الاثنين، 19 مايو 2008

التاج الأول: بحلم علي أدي بشراع يعديني ..بشموع تدفيني ..بعيون تصون ودي


تدق الطبول و تلقي الزهور و يرتفع النفير و يأتي كل سمير و تعلق الزينات و تمنح الأجازات و قبلها العلاوات لمجيء أول تاج لأمة الله أم أحمد المصرية فشكرا للأميرة سالي علي التاج ادام الله عزك و أكثر بطك ووزك

و لو ان ساعة الجد لقيت الموضوع صعب استعنا علي الشقا بالله

بسم الله الرحمن الرحيم

اذ كر خمس أحلام على الاقل ..تخص ماضيك وتحلم فيها بتغيير اشياءماذا ستعدل وماذا ستترك؟؟

كلية الإعلام كان اول حلم حقيقي حلمته في حياتي منذ اولي اعدادي الي الثانوية العامة اني اكون صحفية و كنت عضوة نشطة جدا في الصحافة و الاذاعة المدرسية و كل اللجان الثقافية في المدرسة و ذكر مثلا من انجازاتي ترتيب ندوة مع الصحفي ا/ محمد عبد القدوس و جاء واحد من الامن جلس في الندوة في حجرة المديرة فخلصناها في ربع ساعة و سلمنا عليه كانه ماشي و هربناه علي المكتبة و كملنا الندوة حوالي ساعتين و لسه عندي الشريط للأن و عملت عنه مجلة دخلت معرض الادارة و اتغطت لما وكيل الوزارة مر لأن العناوين كانت جامدة ضد الحكومة و يلا العجب لم ادخلها لأسباب اقليمية مثل حبيبتي سالي اللي مررت لي هذا التاج لدرجة ان ماما قالت لي انها كانت بتدعي ربنا و هي ساجدة اني ما اجبيش مجموع كبير يدخلني الاعلام و دخلت تربية بردوا زي سالي بس انا بقي كيمياء و طبيعة و حبيت التدريس جدا و شعرت انه رسالة حقيقية غير انه من انسب الاعمال للمرأة و طلعت ماما عندها حق تاني اصل هي كمان تربية و تعليم

تاني حلم لم يتحقق كان اكمال الدراسات العليا و كنت بنجح بتقدير و كان بعض الدكاترةيعرفوني شخصيا و بيشجعوني جدا جدا الحقيقة و سجلت فور التخرج و نجحت في الجزء النظري أول سنة لكني كنت تزوجت قبل ذلك لاني مخطوبة و انا طالبة و عليه شرف الكابتن احمد و توقف المشروع حتي اشعار أخر نظرا لتشريف باقي الحلوين و ظروف عمل زوجي التي تتطلب سفره كل سنة في مكان مختلف مما يتطلب تواجد الام المستمر

تالت حلم كان لما أخي فتح شركة كمبيوتر تشمل كل شيء و هو مهندس طبعا و انا اشتغلت معه في الشركة لأني نسيت اقول لكم اني بدرس دورات من ايام ما كنت طالبة كان وقتها الدوس لو تفتكروه

المهم تمنيت ان الامر يستمر و كنت سعيدة بعملي جدا و اخدت اجازة من المدرسة لكن بعد سنوات قليلة وجدنا المشروع مش جايب همه و أغلقه و سافر للعمل في الخارج و عدت للكيمياء و الفيزياء مرة أخري و لم يستمر حلم الشركة الجميل

رابع حلم هو أكثر حلم وجعني عدم تحقيقة بس انا ماشية تاريخيا عشان كده لم اكتبه أول حلم منذ سنوات قليلة قدمت أنا و زوجي للحج في القرعة و فزنا تصوروا و بدأنا الإجراءات و دفعنا الفلوس بالكامل و بعدين الشغل عند زوجي رفض سفره تماما لأي مكان خارج مصر الا مع جهة العمل و الحج معهم كان غير متاح لنا حسبي الله و نعم الوكيل فقد قمنا بكل المحاولات الممكنة و دي و رسمي ووسايط و ما حدش يسألني زوجك بيشتغل ايه كفاية عليكم انه طبيب

