الخميس، 28 مايو، 2009

في يوم ميلادي







اليوم عيد ميلادي كل سنة و انتم طيبين



بصراحة ما كنت لأخبركم بهذا الامر



حتي اوفر علي نفسي الحفلة و عليكم الهدايا :)))



لكن اتي لي في تعليقات التدوينة السابقة مفاجأة جميلة لم اكن اتوقعها



دخلت أمي الحبيبة الي المدونة اليوم ليس للقراءة و لكن للتعليق و لتهنئتي بعيد ميلادي



و وجهت لكم ايضا رسالة



و دخولها اليوم يستحق إقامة حفلة عيد ميلادي



تفضلوا معنا و اقرأوا تعليق أمي الحبيبة




إبنتى الغالية
أم أحمد

تهنئتى الصادقة من القلب لكى

بمناسبة عيد ميلادك السعيد

أعاده عليك وعلى أسرتك الغالية بالصحة

والسعادة داعية الله أن تتمتعى برؤية

أولادك بأعلى الشهادات وأرقى المراكز

وأن يبقيهم لكى ذخراً فى ظل أبو أحمد

الغالى وأنتم جميعاً بكامل الصحة

والعافية

وأمتدح فيكى صدق مشاعرك وعذوبة كلامك

أكرمك الله كما أكرمتنى

و أشكر كل أبنائى المدونين على كل ما كتبوه من كلمات تركت أثراً عظيماَ فى نفسى
----------------------------
وبالله التوفيق

28 مايو, 2009 05:01 م

و هذا هو ردي عليها و ان كنت لم استطيع التعبير عن مشاعري

مامتي الحبيبة جدا جدا جدا
ابلة فاطمة
منورة المدونة و منورة اسكندرية و منورة الدنيا كلها
ده احلي عيد ميلاد مر علي لما ماما تهنئني علي النت
لا حرمني الله من دعائك و لا من طلتك الجميلة و لا من اسلوبك المبدع
و لا من لغتك العربية المتمكنة التي تجعلني اخجل و انا اكتب بالعامية
ربنا يخليك يا امي و يخلي ابي و يعطيكم الصحة و العافية فما قلت هو اقل مما تستحقين ان هي الا نبذة صغيرة من كفاح السنين الطويلة قبل و بعد ميلادي و ما من تدوينة تكفي لحكاية قصتك المميزة التي اخالفك الرأي انها قصة كل ام
فأمي انا مميزة لأنها أمي
و لأنها ابلةفاطمة
و اشاركك الرأي في شكر كل الاصدقاء الذين شاركونا هذه المشاعر الجميلة بارك الله للجميع في احبائهم

هناك 32 تعليقًا:

حاجات جوايا يقول...

اللـــــه
مفاجأتين اجمل من بعض والله

كل سنة وأنتى طيبة يا قمر
وعقبال يارب 100 مليون سنة فى ظل أسرتك الكبيرة والصغيرة
ربنا يخليهم لك يارب ويخليكى ليهم يا قمر
انتى ونعم الابنة
ونعم الام
ونعم الزوجة
ونعم الصديقة
وبالتاكيد ونعم المعلمة

كل التحية لماما الغالية أبلة فاطمة
والف مبروك اذاعة الحلقة فى البرنامج .. بجد البوست يستاهل اكتر من كده بكتير
لانه ذاخر بمشاعر راقية وصادقة وعقوية من ام لابنتها

ربنا يخليكم لبعض ويبارك فيهم وفى اولادكم واحبائكم

كل سنة وانتى طيبة يا حبيبتى مرة تانية
والى الله اقرب وعلى طاعته ادوم

كل الحب لكِ ولأبلة فاطمة

Abo 7anf يقول...

كل سنه وانتى طيبه كدا
وعقبال ميبقى عندك كتير قوى يارب

حوراء المقـدسية Jerus Nymph يقول...

اليوم عيد ميلادي كل سنة و انتم طيبين


الفف مبارك

و عقبال 100 سنة

Appy يقول...

كل سنه وانتى طيبه يا حبيبتى وبخير يا رب

ঔღঔ نـــوارة ঔღঔ يقول...

كل سنة وانتي طيبة ياااارب

مفاجاة امك جميلة زيها

وكلمها جميل جدااااا

ربنا يخليكم لبعض

ويطول بعمرها بعمر الوالد

عقبال ال100 سنة

ربنا يحفظك ويسعدك ياررررب

دمتي بالف خير

norahaty يقول...

