيف و اساندك مثلما ساندتني فأنت تعلم بدون ذكر تفاصيل انك الجندي المجهول وراء حصولي علي هذه الشهادة فقبلة شكر كبيرة لك بس ما تقوليش كبرت علي القبلات .
و لازم كمان اشكر اصدقائي المدونين اللي بجد مساندتهم المعنوية لي و هم بدون ترتيب :
بحبك يا مصر - صديقتي فرنسا هانم - اخي الربان - حبيبتي عاشقة النقاب
و التشجيع الجميل لواحد من البلد دي و حرية الفكر و الابداع و عمو و ا/ حسن توفيق الرد العملي الرائع من العزيزة مجداوية و الصديقة أمل
و في الختام كل الشكر و التقدير للاستاذ صلاح حجازي معد و مقدم برنامج أنت تسأل و الكمبيوتر يجيب علي إذاعة البرنامج العام اللي اهتم بتدوينتي لدرجة انه بعد ان راسلني خصص لها حلقة من البرنامج لفتح النقاش علي درجة اوسع يعني خلاني مشهورة و من فرط شهرتي والدي استمع لهذه الحلقة من البرنامج الذي يذاع يوميا 9:10 ص و لم يعرف انني ام احمد المصرية شفتم الشهرة :))) لكن اصدقائي المدونين عرفوني مثل ام الابناء و رئيسة حزب الاحلام و حبيبة قلبي عاشقة النقاب اللي هنأتني في مدونتها
ملحوظة :
الحلقة ستعاد ان شاء الله يوم الثلاثاء 20 /5 لمن يحب الاستماع علي الردايو او من النت علي الموقع http://dear.to/cairo
زهقتم من كتر عبارات الشكر و لا لسه :))
سمعاكم دلوقت بتسألوا ايه لازمة تدوينة الشكر دي كلها امال فين الاخبار اللي في العنوان
نجحت ايوه خلصت الدورة و نجحت الحمد لله و اسمحوا لي في التدوينة القادمة ان شاء الله الخص لكم المقصود بهذه الدورة لمن لا يعرف فائدتها أو كيفية الحصول عليها تشجيعا لأصدقائي علي نيل هذه الشهادة خصوصا طلبه الجامعة الحلوين اللي داخلين علي الاجازة الصيفية لأن اغلبكم عندكم فكرة جيدة عن الكمبيوتر سهل تكملوها و تحصلوا علي هذه الشهادة
إليكم التفاصيل التي طلبها بعض الاصدقاء مع تمنياتي بالتوفيق لهم جميعا و شدي حيلك يا أميمة :)

التحديث


ماذا تعرف عن ICDL

بعد السلام عليكم و رحمة الله و بركاته

وعدتكم التدوينة السابقة ان اكتب لكم عن تفاصيل هذه الدورة و تلقيت العديد من التعليقات تطلب مني ذلك و ها أنا يا أحبائي أفي بوعدي و أرجو أن يكون ذلك في ميزان حسناتي قولوا أمين

بداية الموضوع ليس صعبا و لكنه يحتاج لعدة خطوات

أولها إخلاص النية لله لييسر لكم الأمور و تذكروا ان من عرف لغة قوم أمن مكرهم كما قال سيدي رسول الله عليه أفضل الصلاة و ازكي السلام والكمبيوتر الآن هو اللغة العالمية الأولي لذلك ادعوكم جميعا للتأكد من تعلمه بقدر كافي عن طريق أخذ هذه الشهادة و هي ليست نهاية الطريق و لكنها بدايته

و ادعوا تحديدا أصدقائي الطلبة لاستغلال الإجازة الصيفية القادمة في ذلك للمحافظة علي الوقت من الضياع و لزيادة فرص العمل بعد التخرج ان شاء الله

" نعمل اللي علينا و نسيب الباقي علي ربنا "

