الأربعاء، 13 مايو 2009

أقرأ تاجي تعرفني اكثر

حبيبتي سالي صاحبة مدونة حاجات جويا ارسلت لي هدية لا استطيع رفضها
شكرا لها لأنها تذكرتني و شكرا لكم لو اكملتم للنهاية
اليكم أسئلة المحضر
قصدي التاج :)
من أنت ؟
انا ام احمد إنسانة تتمني دخول الجنة

وما الذى تفعله هنا ؟
أحاول ان اكون ايجابية و لي دور يمكن مرة واحدة شخص واحد يستفيد من كلمة و احدة كتبتها يارب





إسرائيل تقصف كل جنوب ممكن بحثا عنك ، أى شمال ستقصد؟
اكيد الشمال اللي فيه فدائين يردوا علي قصف اسرائيل بس هي اكيد مش بتبحث عني فقط هي بتبحث عن كل مسلم






أنت مكلف بحذف حرف من حروف اللغة العربية .. أيها ستختار ولماذا؟

أكيد لا يمكن احذف أي حرف من لغة القرآن
أمنية أعداء كثيرين يفسدوا اللغة العربية ليفسدوا الاسلام ا لن أكون ممن يساعدهم ابدا
سأعود الان لبداية التاج لأعيد صياغته بالفصحى
لكن لو المقصود من السؤال اختيار كلمة اكرهها تبدأ بحرف معين فيوجد عديد من الحروف لكن بما ان الشيء بالشيء يذكر ففي بالي الآن كلمة تطبيع

لو قدر لك أن تدخل السجن فما هي القضية التي تتمنى ان تدخل بها إليه؟
ادخل متهمة بقتل رئيس وزراء إسرائيل

بالمناسبة.. منذ متى اكتشفت نفسك؟
لا ادري ممكن اول مرة نظرت لمرآة و يمكن لم اكتشفها بعد


على مفترق طريق لافتتان، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟


هذا يتوقف من كتب اللافتتان لو اثق في كلامه و افهم قصده هل يقصد إلى مالم يحلم به البشر الجنة و لاحاجة تانية



نحن لا نعيش حياتنا بل نتعلم فيها كيف نعيش ما تعليقك؟
لا أنا أحاول أن أعيش كل لحظة من حياتي و أنجز فيها في المنزل او العمل أو التعليم

بجملة واحدة فقط أكتب تعريفاً لكل كلمة من الكلمات التالية

الوطن
لا استطيع الحياة بعيدا عنها
اسكندرية ثم مصر

الأم
خائفة جدا من يوم لا اجدها فيه بجانبي كيف سأكمل حياتي وقتها

الليل
المذاكرة و السرحان و سماع الأغاني و النسمة الحلوة في البلكونة و الجيران نيام
باختصار ذكريات زمان

الحب
أوسع تعريف في الدنيا
الله –وطني –أهلي - ابو أحمد و اولادي حبايب قلبي

أمريكا
حسبي الله و نعم الوكيل
مثال الانانية لا يضيرها لو احترق العالم في سبيل مصلحتها

المرأة
الام – الصدر الحنون
تهز مهد طفلها بيد و تهز العالم باليد الاخري

الصمت
افتقده في احيان كثيرة فالحياة لم تعد بها لحظات هادئة

الانترنت
عالم مميز من الخيال


أختر منصباً واتخذ قرارا ؟
وزير التربية و التعليم لأن الطريق لمصر أفضل يبدأ من التعليم " ليس لأني مدرسة و الله "
أما القرار فعمل استفتاء حقيقي بين الطلبة و أسرهم عن ماذا ينقصك لتشعر انك تتعلم فعلا ؟؟
و ادرس النتائج جيدا لأن هذا الاستفتاء سيكون بداية خلق دافعية لدي الطلبة لتعليم حقيقي


قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
ليس تغييبا انه تكريم فمشاعر المرأة دائما جوهرة مكنونة لا تعلن علي رؤوس الأشهاد بل تعلن فقط لمن يستحق
لولا المرأة و ما تقوله سرا ما فقد هؤلاء صوابهم و صرحوا بحبهم علنا

أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
لا أتفق و التعليل
انني افضل ان يطلبني الناس في الخير و الا فلا

إلى أين تمضي كلمات الحب .. بعد أن نقولها؟
تمضي إلي قلب من نحب مباشرة







هل تجد علاقة بشكل أو بآخر بين المرأة وقطاع الطرق ؟
المرأة تسرق قلب الرجل قبل الزواج و تكون تشكيل عصابي مع الاولا د لسرقة جيبه بعد الزواج
ملحوظة هامة و ابو احمد شاهد :"بعلمه و بمزاجه و ليس من ورائه "

هذا فراق بيني وبينك .. متى ولمن تقولها
لشخص خانني او اهانني متعمدا

.
كيف هو غداً ؟
الله أعلم
ممكن اكون مش موجودة يا عالم بالحال


لمن امرر هذا التاج
صديقاتي العزيزات
مجداوية
عاشقة النقاب
انفاس الصباح
الزمن الجميل
صعبان علي حالنا
الاخوة الافاضل :
فليعد للدين مجده
الربان
بورسعيدي
جني
ابا يحي و ادم

هناك 32 تعليقًا:

غير معرف يقول...