السلام عليكم ورحمة
الله تعالى وبركاته
كـــــــــل لحظة
وانــــت بألف خير
ياأم أحمــــــــد

MaNoOoSh يقول...

كل سنة وانتى بصحة وسعادة وهناء وسط كل أحبابك يارب.. وربنا ما يجرمك من أهلك وحبهم ابدا

norahaty يقول...

ربنا يخليكم لبعض
وما تتحرموا من
بعض ابداً ابدا

norahaty يقول...

ــــــــــــــاــــــــــــــ
ــــــــاـــــــــــــاــــــ
ـــــاـــــــــاـــــــــاـــ
ــاــــــاــــــــاــــــاـــ
ودى التورتية بتاعتى هديتى لكِ
ومعلش لو مهزوزة شوية من المشوار
كتر خير الدنيا راحت من الجيـــزة
للاسكندرية عبر الطريق النتاوى

عصفور المدينة يقول...
أزال المؤلف هذا التعليق.
عصفور المدينة يقول...

بارك الله فيكما

Soul.o0o.Whisper يقول...

السلام عليكم و رحمة الله و بركاته

كل سنة و انتى طيبة
و عقبال مليوووووووووون سنة و انتى بصحة و سعادة يااااارب

و كمان أبلة فاطمة :) بكل صحة و سعادة
و فرحانة بيكم و بلمتكم حواليها


و مبرووووووك على حلقة برنامج " أنت تسأل و الكمبيوتر يجيب "

هأحاول اسمعها قبل الشغل

اللهم ذكرنى
:)



دمتى بكل الود

الفقيرة إلى الله أم البنات يقول...

أم أحمد
امد الله عمرك فى طاعته
ورزق امك برك ورزقك حنانها ابدا ما كنت
ربى يمتعك بيها ويمتعها بيك
ويرضى عنكما

القمر الساهر يقول...

كل سنه وانتي طيبة وفي صحة وسلامةوخير

ربنا يجعلها سنه كلها خير ورضا ان شاء الله .. وتكون في رضا الله ويكتبلك فيها الخير والسعادة

مفاجاه جمييييييلة جدااا

ابلة فاطمة نعم الام
وام احمد نعمة الابنة

ربنا يخليكم لبعض ..ويبارك فيك ويحفظكم لكل احبائكم

(أم البنين) يقول...

كل عام وأنتِ إلى الله أقرب

ELMASRYA - MRS WRITER يقول...

حبيبتي أم أحمد

كل عام وانتي بخير وسامحيني أنا لم أدخل إلا اليوم

إنتي عيد ميلادك 28 مايو وأنا واحد يونيو

ده احنا قريبين من بعض خالص الحمد لله

هديتي ليكي تورتاية شيك قوي بالشيكولاته والفراولة إتخيليها لغاية لما أشوفك بما إننا من اسكندرية

وسلام خاص جدا جدا جدا إلى الجميلة الحبيبة أحلى أبلة فاطمة في الدنيا

قوليلها المصرية بتحبك قوي يا ست الحبايب

وبجد عايزة أشوفها وأشوفك إنتي كمان

أنا ساكنة في جليم

وإيميلي هو eegychamp@hotmail.com

منتظرة الرد وتحديد موعد للمقابلة

أحبك إنتي وماما وبابا في الله

قوس قزح يقول...

كل سنة و انتى طيبة و بخير
و دايما محبوبة من الناس كلها
و عقبال 100 سنة

همس الاحباب يقول...

كل سنة وانتى طيبة وعقبال 100 سنة
وربنا يسعدك دنيا واخرة
وتحية وتقدير لاعظم ام ابلة فاطمة
تحياتى وتقديرى

موناليزا يقول...

ياحبيبتى كل سنة وانتى وكل احبابك بخير وصحة وسعادة وعقبال 110 سنة كلها فى طاعة الله

rovy يقول...

كل سنه و انتى طيبه يا ام احمد يا جميله و يارب عقبال 1000 سنه و انتى طيبه زى ما انتى و بخير دايما حبيبتى و معاكى كل احبابك .. ربنا يبارك لك فى كل من تحبين و يبارك فيكى ..
عيد ميلاد سعيد و ربنا يخلى لك ماما الحبيبه و تنور المدونه دايما و عاوزه اقولها انى حبيتها من كلامك عنها و من تعليقها الجميل و حنانها الواضح ..
مبروك لاذاعة بوست ابله فاطمه و ده طبعا بركة ابله فاطمه و ربنا يوفقك دايما ..
على فكره عيد ميلاد زوجى ايضا 28-5
كده مش حأقدر انسى عيد ميلادك .. :))
دمتى بكل الود
ارق تحياتى

د/أبويحيى وادم يقول...