بداية كلمةICDL

هي اختصار لجملة

International Computer Driving Licence أي الرخصة الدولية لقيادة الكمبيوتر

و هي شهادة دولية تمنحها في جمهورية مصر العربية هيئة اليونسكو بمكتبها في القاهرة و هي الهيئة الدولية المرخص لها بالإشراف الكامل على تلك الشهادة. و يوجد العديد من الأماكن تحمل ترخيص أجراء الامتحان بها مثل أكاديمية العلوم و التكنولوجيا في الإسكندرية أو الجامعة الأمريكية في القاهرة و بعض مراكز الكمبيوتر الكبرى و نلاحظ أن هناك مراكز تقوم بتدريس منهج الدورة و لكن ليس لديها ترخيص أجراء الاختبارات التي تتم اون لاين و يجب أن يكون مع المتقدم ما يعرف بأسم skill card و به ما يشبه user name and password

يتم إدخالهم بواسطة الممتحن لتفتح لك صفحة الاختبار فلا تندفع للدراسة في مركز لا يمنح الشهادة لأن أسعارهم رخيصة جدا دون ان يكون لديك تصور لكيفية دخولك الامتحان و ممكن بعض هذه المراكز تدرس لك و تعطيك اقتراحات بأماكن الاختبار

ملحوظة هامة :

يوجد منحة مجانية من وزارة الاتصالات شاملة الدورة و الامتحان و كل شيء بتأمين قدره 120 جنيه فقط بس اللي يطولها و لكن لا مانع من المحاولة و لا ايه

طريقة التقديم :

الدخول علي موقع الوزارة و كتابة البيانات المطلوبة و الموقع هو

http://www.icdlegypt.gov.eg

تضغط زر التسجيل لكتابة بياناتك و بعد ذلك يمكن معرفة هل تم ترشيحك أم لا من الضغط علي زر معرفة مركز الدراسة ثم إدخال رقمك القومي و إذا تم ترشيحك تخرج لك صفحة لاختيار أماكن التدريب المتاحة في محافظتك السابق كتابتها في البيانات و يوجد بعض المراكز مشتركة مع الوزارة في هذه المنحة لو توصلت لأحدها في محافظتك قد كون لهم طرقهم في الإسراع بترشيحك لنهم مستفيدين بس بيقبضوا من الوزارة مش منك

و قد تكون هناك أماكن أخري تعطي منح دراستها مثل بعض أماكن العمل أو الجامعات و سمعت أيضا ان الغرف التجارية تقوم بعمل منحة كل واحد يبحث في مدينته بس أوصيكم تتأكد أنهم سيمنحونك skill card

هكذا أكون غطيت النقطة الأولي و هي المكان و طرحت الأماكن الغالية و الرخيصة و كل واحد و ظروفه .

ننتقل بقي للمنهج:

عبارة عن 7 أجزاء تجتازهم بسبع امتحانات و هذه المناهج هي :

Basic Concepts of IT الوحدة الأولى- المفاهيم الأساسية لتكنولوجيا المعلومات

تتطلب من الدارس معرفة المكونات الرئيسية للحاسوب وفهم أساسيات تقنية المعلومات مثل تخزين البيانات والذاكرة والبرامج التطبيقية في المجتمع واستخدام شبكات الحاسوب والمعلومات والمعرفة بالمصطلحات الحاسوبية وأمن المعلومات.

الوحدة الثانية - استخدام الحاسوب ومعالجة الملفات
: Computer and Managing Files

" windows"

وتتطلب من الدارس إظهار المعرفة والعلم والعمل في استخدام المهام الأساسية
للحاسوب ونظم التشغيل في إدارة الملفات وتنظيم الأدلة والحفظ والنقل والنسخ الاحتياطي.

الوحدة الثالثة - معالج النصوص
: Word Processing

وتتطلب من الدارس الإلمام والقدرة على استخدام تطبيقات معالج النصوص على الحاسوب من تنسيق وتحرير وطباعة حتى دمج المراسلات
.