الانترنت
عالم مميز من الخيال

لا اظنه كذلك

بل هو اشبه بالسوق

ففيه من يربح البيع و فيه من يخسره

بارك الله فيكي اختي

بـِصَمتـِـ أميرة ــــى يقول...
أزال المؤلف هذا التعليق.
بـِصَمتـِـ أميرة ــــى يقول...

ام احمد الجميلة
وحشتييييييييييييييينى
ازى احمد
وازى ابو احمد
مافيش حاجة جاية عالطريق كدة؟؟
يارب يكونو بخير اجمعين
حلو التاج ...شربتهولى سالى .. ربنا .. ربنا .. (مش قاجرة أقول غير ربنا يبباركلها )

اجاباتك جواها دماغ بحييها وببوس بحر اسكندرية بعنيكى .. سلميلى على امواجه .. موجه موجة

تقبلى مرورى وتحياتى
ملكة بحجابى

salma mohamed يقول...

كويس اني جيت,
اجابات حضرتك عجبتني فعلا,
واكتر حاجه عجبتني اوي هي العلاقة بين المراة وقطاع الطرق.

tarek alghnam يقول...

الرائعه ام احمد
اولا اتمنى ان اراكى فعلا وزيره التربيه والتعليم فى مصر
ويارب يحقق كل امالك واحلامك
ربنا يبارك فيكى تعرفى فيه حاجات كتير متشابهه بينى وبينك ويارب يجمعنا فى الجنه مع المصطفى صلى الله عليه وسلم
واشكرك على التاج
ومتى بحفظ الله

أمل حمدي يقول...

صديقتي الغالية أم أحمد المصرية

ما أجملك بروحك الجميلة وقلبك الكبير

وذكرياتك الحلوة

بارك الله لك اللهم أمين

اشكرك لمنحي صداقتك الغالية

وربنا معاية في اجابة التاج

دمت بحفظ الله

فليعد للدين مجده يقول...

الاخت الكريمة الاستاذة ام احمد
تحية طيبة
اتفق معك تماما في ان التربية والتعليم هما الطريق الاوسع للنهضة والتقدم

سعدت باجاباتك التي تنم عن ايمان وعلم وحكمة
زادك الله علما ووفق خطاك

شاب كــ طخين ـــــا يقول...

السلام عليكم
والله اجاباتك من اجمل ما قرآت فى اجابات التيجان
ربنا يكرمك
دمت بكل خير

حاجات جوايا يقول...

انا جيت متأخر

ممكن ادخل ؟؟؟

......... آه طبعا اتفضلى البيت بيتك تآنسى وتنورى

مش كده برضه ولا ايه ؟؟؟؟؟؟؟
هههههههههههههههههههه


شكرا يا جميلة انك جاوبتى التاج .. ويارب متكونيش دعيتى عليا زى ميروو ( ملكة بحجابى ) عااااااا


اجاباتك كلها طبعا جميلة جداااا


لو قدر لك أن تدخل السجن فما هي القضية التي تتمنى ان تدخل بها إليه؟
ادخل متهمة بقتل رئيس وزراء إسرائيل

هو فعلا يستاهل القتل والحرق
بس انتى يا قمر متستاهليش السجن ابدا ابدا ابدا


............
وحلو اوى برضه

أختر منصباً واتخذ قرارا ؟
وزير التربية و التعليم لأن الطريق لمصر أفضل يبدأ من التعليم " ليس لأني مدرسة و الله "
أما القرار فعمل استفتاء حقيقي بين الطلبة و أسرهم بب ماذا ينقصك لتشعر انك تتعلم فعلا ؟؟
و ادرس النتائج جيدا لأن هذا الاستفتاء سيكون بداية خلق دافعية لدي الطلبة لتعليم حقيقي
...
فعلا التعليم اهم مجالات الحياة واكثرها ضرورة للقدرة على التعايش
وياريت بجد كل مجال فى الحياة يحصل بين المستخدمين له استفتاء لتحديد نقاط قوته وضعفه وتطويره الى الافضل


بجد كله جميل
مش عارفة اقول ايه واسيب ايه

عقلية علمية معملية فذة فعلا ما شاء الله

ربنا يزيدك يا قمر

وكل تاج وانتى بكل الخير والرضا

دعاء يقول...