تعرفوا من يومها مش بقدر اتفرج علي وقفة عرفات في التليفزيون و لا اسمع أغنية ام كلثوم القلب يعشق كل جميل

"نداني لبيته لحد باب بيته و ما تجلي لي بالدمع ناجيته

كنت ابتعد عنه و كان يناديني و يقول مسيرك يوم تخضع لي وتجيني

طاوعني يا عبدي طاوعني انا وحدي مالك حبيب غيري قبلي و لا بعدي "

كفاية عليكم كده بقي أحسن طولت قوي في السؤال ده

--------------------------------------------------

أذكر خمس أحلام على الأقل ..تخص مستقبلك

أول 3 أحلام لأولادي التلاتة ربنا يعطيهم الصحة و يوفقهم في حياتهم و يجعلهم صالحين و ناجحين و يبعد عنهم كل شر

و بحلم أحج أنا و زوجي عشان نعوض الحلم القديم

و فاضل حلم صغنن اني دايما أكون قادرة احقق ذاتي في عملي لأن ده بيرضيني جدا

إيه ده هما الخمسة خلصوا لأ ماليش دعوة فاضل واحد كمان نفسي أفضل صاحبة مدونة لها أصدقاء يحبوها

-----------------------------------------------------------------------------

أذكر شخصين على الأقل .متواجدين فى حياتك حاليا

كنت تود وجودهم قبل الآن بزمن

سؤال صعب لأن ربنا بختار الوقت المناسب يعني مثلا لو اخترت زوجي انا اعرفه وقت ما كان عندي 19 سنه و هو فيه بدري عن كده

انا بشكر ربنا علي كل الموجودين في حياتي

يارب يبارك لي فيهم جميعا و لا ينقص منا أحدا

بابا و ماما و أخواتي و أولادهم و زوجي و أولادي و كل أصدقائي

يارب يارب فأشد ما اكره و أخاف في حياتي هو الفراق

----------------------------------------------------------------------

شخصين على الأقل غير متواجدين فى حياتك حاليا كنت تود وجودهم الآن

أو في حياة أولادك مستقبلا

كان فيه اكتر من مدرس و مدرسة في حياتي اثروا في تأثيرات ايجابية و كان نفسي يقابلوا و لادي و يتركوا نفس التأثير مثلا ماما نعيمة مدرسة العربي و الدين في تانية إعدادي ايوه لا تتعجبوا كنا بنقول لها ماما

و أ/ عبد الحميد مدرس العربي و الدين في اولي ثانوي و كتير غيرهم الحقيقة يارب أكون بالنسبة لتلاميذي زي ما هما كانوا بالنسبة لي او حتي نصف ما كانوا الله يجازيهم خير و مسز مارجريت مدرسة الكيمياء في اولي و تانية ثانوي علمتني كيمياء و علمتني ازاي المدرس يكون عنده ضمير في عمله و اذا كنت مدرسة كيمياء شاطرة فهي السبب بعلمها و طريقة تدريسها مش كل العلم اللي اخدته في الجامعة .

فيه كمان شخص مهم جدا تركته للآخر عشان أحلي به الله يرحمه رحمة واسعة و يجمعني به في الجنة يارب صديقي و ابي و اكتر واحد دلعني في الدنيا دي حماي الحبيب و لو اني كنت بقول بابا محمود مش حماي كان إنسان من جيل غير موجود الآن يا خسارة ان أولادي لم يتعاملوا معه و هم كبار و إن كانوا لحقوه بس أنا عشان خاطره بحب كل الشرقاوية لدرجة اني لما أجد مدون أو مدونة من الشرقية بحب جدا أتواصل معه أو معها لأنه إعطاني أجمل انطباع عن أهل هذا البلد : ود و حب و طيبة و كرم و رجاحة عقل و كفاية بقي أحسن حبكي رحمه الله رحمة و واسعة و جعله مع الصديقين و الشهداء و الأبرار ان شاء الله

أخيرا خلصت بس عارفة يا سالي انا انبسطت بالتاج ده جدا فكرني حاجات كتير في حياتي شكرا لك يا حبيتي و يارب أصحابي ما يزهقوش من كلامي