الوحدة الرابعة - جداول البيانات
: Spread Sheets " excel"

وتتطلب من الدارس فهم أساسيات اللوحات الجدولية الإلكترونية وتوضيح القدرة
على استخدام الجداول على الحاسوب والمعادلات البسيطة والمخططات البيانية .

الوحدة الخامسة - قواعد البيانات
: Data Base " Access"

وتتطلب من الدارس فهم أساسيات قواعد البيانات وإظهار القدرة على استخدام
قواعد البيانات على الحاسوب بما فيها النماذج والاستعلام والتقارير .

الوحدة السادسة - العروض التقديمية
" power point" Presentation :

وتتطلب من الدارس إظهار المقدرة اللازمة لإعداد العروض التقديمية المدعمة بالأشكال والصور والرسوم والصوت والأفلام على الحاسوب.

الوحدة السابعة - المعلومات وتكنولوجيا الاتصالات
: Information and Communication

"internet "

أ- الجزء الأول : يتطلب من الدارس إكمال أساسيات البحث في شبكة الإنترنت باستخدام متصفح للإنترنت
.
ب- الجزء الثاني: يتطلب من الدارس أن يظهر القدرة على استخدام البريد
الإلكتروني في استقبال وإرسال الرسائل وربط المستندات مع رسائل البريد الإلكتروني.

------------------------------------------------------------

المفروض طبعا المركز الذي تدرس فيه يعطيك المنهج مطبوع أو علي اسطوانة

و كما رأيت يا صديقي فالجزء الاول نظري عيبه الوحيد انه يحتاج بعض الالمام باللغة الانجليزية عشان الاسئلة لكنها مصطلحات يمكن حفظها ببعض المجهود مش موضوع مفتوح و يساعد علي ذلك نماذج اسئلة الامتحانات السابقة و الجزء التاني windows و طالما انت بتتعامل مع الكمبيوتر ستجد نفسك ملم بأغلب الاشياء و من التالت للسادس برامج ميكروسوفت التي اكيد تعاملت مع بعضها و التي بينها تشابه في أشباء كتيرة يعني لو عرفت الورد مثلا تجد سهل عليك تتعلم باقي الاشياء و الجزء الاخير طبعا اكيد ملعبك طالما صاحب مدونة و بتقرا لي الان وهو الانترنت يمكن الجزء فيه الذي قد يكون غير معتاد لبعضنا هو برنامج الاوت لوك الخاص بارسال و استقبال الميلات و هو سهل جدا

هل رايتم كم هو ممكن الأمر ببعض من بذل المجهود و المذاكرة " شكة دبوس "

و حاول قبل دخول الامتحان الحصول علي صور من امتحانات سابقة و هذه نقطة مهمة جدا جدا جدا لأن الأسئلة تتشابه و حتي لا تفاجيء بطريقة الاسئلة و أحيانا المراكز توفر ذلك بشكل غير رسمي طبعا انا شخصيا وجدتها علي الانترنت في احد المنتديات بعد عمل بحث علي جوجل بس للأسف و الله لا اذكر اسمه لو احتاجه أحد ضروري ولم يستطع الوصول يرسل لي اعمل بحث ثاني عشان خاطره بس أنا متوقعة توفيرها من قبل المركز

طريقة الاختبار :

7 اختبارات كل واحد عبارة عن 36 سؤال في 45 دقيقة و مواعيد الامتحانات ان بتحددهم براحتك مع المكان الذي تمتحن فيه علي مدي شهر مثلا أو بحد أقصي 3 امتحانات يوميا لو أنت جاهز أنا شخصيا خلصتهم علي أسبوع عشان أنتهي قبل امتحانات الأولاد . و الوقت كافي جدا لو أنت مذاكر

اعتقد كده أني غطيت الموضوع و لو أي من أصدقائي لديه أي سؤال استطيع إجابته فأنا في الخدمة " فزكاة العلم ان تعلمه " تمنياتي لكل أصدقائي بالنجاح دائما يارب





هناك 54 تعليقًا:

omaima يقول...