الله الله الله
إجابات حقيقي تنم عن دين وعقل وثقافة و رؤية واضحة
والله دى مش مجاملة منى بس ده الاحساس اللي وصلني عنك
ربنا يوفقك ويهديلك نفسك دايما
دعاء

karim يقول...

مااجمل كلماتك التى تصف احاسيسك, تحياتى

rovy يقول...

العزيزه الغاليه .. ام احمد
عجبنى العنوان جدا و جميل حقا ان نتعرف عليكى غاليتى اكثر و اكثر
اجاباتك كلها متميزه حقا ..
اخذتينا بين ذكرياتك الجميله و مشاعرك النبيله و مع قلبك الكبير فيا لها من رحلة ممتعة بين سطور تاجك
ادعوا الرحمن ان لا يحرمك من امك الغاليه ابدا و ان يبارك لكى فى اولادك و زوجك و كل حياتك

مبروك التاج عليكى و علينا المتوجه به

دمتلا بكل الود

ارق تحياتى

Abo 7anf يقول...

السلام عليكم
جميله الاجابات
خصوصا اى حرف تحب تحذف

ادخل متهمة بقتل رئيس وزراء إسرائيل

مره واحده

غير معرف يقول...

وانا اقول ايه اللى شدنى ليها
اتارى اسكندرانية زى بعض
اول مرورلى وكان جميل ان يكون فى اسئلة
التاج لانه عرفنى عليكى اكثر
بنت بلدى
اجابات جميلة تدل على ثقة بالنفس
ومن كل قلبى اتمنا لكى ان تكونى وزيرة التربية والتعليم لعل الحال ينصلح
تقبلى مرورى وتشرفت بمعرفتك
وادعوكى لزيارة مدونتى
ودمتى بكل خير

همس الاحباب يقول...

مبروك على التاج
ومبروك علينااننا تعرفنا على شخصك الكريم
اجابات صادقة ورائعة جدا
تحياتى

مجداوية يقول...

السلام عليكم

يعني أنا مقدرش أرفض لك طلب رغم أن لسه متحقق معايا في تاج تاني وطالعة من دور برد محترم لكن إن شاء الله حجاوب يا فندم بس أوكل محامي

الأسئلة صعبة
لكن جاوبتي عليها بسلاسة غريبة هو أنتي اللي حاطة الأسئلة

:)
:)

تاج دسم وتحدي

والله المستعان

ذكرى رحيل قلم يقول...

السلام عليكم
انا بشكر التاج عشان بيقربنا اكتر رغم ان الاسئلة قصيرة بس اهو احسن من مافيش اكتر اجابة عجبتني ان حضرتك ما حذفتيش اي حرف من اللغة العربية
حيث اذا تم الحذف تم خلل الغة كلها
تحياتي يا ممامة احمد اجاباتك لذيذة ومتخافيش كلنا بنعمل تشكيل عصابي علي جيوبهم وبموافقتهم
دمنا بحب وود

غير معرف يقول...

الله عليكي وعلى اجاباتك الخطيرة

اجي ايه انا جنمبك ياقمر

اجاباتك ارووووع بكتير مني

ربنا يوفقك ويحققلك كل امنياتك

أم أحمد المصرية يقول...

اصدقائي الف شكر علي تشريفكم نورتوني كلكم
اهلا بالاصدقاء الجدد اللي نوروني لأول مرة لو اعرف انكم جايين كنت جهزت تورتة ومشروبا ت
مرحبا بحوراء
كريم
ام مالك
اما باقي اصدقائي فأصحاب بيت منورين بيتهم
ملكة بحجابي

سلمي

طارق الغنام

ماما امولة

فليعد للدين مجده

امبارح كان عمري عشرين

دعاء

روفي

ابو حنف

همس الاحباب

مجداوية

ذكري رحيل قلم

نوارة

اما بقي صاحبة البيت و التاج و التدبيسة حبيبيتي سالي صاحبة حاجات جوايا منورة الدنيا يا قمر

أم أحمد المصرية يقول...

بالمناسبة الرد علي التعليقات المرة دي مختلف عشان ده تاج قلت ما دخلش في مناقشات خصوصا ان ردودكم اخجلت تواضعي
مرة تانية منورين

جنّي يقول...

السلام عليكم

اجاباتك بالفعل قربتنا منك اكثر ..

وشكرا على التدبيسة وهذه الدعوة التانية والاولى كانت من الاخت سالي حاجات جوايا ..الظاهر ان لا مفر وامري لله ..

(صندوق الدنيا) يقول...

ربنا يكرمك بالجنة اللي بتتمنيها
ويقر عينك بأهلك معك

الفقيرة إلى الله أم البنات يقول...