أتينا للسؤال المهم أمرر التاج لمين من أصحابي الحلوين

فرنسا هانم ربنا يقومها بالسلامة و ترد عليه علي مهلها

عاشقة النقاب حبيبتي صاحبة المدونة الجميلة

أميمة صاحبة مدونة صلاح و إصلاح

أمل الموهوبة صاحبة مدونة شمس اللقاء

بحبك يا مصر صاحب مدونة بحبها

الربان صديقي العزيز صاحب مدونة الربان

الصديقه الجديده بثينة صاحبة مدونة طيارة ورق

الصديقة الجديدة خمسة فضفضة صاحبة المدونة التي تحمل نفس الاسم

صديقتي مجداوية صاحبة المدونة الجميلة

اخي الفاضل احمد سكر

و اخيرا مقدرش انسي ابني حبيبي أحمدصاحب مدونة أحمد ابن أم أحمد بس بشرط لما تخلص امتحانات

و ممكن كل زوار مدونتي الحلوين يعتبروها هدية لهم و يحكوا لي عن احلامهم... يارب يحقق لكم جميعا اجمل مما تحلمون

هناك 88 تعليقًا:

أميمة كامل يقول...

أدعو الله أن يرزقك حج بيته الحرام

ونكون صحبة

تجمعنا طاعة الله فى الدنيا

ونلتقى فى جنته اخوانا على سرر

متقابلين اللهم آمييييييييين

امل يقول...

السلام عليكم ورحمة الله
احلامك جميييييلة يا أم أحمد
أكتر حلم وجع قلبي طبعا حلم الحج اللي
ما اتحققش بس ان شاء الله ربنا هيرزقكم بيه بس ادعي ربنا اللهم ارزقني حجا وعمرة من غير حول مني ولا قوة مع يقين لأن ربنا كريم وفضله واسع صدقيني الدعاء ده متجرب ههههههههه
وشكرا لانك اهديتيني تاجك الجميل
بس ممكن اتأخر شوية في عمايله لاني لسه عامله واحد
أما بقى حلم الاصدقاء فانا واحده من اللي حبوكي وربنا يديم الود يارب
ونتقابل في الحج السنة دي ان شاء الله

رئـــــيسـة حزب الأحلام يقول...

احلام جميلة وربنا يحققلك كل احلامك يارب امين
وتحياتى لكى

حاجات جوايا يقول...

انا جييييييييييت
الله الله على أحلامك
تعرفى ان فعلا أحلامنا فيها كتير من بعض
أنا كمان بدات فى الدراسات العليا ومكملتش بس نسيت أقول ههههههههه يمكن لأنها مكنتش حلم اوى بقدر ما كانت تضييع وقت بدل ما انا قاعدة فاضية .. والحمد لله نجحت فيها بتقدير

ربنا يرزقك ويرزق زوجك بالحج ويرزقنا احنا كمان يارب من غير حول منا ولا قوة

ويحققلك كل أحلامك يا حبيبتى يارب

كل تاج وانتى طيبة يا قمر
دمتى بخير أختى
سالى

مجداوية يقول...

السلام عليكم

أختى الحبيبة
أولا ألف مبروك نجاحك فى شهادة الكمبيوتر واتمنانى لك انك ذكرتينى بالاسم رغم انى معملتش حاجة ده كله مجهودك والله لا يضيع أجر من أحسن عملا
فالشكر لله ,,وجميل منك جدا عرض طرقة الالتحاق بالدورة جزاك الله كل خير عن حبك لافادة غيرك وحب الخير لهم


واجابات تاجك قربت لى شخصيتك أكثر وما شاء الله أنت طموحة وايجابية والله يعين المرء عندما يخللص النية له ,, الج له وقت آخر غير الذى ضاع منك فلم يكن الله أذن بعد وصدقينى رؤية الحيج يوم عرفات بتسعد القلب وتزيد الاشتياق الى أداء الفريضة فلا تمتنعى عن رؤيتهم فهذا الألم من عدم ذهابك عند رؤيتهم يكتب لك فى ميزان حسناتك وخاصة وانت تدعين لهم بقبول الحج وسيكتب الله لك ان شاء الله قريبا أن تنضمى لهم