ألف مليون مبروك
وربنا ينفع بك وبعلمك

وفكرة ممتازة انك تعطى فكرة عن الدورة
لأننى على وشك البدء فيها

ونحتاج دعمكم لنا

فرنسا هانم يقول...

الف الف الف مليون مبروك على الشهاده وعلى اذاعه تدوينه من مدونتك الراقيه فى البرنامج العام
وانا منتظره منكى التعريف بالدوره حتى استفاد منكى
فانا احببت جدا مجال الكمبيوتر
الف تحيه لكى
وعلى فكره
مجبتليش لينك مدونه ابنك احمد

واحدة مفروسة يقول...

الله اول مره ادخل المدونه الاقى ناس بتهنى و تقول مبروك
مبروك يا ام احمد الف دشليون مبروك
ويا ريت فعلا تفيدينا بالتفاصيل اذا امكن............وسلميلى على الاسكندريه اصلى بحبها قوى...سلام و مبروك مره تانيه






ايه ده استنى هوه مافيش حاجه حلوه علشان نجحتى و لا ايه؟....يالله معلش المره الجايه هههههه

أم أحمد المصرية يقول...

صديقتي اميمة دايما منورة و الله يبارك فيك و عقبال لك و ان شاء الله سأسرع في اعداد التدوينة القادمة عشان خاطرك انا بس محتاجة اكتبها بتأني لتخرج مفيدة و ان شاء الله تكون في ميزان حسناتي

أم أحمد المصرية يقول...

حبيبتي فرنسا هانم الله يبارك فيك و يرزقك الخير دايما و ان شاء الله ساحاول ان اعرفكم تعريف وافي بمكونات الدورة اما لينك مدونة احمد فاهو
http://ahmd2110.blogspot.com
و لو انه لم يكتب فيها من فترة لظروف المذاكرة و ان شاء الله يبدأ صيف قوي و ندخل منافسة انا و هو

أم أحمد المصرية يقول...

صديقتي الجديدة واحدة مفروسة
الله يبارك فيك و هو في احلي من ان الناس تتعرف في الافراح :)
بالنسبةللجاتوه اعذريني الولاد خلصوه ما كنتش اعرف انك جاية كنت خبيت لك قطعة حبقي اعمل حسابي المرة الجاية بس ان ابقي تعالي

رئـــــيسـة حزب الأحلام يقول...

يارب دائما بالتوفيق ومن نجاح لنجاح انشاء الله وربنا معاكى
وتحياتى لكى

رئـــــيسـة حزب الأحلام يقول...

يارب دائما بالتوفيق ومن نجاح لنجاح انشاء الله وربنا معاكى
وتحياتى لكى

امل يقول...

السلام عليكم
الف الف الف مبروووووك
على النجاح
وشرف كبيييييير جدا لي انك تذكريني في مدونتك (مش انا برضه والا ايه)
ههههههههه
ربنا يفرح قلبك على طول

سكــر يقول...

الف مليون مبروك

عقبال يارب شهادات الاولاد

وسلامى لابو احمد

الراجل الطيب

تحياتى
اخيكى احمد سكر

monaliza يقول...

بالتوفيق دايما يارب
والف مبروك على كل الاخبار الجميلة ويارب كده على طول
وهستنى تكلمينا عن الدورة بالتفصيل

دكتور بهــدوء يقول...

مبروووووك
و
فعلا محتاج اعرف اكتر عن الدوره دي
لعل وعسي اخدها

أم أحمد المصرية يقول...

صديقتي رئيسة حزب الاحلام الله يبارك فيك ربنا دايما يحقق لك الخير انت ايضا

أم أحمد المصرية يقول...

صديقتي أمل الله يبارك فيك و ايوه طبعا ده انت مش لسه كنت بتسالي علي عملت ايه في الامتحانات لا حرمك الله و لا حرمني من الاصدقاء المهتمون بنا

أم أحمد المصرية يقول...