السلام عليكم ورحمه الله وبركاتة

كل عام وانتى بخير وصحة وسلامة امى الفاضلة

كل عام وانتى دوما اللى الله اقرب وعلى طاعته ادوم

كل عام وانتى ولاسرة الكريمه كلها فى تقدم ورقى
كل عام وانتم نحو التقدم والنجاح

ـــــــــــــــــــــــ
بارك الله لكم فى الوالده وحفظها لكم من كل سؤء وجعل بركم بها ورضاها عليكم واقيا من النار ورافعا فى اعلى درجات الجنه وارائكم جزئه فى الابناء

مجداوية يقول...

السلام عليكم

كل عام وأنت إلى الله أقرب وزاد عمرك في طاعة ومتعك بالصحة والسعادة

أطعم وأجمل من وجود كل هذه المشهيات والحلويات وجود أحلى الكلام من والدتك لك وردك العفوي الصادق عليها

أدام الله وجودها في حياتك ومتعك بصحبتها وأقر عيناها وعينك بأحفادها وجعلكم سلسلة لا تنقطع من الحب وتقوى الله

عبدالله يقول...

كل سنه و انتي طيبه و سنه سعيده ان شاء الله مليئه بطاعه ربنا و تحقيق احلامك ان شاء الله

تحياتي

أنفاس الصباح يقول...

كل سنة وانت طيبة يا جميل

كده انت اكبر منى بيوم

لان انا 29 مايو

طبعا احنا منعرفش سنة كام اتولدنا

طبعا لان احنا كنا صغيرين قوى وقتها ومنعرفش العد والتواريخ D:

ربنا يخليلك ماما ويبارك فى عمرها

ويمتعها بالصحة والعافية

ويرزقك برها و رضاها

دمتم طيبين

ذكري رحبل قلم يقول...

السلام عليكم
كل سنة وانت طيبة ياحبيبتي ويارب يدوم عليكي الصحة والعافية ويارك فيك وفي حبك لممتك وحب اولادك لاسرتك
عبقال مليون سنة
ابلة فاطمة لا شكر علي واجب ان الانسان الذي يكافح من اجل الغير يحق له كل امتنان وتحية بارك الله في امثالك التي هي قلة قليلة في الحياة المحيطة بنا
كل سنة واحنا كلنا بخير وسعادة وحب وسلام
تحياتي

أم أحمد المصرية يقول...

أصدقائي و احبائي
شكرا جزيلا علي زيارتكم و تهنئتكم جميعا لا حرمني الله منكم فقد كان عيد ميلادي هذا العام مختلفا بوجودكم
و اعتذر عن التأخير في الرد فالعيب في النت و الله و ليس في

تهنئة مخصوص لصديقتي المصرية عيد ميلادها اول يونيو و علي فكرة انا عيد ميلادي الرسمي و الذي يعرفه الجميع هو اول يونيو ايضا لكن ماما حبيبتي تصر علي تهنئتي في اليوم الحقيقي

غروب يقول...

كل سنه وانت طيبه

وعقبال مليوووووون سنه وربنا يخليلك مامتك ابله فاطمه ومش يحرمكوا من بعض

بس انا عاوزه حته تورته

فليعد للدين مجده يقول...

كل عام وعائلتكم الوقورة بكل خير

salma mohamed يقول...

كل سنة وحضرتك طيبه
معلش متأخره حبتين,
لكن اعذريني فعلا,
وكمان انا شكلي بايخ اوي اني فاتني كل اللي فات ده بس ان شاء الله هفضي وقت واعد اقراهم كلهم,
سامحيني اختي الحبيبة.

بحبك يامصر يقول...

كل سنه وانتى طيبه
ولو انها متأخره
عقبال مية سنه
يارب دايما فى صحه وسعاده

عاشــــــ النقاب ـقــــة"نونو" يقول...

كل عام وانت بالف خير وسعادة
وربنا يخلي ماما ويبارك فيها يارب

ويكا يقول...

ام احمد
انتى كده لازم تمسكى الخشب ، لا تتحسدى

ربنا يباركلكم فى بعض

ويجعلك باره بوالدتك.

اسأل الله لها ولنا جميعاً البركه فى العمر وحسن الخاتمه.