دورك كمدرسة هو دور اعلامى من الدرجة الأولى لكن شاشتك أو جريدتك هى فصلك والجمهور هم تلاميذك فأنت تؤثرين على فكرهم بطريق مباشر كما أثر عليك أساتذتك المتقنين لعملهم وسيتذكرونك كما تتذكرين أساتذتك وكما أتذكر أنا ايضا أفاضل المدرسين الذين أثروا على حياتى وأدعوا لهم بكل الخير فمهمتك أختى الحبيبة مهمة عالية الشأن جعلها الله فى ميزان حسناتك
ويا رب تحققى كل أحلامك وأحلام ابنك أحمد وأخواته ان شاء الله

أنا جاوبت على هذا التاج وأهدته لى واضعة التاج وصاحبته الأخت الحبيبة جنى ولكنك لم تقرأيه وبالطبع أشكرك جزيل الشكر على اهداءك وخيرها فى غيرها

تحياتى ودعواتى لك بكل الخير أختى الحبيبة

مجداوية يقول...

هل لى من اقتراح اختى الحبيبة
أرجو اهداء هذا التاج الى الأخت الكريمة رئيسة حزب الأحلام بدلا منى لأنها أحق منا جميعا به فهى رئيسة الحزب

وربنا يحقق لها كل أحلامها يا رب

بحبك يامصر يقول...

اولا انا بدعيلك ان شاء الله ربنا يكتبلك وايانا ان تؤدى فريضة الحج ان شاء الله عن قريب
ثانيا الاخت مجداويه قالت شئ مهم وهو ان وظيفتك كمدرسه مهمه جدا ومؤثره فى جدا
وان شاء الله ربنا يعينك على ادائها على اكمل وجه حتى يكتب لكى الاجر من الله
ثالثا شكرا عالتاج انا هجاوبه وانا مش لاقى حاجه اكتبها
سلاام

ابو العربى يقول...

يارب يحقق كل احلامك ويبارك فى اسرتك يارب

تحياتى
ابوالعربى

أم أحمد المصرية يقول...

أختي في الله أميمة ما احلي الاخوة بدون غرض لذلك اصبحت بفرح لما اجد اسمك بين التعليقات خصوصا انك شرقاوية و انت عرت السر بقي :))
يارب يكتبها لنا و قادر سبحانه نكون جماعة يارب اللهم اني اسالك بكل اسم سميت به نفسك او دعاك به احد من خلقك اللهم اني استحلفك باسمك الاعظم لأن ترزقني وزوجي و هذه الصحبة الصالحة حجا مبرورا لبيتك الحرام يارب العالمين
اللهم أمين

أم أحمد المصرية يقول...

حبيبتي أمل ربنا يخليك يارب و لا احرم من حبك ابدا و حجرب دعائك و ان شاء الله انا موقنه بالاجابة و لك الحلاوة يا امل و في انتظار رد التاج في الوقت المناسب لك حبيبتي

أم أحمد المصرية يقول...

حبيبتي الست الريسة انا فخورة ان احلامي عجبتك دا انت رئيسة حزب الاحلام و مجداوية كانت بتقترح اهداء التاج لك انا بس اللي منعني ان سالي سبقتني و اهدته لك لو سمحت اعتبريها هدية مشتركة :))

أم أحمد المصرية يقول...

وسعوا ياولاد الاميرة سالي اللي اهدتني التاج حضرت يا مرحبا يا مرحبا
مش قلت لك احنا شبه بعض يا سالي ادي انت لقيت وجه تشابه جديد :))
ربنا يرزقنا جميعا حج بيته الحرام بلا حول منا و لا قوة آآآمييين يارب العالمين

أم أحمد المصرية يقول...

صيقتي الاسكندرانية مجداوية
الله يبارك فيك و لا امتنان علي واجب لأن تعليقك قدم لي مساندة معنوية كنت فعلا احتاجها فجزاك الله خيرا
أما عن التاج سأزورك لأقرا ردودك السابقة عليه :)
و علي فكرة انا بحب التدريس الان فوق ماتتخيلي و امتع لحظات حياتي و انا في الفصل بشرح او حتي بتكلم مع البنات لكن مش بحب التحكمات الادارية في المدرسة :))
يارب اكون قادرة اترك في بناتي نصف الاثر اللي تركه بعض اساتذتي عندي و ات كان علاقاتي الدائمة بعض بناتي اللي تركوا المدرسة بتقول ان فيه أمل :))

أم أحمد المصرية يقول...