صديقي سكر الله يبارك فيك و عقبال اولادك :) علي فكرة بلغت ابو احمد سلامك و هو بيسلم عليك

أم أحمد المصرية يقول...

حبيبتي موناليزا الله يبارك فيك و عقبالك انا سأضع تفاصيل الدورة اليوم ان شاء الله في تحديث ارجو ان تفيدك

أم أحمد المصرية يقول...

أخي العزيز دكتور بهدوء الله يبارك فيك بس انت بقي لا زم تاخدها يا دكتور ان شاء الله اولا عشان بتحب المذاكرة " مش انت اللي قلت في التاج الاخير "
تانيا لنك ستحتاجها جدا في عملك ان شاء الله سواء داخل مصر او خارجه انت عارف ابو احمد طبيب مثلك ان شاء الله لما درسها اكتشف فوائد لها في عمله ما كانش واخد باله منها مع انه اساسا تحاليل طبيةو كل شغله من الاول كمبيوتر
غقبال ما اشوفك معاك الدكتوراه زيه :)انت و أحمد ابني يارب

nonoymm يقول...

السلام عليكم
حبيتي الله يعزك يارب ويديم المعروف ما بينا يارب امين
وهسمع الاعادة طبعا ان شاء الله
منتظرة منك تفاصيل اكتر عن الدورة دي بفكر اخدها حتى للثقافة ويا ترى ممكن اخدها في البيت يعني اعرفها ومش ضروري شهادة ؟؟؟ نوريني
اعزك الله حبيبتي والف مليون مبرووووووك واحمد له مدونة بجد؟؟
تحياتي

nonoymm يقول...

ملحوظة انا نونو واي ام ام
مش يم او عاشقة النقاب
سلماتي يا حبيبتي ربنا يبارك في زوجك واولادك وينجح كل من كان يارب

أم أحمد المصرية يقول...

صديقتي عاشقة النقاب دايما منوراني يارب و الله يبارك فيك و بالنسبة لتفاصيل الدورة انا اضفتها للموضوع ارجو ان تقرأيها ولوعندك اسئلة انا تحت امرك و ممكن لو عايزة تعليم بس بدون شهادةفيه مراكز كتير جدابتعطيها اذهبي لقرب مركز لمنزلك و علي فكرة بيتم تقسيمها في هذه الحالة الي 7 كورسات لكن سعر الواحد بيبقي مش غالي خالص لدرجةانه وصل في مركز جنبنا الي 9 جنيهالكورس خلال الاجازة بدون شهادة
امل بالنسبة لسؤالك الاخر :) ايوه طبعا حبيبي البكري عنده مدونة دا احنا دخلنا عالم التدوين في نفس اليوم تقريبا اصل انا ام تحب تشارك ولادها و يبقي كله امام عنيها :)
ايقي اتفضلي زوريها ولو انه لم يكتب فيها من فترة لظروف الامتحانات ادعي له
http://ahmd2110.blogspot.com

semsem يقول...

والله انت بنت حلال
انا رايحه الدورة دى فى تيع الشغل وكنت ولا اعرف عنها حاجه
كده انا تمام
وربنا يوفقك يارب

أم أحمد المصرية يقول...

صديقتي سمسم اولا نورتيني
تانيا ربنا يوفقك يارب في الدورة و انا سعيدة اني كلامي افادك و في انتظار دوام التواصل و تبلغيني لما تنجحي ان شاء الله :))

omaima يقول...

حقيقة عرض ممتاز ووضع النقاط على الحروف كما يقولون

وانا فعلا سجلت عن طريق الموقعicdl gov

وتم ترشيحى فى مركز هنا عندنا فى الزقازيق

ودعواتك لنا الامتحان التمهيدى يوم

30/5

المهم ما شاء الله عليكى وصف شارح

ومفصل وموضح للدورة جزاكم الله خيرا

الربان يقول...

تحياتي

الف مبروك....نجاحك اثلج الصدور...ربنا يوفقك دايما...