أم احمد
ردرود رائعه ومميزة
بجد استمتعت بقراءة التج
وارى ان بعض الاجابات مميزة فعلا
خاصة حذف حرف من اللغه

عاجبنى رد بتاع قطاع الطرق

بجد ردود جميله
ربنا يسعدك ويرضى عنك وعن اسرتك
يارب

Empress appy يقول...

يا سلام على التاجات التقيله والاجابات الاتقل بجد انتى وجنى دلوقتى قريت لكم التاج ده
ربنا بس يبعده عنه علشان حساه تقيل وصعب بجد

ابو المفاصل الواصل يقول...

مايو، 2009
لماذا ترفض الانكسار؟؟؟
قال الجانى للمجنى عليه: لماذا ترفض الانكسار؟؟
وانت المتعود على سفك دمك طول الليل والنهـــــار
فلا تعاندنى فامك تتعبنى اثناء ذبحك باستمـــــــــرار
وتغرقنى بد مك الساخن المسفوك بلا حكم ولا قرار
ووجودك ايضا استفزاز وفى قتلك اعتزاز وانبهار
فاجاب:حسبى الله من ظلمك يا ظالم الاطهــــــــار
فلن يرحمك التاريخ يا زارع الموت والاحتـضار
وما تفعله عز لى وحياة وموت لك وقمة العـــار

ghorBty يقول...

ما شاء الله

اجابات وافيه جدا ..

ربنا يديم عليك فضله ..

ويارب يحقق امانيك وتبقي وزيره التربيه التعليم وينصلح الحال يارب


دمت بكل خير

Unknown يقول...

السلام عليكم ورحمة
الله تعالى وبركاته
ليه بس كده ياأم أحمد
ياااااااااااااحبيبتى ؟
بقى انا جاية اطمن عليكِ
وأسأل عن أخبارك واحوالك
الاقيكِ مدبسانى فى تاج!!على
العموم هدية غالية من
أخت اغلى وأحلى
على العموم انا
خاخده واشيله عندى
ولما تسمح الظروف حأجاوبه

Unknown يقول...

ايوة ياشيخة كنت
حانسى اقولك انا جاية
ليه كمان لو مش عرفتى ياعنى
سمعت اسمك فى الراديوووون اه
والله البرنامج بتاع انت تسأل
والكومبيوتر يجيب اذع ردك على
(خبر السيجارة الاليكترونية) الحلقة بتاعة18-مايو وبقيت قعدة مبسوطة
وانا بسمعها اوى اوى:)

الربان يقول...

تحياتي اختي الفاضلةام أحمد المصرية

اجابات جميلة استمتعت بالقرأة و التمعن...

, أوافقك الرأي تماما ان التعليم هو القاطرة التي تقود الي التنمية...لا تقدم ولا ازدهار و الجهل و التخلف يعشش بين عقولنا.

ايضا اوافقك ان الاسكندرية لها سحر غريب و انني اعدها من اجمل المدن...بالرغم من انني قاهري المنشأ و المحيا...

كما أشكرك كل الشكر علي التدبيسة هههههه اقصد التاج الجميل و ان شاء الله سأرد عليه.


خالص تحياتي و تقديري يا استاذة.

أم أحمد المصرية يقول...

يامرحب بالاصدقاء الاعزاء
جني
أم البنين
أم البنات
أبي
ابو المفاصل
ghorBty
ابو المفاصل
الربان
نوراهاتي
و شكر مخصوص لها انها سمعتني في الراديو
الحقيقة يا حبيبتي انا اتذاع لي حلقة اخري امس الخميس و سييذاع ايضا حلقات جديدة السبت و الاثنين و الثلاثاء بس انا بتكسف اعلن :)

Unknown يقول...

ياصباح الفل ام احمد
وتتكسفى ليه ام حمادة:)
هو عيب ولا عيب
ولا يمكن عيب:)

فشكووول يقول...

الفاضله ام احمد المصريه
السلام عليكم ورحمة الله وبركاته
اهلا بيك فى زيارتك لمدونة فشكول وائما الزيارات ان شاء الله

اعتقد انها جدتك بارك الله لك فيها وبارك فى ابنائها وبناتها وحفدتها
عملت لله فرزقها الله بابناء وحفده برره يكملون مسيرة الحب والفضيله

تاجك متزن وملتزم بتعاليم الله سبحانه وتعالى فبارك الله فيك

الله يكون فى عون ابو احمد زمان سرقتى قلبه والان تسرقين والاولاد جيبه

كلنا فى الهم شرق ومسروقين قلوبنا وجيوبنا وبتضحكوا كمان علينا

بارك الله فيك وفى ابنائك وزوجك
تحياتى