مجداوية نسبت اقولك ان سالي اهدت التاج لرئيسة حزب الاحلام عشان كده انا لم اهديه

الربان يقول...

تحياتي

ما شاء الله...عجبتني جدا اجاباتك..
و دائما نشيطة....و تأخذين المبادرة.

الحج الذي لم يتم....احسبه قد كتب لكما ثوابه...و اتمني علي الله ان يكون كذلك.
وان شاء الله سيرزقكما الله حج بيته الحرام
انتما و كل من تهفو اليه نفسه.

حلم الدراسات العليا...كان حلمي ايضا.

الدورات...كنت حريصا عليها في مصر و حتي بعد سفري الي الخارج احضر منها ما استطعت.

يبدو ان الاحلام تتشابه...

اعتذر عن التاج...لانني قد جاوبته سابقا...و كان اهداء من الاخت الفاضله
جانا....لانني لو اجبته مرة اخري ساكرر نفس الايجابات...و ربما تشعرون بالملل مني...

اشكرك كل الشكر علي الاهداء ...
كل تمنياتي و تحياتي و تقديري لشخصك الكريم.

أم أحمد المصرية يقول...

أخي العزيز بحبك يا مصر رنا يكتب لنا الحج جميعا يارب و يجعل عملي في ميزان حسناتي أما التاج فهدية بسيطة لنتعرف عليك اكتر انا بردوا في الاول كان متهيألي اني للن اجد شيئا اكتبه و بعدين الكلام نزل زي الارز ما بقتش عارفة اوقفه :))

أم أحمد المصرية يقول...

صديق الجديد ضد الظلم الريس ابو العربي عندنا ياهلا يا هلا شكرا ياريس علي العاء الجميل و لك مثل ما قلت و احسن ان شاء الله و ربنا يديم التواصل

أم أحمد المصرية يقول...

اخي العزيز الربان شكرا علي مدحك و ارجو ان استحقه و ربنا يكتب لنا جميعا حجا مبرورا و يرزقنا رؤية الكعبة المشرفة و الصلاة في رحابها يارب العالمين و معني تشابه الاحلام يا اخي تشابه الشخصيات و الافكار عشان كده الاصدقاء بيتشابهوا و هو ده اللي جعل التواصل دائم بيننا و انت مش الوحيد اللي قلت كده :)) ربنا يديم الود أما التاج فسأزور مدونتك لقراءته و خيرها في غيرها :))

R-H-S يقول...

احلامك جميله جدااا يارب ربنا يحققهالك
علي فكره انا من الشرقيه

وعلي فكره تانيه انتي اتكلموا عنك في الردايو في اذاعه البرنامج العام في برنامج انت تسأل والكمبيوتر يجيب

خلاص عدينا وبقينا نطلع في الاذاعه عقبال التليفزيون
الموضوع كان علشان الرخصه الدوليه
تحياتي

رئيس جمهوريه نفسى يقول...

ربنا يوفقك ويكرمك وتحققى كل احلامك واولهم حج بيت الله ان شاء الله ويخلى ليكى اولادك ويكرمك بيهم ويجعلهم بارين بابويهم

عاشــــــ النقاب ـقــــة"نونو" يقول...

السلام عليكم حبيبتيربنا يكرمك ويعطيكي ويبارك فيكي واحمد واولادك وزوجك ويرزقك حج بيته يارب العالمين معلش لسة الاوان مجاش هديتك مقبولة حبيبتي بخير تحياتي وودي

rtrcbh يقول...

السلام عليكم ورحمه الله وبركاته
وفقكم الله وحقق لكم كل ما تتمنى ان شاء الله وبارك لكى فى الاهل والزوج والاولاد وأن شاء الله الايام المقبله افضل من الماضيه
كانت تلك زيارتى الاولى لمدونتك وان شاء الله لن تكون الاخيره
ونرجوا الله ان نجد لديك دائما كل جديد ومفيد ومميز والسلام عليكم ورحمه الله وبركاته
أخوك
د/احمد جمال

أختكم فى الله يقول...