و أشكرك كل الشكر علي معلوماتك القيمة التي شحتيها بخصوص الدورة و تحفيزك للاخرين علي التقدم للحصول عليها...

تحياتي و تقديري

أم أحمد المصرية يقول...

صديقتي اميمة ربنا يوفقك ان شاء الله
و الامتحان التمهيدي بيكون 50 سؤال في زمن ساعة و به اسئلة من كافة اجزاء الدورة لكن في الاشياء المبدأية ان شاء الله تعدي

أم أحمد المصرية يقول...

اخي العزيز الربان
الله يبارك فيك و شكرا علي تواصلك و دعمك المعنوي لي ربنا يحقق لك الخير دائما

واحد من البلد دى يقول...

الحمد لله الذى أنعم عليكى بالنجاح
وأشكر حضرتك جدا لذكر إسمى فى موضوعك
وأتمنى لكى دائما التوفيق فى حياتك العملية إن شاء الله سواء مع زوجك أو أولادك بارك الله لكى فيهم جميعا
ونهنئ أنفسنا أن لنا أختا ناجحة مثلك
أدام الله عليكى النجاح دائما
دمتى بكل خير

appy يقول...

مبرووووووووك على كل حاجه حلوة قولتيها بجد
واستاذ صلاح من الناس اللى بتقف جنبنا احنا كمدونين
ويا رب تنفعى نفسك واولادك واحنا كمان بالشهاده دى

فليعد للدين مجده يقول...

الاخت ام أحمد
جزاك الله خيرا علي المعلومات القيمة
واحييك علي فضيلة حب التعلم رغم ظروفك

وأذكر حكمة لعالم أمريكي اسمه فورد
(التعلم كالتجديف عكس التيار، من يتوقف يتراجع)

(وقل رب زدني علما)

طارق الغنام يقول...

السلام عليكم
ام احمد
دخلت مدونتك قبل ان اسمع للراديو يعنى قبل مااعرف انك مشهورة
ربنا يبارك فيكى
معلومات قيمة للغاية
لهم كل الحق للاهتمتم بمدونتك
تقبلى تحياتى
وادعوكى لمدونتى المتواضعة والتواصل معى
متعك الله بالحب واتلصحة والعافية

غير معرف يقول...

حبيبتى واختى وامى بجد حبة مبروووووووك كتيير وانا اول مرة اعد وادقق فى المدونة بتاعتك وبجد باشا يا باشا وعاوزة اقول حاجة يمكن موش عرفت ابدا اقلهالك فى وشك انتى بجد الحد الوحيد فى الدنيا الى بيحسسنى دايما ان بكرة حيبقا حلو لو انا عاوزة كدة وبيحسسنى انى احسن واحدة فى الدنيا يمكن انتى شايفانى كدة عشان انا بنوتك لكن ومالة انا فرحانة ان عندى حد زيك بوسة كبيرةليكى اكيد هتعرفينى موش كدة ؟

أم أحمد المصرية يقول...

صديقي واحد من البلد الله يبارك فيك و يخليك و لا شكر علي واجب انت تعليقك علي تدوينة احبك يالله من اكتر التعليقات اللي ساندتني و رفعت معنوياتي فجزاك الله خيرا و حقق لك اكثر مما تتمني

أم أحمد المصرية يقول...

حبيبتي أبي يارب يخليكي و يملأ دنياك دايما بالحاجات الحلوة

أم أحمد المصرية يقول...

جزاك الله خيرا علي مرورك الكريم و علي المقولة المعبرة التي اخترتها ان شاء الله ستأخذ حسنات كثيرة في كل مرة اقولها لأحدي تلميذاتي و ثق اني سأقولها كثيرا :)

أم أحمد المصرية يقول...

اخي الفاضل فليعد للدين مجده عذراالرسالة السابقة موجه لحضرتك بس سقط منها السطر الاول

أم أحمد المصرية يقول...

صديقي الجديد طارق نورت المدونة و جزاك الله خيرا علي كلامك الجميل اما حكاية ان مدونتك متواضعة فده بقي اللي تواضع لأني لسه جاية من هناك الله ينور يا بورسعيدي :)

أم أحمد المصرية يقول...

حبيبة قلبي و بنتي البكرية و اول العين ما شافت
طبعا ياقمر اعرفك حتي لو عملت ايه هو فيه ام تتوه عن ولادها و انت عارفة انك بنوتي القمر حتي لو لك ماما غيري الامومة والبنوه هو احساسنا ببعض مش الحمل و الولادة عشان كده حتي احمد متنازل لك عن موقع البكري من زمان و عارف انك اخته الكبيرة " مش قوي يعني ":)
ربنا ما يحرمنيش منك و لا من كلامك الجميل و يحلي دنياك يا حبيبتي أكتر و اكتر و ينجحك و يفرحني بيك . كفاية كلام بقي و اقوم اكمل معاك علي التليفون احسن باقي اصحابي المدونين يزهقوا من كتر حبي فيك :)

Sharm يقول...

كورس مهم جدا .. ربنا يوفقك

الطائر الحزين يقول...

الف مبروك

خمسة فضفضة يقول...

السلام عليكم ورحمة اله وبركاته

الف الف مبروك
ومن نجاح لنجاح ان شاء الله

بثينــــــة يقول...

سعيدة بالتعرف عليك وعلي مدونتك الجميلة
ألف مبروك علي كل حاجة
البرنامج .. والكورس وكل حاجة
متهيألي بعد الكورس دة حسيتي بحجم النقلة الحضارية علشان كدة حسيتي حلقة البرنامج عن تاريخ الكمبيوتر وبداياته بالمنفلة وافتكرتي ازاي كنا تعبانين زمان
المهم
مبروك تاني وأتمني لك التوفيق دايما

Sherif يقول...

الف مبروك قليلة عليكى .. مع كل مسئولياتك العائلية وغيرها

لو كنت فى امريكا كانوا احتفلوا بتخرجك .. واعطوا شهادة تقدبر لكل فرد فى العائلة لأنهم تحملوا معك ولو كوباية شاى .. أو على أقل تقدير حرمانهم منك وبعدك عنهم أوقات المذاكرة والامتحانات

أرجع واقول .. الخير يعم فى النهاية .. ومايعود عليك هو دعم لاسرتك كلها ..

تحياتى وشكرا لزيارتك

خواطر رئيس شاب يقول...

تمنياتى بالتوفيق الدائم

والف مبروك

أم أحمد المصرية يقول...

صديقي الجديد sharm
شكرا علي دعاءك و مرورك الكريم
و ان شاء الله بداية تواصل مستمر
----------------------------------
صديقي الطائر الحزين
شكرا علي تهنئتك و لا تحرمنا زيارتك دائما

أم أحمد المصرية يقول...

صديقتي خمسة فضفضة
الليه يبارك فيك و يحقق لك ما تتمني
------------------------------------
صديقتي الجديدة الدائمة ان شاء الله
انا اللي سعيدة بالتعرف عليك و علي مدونتك الجميلة طيارة ورق اما عن النقلة الحضارية فحدث و لا حرج من ايام كمبيوتر صخر اللي بنضع له كارتدج فكراه :)
انا بعد ما خلصت الدورة و مسكت اعلان.
باقي قائمة الدورات حسيت ان لسه بدري قوي

أم أحمد المصرية يقول...

صديقتي خمسة فضفضة
الله يبارك فيك و يحقق لك ما تتمني
------------------------------------
صديقتي الجديدة الدائمة ان شاء الله
انا اللي سعيدة بالتعرف عليك و علي مدونتك الجميلة طيارة ورق اما عن النقلة الحضارية فحدث و لا حرج من ايام كمبيوتر صخر اللي بنضع له كارتدج فكراه :)
انا بعد ما خلصت الدورة و مسكت اعلان.
باقي قائمة الدورات حسيت ان لسه بدري قوي

أم أحمد المصرية يقول...