ليا الشرف انى اقرا مدونتك واعلق فيها حقيقى المدونة جميلة ما شاء الله

ازداد شرفا وسعادة لو شرفتينى فى
مدونتى المتواضعة " أجمل أيامنا"


www.for-a-happier-life.blogspot.com

زيزو الشقى يقول...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

قوس قزح يقول...

احلامك جميلة
و يارب تحجى ان شاء الله

و ربنا يرحم حماكى و يغفره و يدخله جناته برحمته ان شاء الله

مدونة جميلة و قريبة من القلب
اشكرك على زيارتك اللى خاليتنى اعرفك


تحياتى

el_assel يقول...

أحلام جميلة اتمني ان تحققي ما فاتك

وان يتحقق ما تأمليه في المستقبل القريب بأذن الله


باذن الله ربنا يزرقك زيارته بيته



سلاماتي ليكي
سلاماتي للكابتن احمد

اوعى تفكر يقول...

ربنا يكرمك ويجزيك خيرا
ويكرم اولادك ان شاء الله
المدونه لذيذه جدا
وان شاء الله تحجى عن قريب

tarek alghnam يقول...

الاخت الكريمة ام احمد
اثر فى عدم الموافقة على الحج
واقول لكى لم يكتب الله لكى الزيارة بعد
تعرفى انها اهم امنياتى فى الحياة
يارب يحققها لنا جميعا ولكل من يريدها
سعيد جدا بتواصلك معى وبمدونتك الرائعة
وكلامك عن ابن الحرام وصل لى واليوم حدث امامى مايؤكدة فرائيت شاب يضرب والدة وعندما اعترضة الناس قال الاب اتركوة انة ابن حرام
ثم قال لاتفهمونى خطأ
لقد ربيتة من حرام وانا الان ااخذ حسابى من الله
ولاحول ولاقوة الا بالله
تقبلى تحياتى
ودمتى بحفظ الله

أميمة كامل يقول...

أختى الحبيبة :أم أحمد

أرجوألا يكون ضايقك أننى لم أجب عن التاج

فعلا الوقت ضيق معى شوية

عموره فى الشهادة الاعدادية

دعواتك له

وتقبلى اعتذارى

ويعلم الله انى احبك كثيرا فى الله

أم أحمد المصرية يقول...

صديقي الجديد جهاد المدونة نورت صدديق جديد و شرقاوي كمان يادي النور و شكرا علي تهنئتك و ان شاء الله نراك علي الفضائيات

أم أحمد المصرية يقول...

رئيس جمهورية نفسي اسعدتني زيارتك و جزاك الله خيرا علي دعؤك و لا تحرمنا من التواصل

أم أحمد المصرية يقول...

حبيبتي عاشقة النقاب لا حرمني الله من دعائك ربنا يرزقنا جميعا حج بيته الحرام يارب العالمين و العفو دي هدية صغننة ياريتني اهاديك بجد :)

أم أحمد المصرية يقول...

الاخ الجديد ابا يحي و ادم شرفت المدونة جزاك الله خيرا و ارجوان نتواصل دائما و ان تجد في مدونتي ما ينال اعجابك

أم أحمد المصرية يقول...

حبيبتي الجديدة اختكم في الله داانا اللي سعدت بالتعرف عليك و مدونتك رائعة يا حبيبتي و انا معك ان شاء الله في مشروع الطاعات الاسبوعي جعله الله في ميزان حسناتك

أم أحمد المصرية يقول...

الصديق زيزو الشقي نورتني و نورت عالم التدوين و في انتظار ابداعاتك

أم أحمد المصرية يقول...

صديقتي قوس قزح انا اللي سعيدة بالتعرف عليك و علي مدونتك الجميلة و شكرا علي تعليقك الرقيق و ربنا يتقبل دعائك و يجزيك خيرا منه

أم أحمد المصرية يقول...

الصديق الجديد الاصيل شكرا علي زيارتك و دعائك و لك افضل مما قلت ان شاء الله

أم أحمد المصرية يقول...

صديقي اوعي تفكر شرفتني و نورتني وشكراعلي الدعاء الجميل و ربنا يرزقنا جميعا حج بيته الحرام

أم أحمد المصرية يقول...

الاخ الفاضل طارق الغنام شكرا علي تعليقك و ربنا يرزقنا جميعايارب ججا مبرورا و يقينا شر اولاد الحرام
و ان شاء الله التواصل مستمر

أم أحمد المصرية يقول...

أختي الحبيبة أميمة انا في انتظار ردك في الوقت اللي يناسبك و مش زعلانة و ربنا ينجح عمورة و احمد و كل اللي زيهم يارب

كوارث يقول...

بوست جميل جدًا
انا شخصيًا بحجل اتكلم عن احلامي
بس كحلم عادي
بحلم ان العدل يسود !!!
التاج جميل واجاباتك جميلة طبعًا
وباذن الله تحجي لبيت الله
طالما نيتك صادقة
هيحصل هيحصل !

-_- يقول...

شكرا على ردك الجميل .. جزاك الله خيرا

أم أحمد المصرية يقول...

صديقي الجديد الكاتب الموهوب كوارث بعد ما قرات البوست بتاعك اقترح عليك فكرة قصة لرجل يحلم و يحلم تي تأكه احلامه و ...... كمل انت بقي انا مش عارفة اكمل :))))))))) نورت مدونتي المتواضعة و ان شاء الله تواصل دائم

أم أحمد المصرية يقول...

صديقي sharm
اهلا بيك في مدونتي و ارجوان ردي يكون افادك فعلا ربنا يقدر لك الخير حيث كان و يرضيك به ان شاء الله

دكتور بهــدوء يقول...

احلام ام مصريه طيبه وحنينه وجميله
ربنا يحققهالك كلها

زيزو الشقى يقول...

كتبت احد موضوعاتى وسوف ترى افكارى

تحياتى

عز

سلاااااااام

أنفاس الصباح يقول...

الاخت الفاضلة /ام أحمد
جزاك الله كل خير استفدت جدا من الكلام عن دورة الكمبيوتر والحقيقة نفسى فيها بس عندى ولدين فى ثانوية عامة
على امل محاولة الالتحاق بعد ما واحد منهم على الاقل يخلص
اتأثرت جدا بمشاعرك تجاه حلم الحج ان شاء الله ربنا يرزقك حجا قريبا من حيث لا تحتسبى
طبعا دى اول زيارة لى عندك دخلت من عند أميمة وان شاء الله ستتكرر وانا احب تشرفينى وتنصحينى ونكون اصدقاء
تحياتى لاولادك الحلوين ربنا يبارك لك فيهم ويقر عينك بيهم.

فليعد للدين مجده يقول...

الاخت أم أحمد
أنصحك بعمل صندوق ادخار في البيت تسمينه صندوق الحج
تضعي فيه مع زوجك ما تيسر من المال بنية الادخار للج
وصدقيني ربنا سيبارك لكماوستحجون ان شاء الله
عن تجربة !!
والله لا يجرب

(ولو أرادوا الخروج لأعدوا له عدة)

أم أحمد المصرية يقول...

صديقي الدكتور بهدوء شكرا علي تعليقك الجميل و ربنا ينجحك و يحقق لك كل احلامك

أم أحمد المصرية يقول...

صديقي زيزو الشقي انا رايحة حلا اقرا موضوعك الجديد

أم أحمد المصرية يقول...

الصديقة الجديدة ايمان نورت مدونتي و ان شاء الله بداية صداقة مستمرة و دعواتي لأولادك بالنجاح و اشجعك بشدة علي الحصول علي الدورة ربنا يوفقك

أم أحمد المصرية يقول...

اخي الفاضل فليعد للدين مجده جزاك الله خيرا علي فكرتك و قد نويت انا و ابو احمد تنفيذها ان شاء الله ربنا يكتبها لنا

الدرعمي يقول...

أم أحمد

السلام عليكم

أكثر ما أسعدني

أن أحمد ابنك هو أيضا مدون


ابن الأوز غرقاااان

تحياتي وياليتك

تكتبي لنا رابط مدونته

دمت ِ بكل خير وحقق الله أحلامك

ورزقك وإيانا حج بيته الحرام


آدم

أم أحمد المصرية يقول...