اخي الفاضل استاذ شريف اولا نورت مدونتي و الشاي ع النار:)
ثانيا شكرا جزيلا علي التهنئة و التشجيع و انا اعتبرت هذه التدوينة هي شهادة التقدير اللي بقدمها لكل اللي ساندني و الحمد لله

أم أحمد المصرية يقول...

صديقي الجديد الرئيس الشاب اولا كيف احوال الرعية خصوصا البنوتة الصغيرة
ثانيا الف شكر علي تهنئتك و سعيدة بالتعرف علي مدون اسكندراني

بحبك يامصر يقول...

اعذرينى يا ام احمد او يا ماما
على التأخير
الف مليون مبروك على النجاح ويارب دايما كده من نجاح لنجاح ومتشكر جدا لذكرك اسمى
كمان معلومات الدوره جميله ومفيده
شكرا

Sally يقول...

ألف مبروك يا حبيبتى
بس مقولتيلناش أبو احمد احمد عمل ايه ؟؟؟
اوعى تكونى موستى وسيبتيه ؟؟؟؟؟؟؟؟؟
ههههههههههههه

انا خدت الدورة دى من 3 سنين
version 3

والحمد لله نجحت فيها بدرجات مشرفة
على الرغم من اننا كنا اول دفعة تاخد المنحة دى فى دمياط وكانت لسه صعبة وامتحان الآى تى كان 60 سؤال فى 45 دقيقة ومكنش عندنا حكاية الورق دى بتاع الامتحانات السابقة

بس الحمد لله كله بيعدى

على فكرة انا مررتلك تاج
تعالى خديه من مدونتى
ومبروك مرة تانية عالنجاح
وعالتاج

دمتى بخير اختى
سالى

أم أحمد المصرية يقول...

اخي و ابني العزيز بحبك يا مصر اهم ميزة في الام انها تقدر ظروف ولادهاعشان كده لا داعي للاعتذار :))
الله يبارك فيك و عقبالك لو ما كنتش اخدتها اما عن ذكر اسمك فده اقل واجب علي رسائلك المشجعة ربنا دايما يحقق لك كل الخير

أم أحمد المصرية يقول...

حبيبتي سالي الف الف شكر علي التهنئة و التاج ما تحرمش منك و زي ما توقعت الشاطر شاطر في كله يعني موهوبة ادبيا و شهادات كمبيوتر و فرنساوي ايه يا بنتي الله اكبر لتتحسدي :))
اما عن ابو احمد اخيرا حد سألني :))
انا خلصت بسرعة عشان الولاد لكن هو امتحن 4 امتحانات و باقي له 3 "جاب اكتر مني في واحد بس اصلي اقدم منه في الكمبيوتر و كان فرحان جدا و عايز يضع الخبر علي المدونة قلت له استني بس لما تخلص :)) لكن و الله ياسالي باساعده في اللي لسه لم ينتهي منه عشان انا جدعة ربنا يوفقه ان شاء الله و شكرا علي سؤالك

احمد من الفيوم يقول...

انا بشكرك على المعلومات دى .انا كنت عايز اعرف طريقة اسئلة الامتحان التمهيدى لدورة icdl

اخا الفلاخ الفصيح يقول...

مبروك يا أم أحمد استمرى قائدة كلمة وموقف بالكلمة والموقف.
وياريت نحطى للناس المنهج أو رابط له وأسماء المراكز وعناوينها .
ليبيا والعة وقبلها اليمن وسوريا على الطريق يا ترى ربيع الخرية ولا نظرية الفوضى الخلاقة. الأثنين مش عكي بعص فبضرب الظالمين يعضهم ببعض قد نخرج سالميين لو سعينا.
خو المحلس العسكرى ساكت بتفرح ليه على ليبيا وعلى قنا وقرار اختيار المحافطيين على الطريقة المعفنة اياها والاسلاميين امطلقوا والمؤسسة الوهمية اللى اسمهات يحيى الجمل .