الصديق الجديد أدم
اهلا بك في مدونتي و في مدونة احمد و لو انها متوقفة منذ بعض الوقت لظروف الامتحانات ان شاء الله عودة صيفية قويةلأحمد بعد حوالي اسبوع بس ادعي لناو الرابط هو

http://ahmd2110.blogspot.com

أميمة كامل يقول...

اختى الحبيبة/أم أحمد المصرية

أحمد عندك فى سن عمرو عندى ربنا يهديهم ويصلح حالهم

وعمرو ايضا له مدونة اسمها انا حر

عملها من فبراير الماضى

وفى الأجازة هيحدثها بصورة احسن ان شاء الله
وان شاء الله يتعرفوا ويكونوا اصدقاء

أميمة كامل يقول...

عندى اقتراح ايه رأيك تعملى شات بوكس

مربع الحوار

الكتابة فيه أسهل

خليه جنب صورة طنط فرنسا

الدرعمي يقول...

ربنا يوفقه ويوفقنا جميعا يا رب

ادعي لي أنا كمان

امتحاني الأول بكرة وربنا يستر

تحياتي


آدم

أم أحمد المصرية يقول...

الصديقة العزيزة اميمة رينا يديم بيننا التواصل و يبارك في عمرو و احمد و ينجحهم يارب و ان شاء الله انفذ اقتراحك

أم أحمد المصرية يقول...

صديقي ادم
ربنا ينجحك ان شاء الله و بمناسبة امتحاناتك بعت لك هدية في مدونتك يارب تفيدك ان شاء الله
دعاء المذاكرة و دعاء بداية الامتحان

واحد من البلد دى يقول...

رزقك الله الحج و ما تمنيتى ولكن ما أتمناه لكى أختاه أن تدخلى الجنة إن شاء الله و تجلسى مع أمهات المؤمنين..
تخيلى نفسك تحادثين السيدة/خديجة بنت خويلد و تمازحين السيدة /عائشة بنت الصديق و تعانقين السيدة/فاطمة بنت أشرف الخلق ..
فما أبركها من صحبة فى خير الدارين..
أتمناها لكى أختاه من قلب أخيكى المسلم..
رزقنا الله إياها جميعا..
دمتى بخير و عافية
ملحوظة..نزلت بوست جديد

Unknown يقول...

العزيزة الغالية

ام احمد

سعيد بزيارة مدونتك وسعيد اكثر بما اطلعت على تلك الاحلام التى لم تتحقق وان كنت مثلك اتوق لزيارة بيت الله الحرام وان شاء الله نلبى النداء ولكن كل شئ باوان
كنت اتمنى ان ارى اسمى بين الاصدقاء
شكرا لك واتمنى دوام التواصل يا آل التربية والتعليم

أم أحمد المصرية يقول...

أخي صاحب التعليقات المميزة واحد من البلد دي كالعادةتعليق مؤثر جدا ربنا يكتب لنا الجنة جميعا يارب العالمين و جزاك الله خيرا كثيرا

أم أحمد المصرية يقول...

اخي الف.اضل حسن توفيق انت فعلا من الاصدقاء بس انت اللي مش متابع مدونتي كويس :)) لو كنت قرأت الموضوع السابق لوجدت اسمك منور وسط الاصدقاء الذين شجعوني تشجيعا جميلا اثناء دراسة icdl
ربنا يكتب لنا جميعا زيارةبيته الحرام

Unknown يقول...

العزيزة الغالية

ام احمد

شكرا لك تواصلك والله اعلم هناك البعض ممن عوضونى عن اصدقاء مكتوب خيرا امثال حضرتك فانا اكون سعيد بزيارتى لمدونات رصينة محترمة استزيد منها ..اما كونى لم ارى الموضوع السابق فردى عليه هو ردى على سؤالك عن انشغالى
طبعا حضرتك عارفه اليومين دول امتحانات ونحن فى الادارة نتابعها نقل وشهادات ده من ناحية
ومن ناحية اخرى لايص فى تجهيز موقع جديد
لاتحاد المدونيين المصريين فارجو المعذرة
عندما اجد بعض الوقت يادوب ارى الموضوع الاول فى المدونة التى ازورها
كى لا افقد اصدقاء وصداقات تحت التاسيس
لم ترسخ بع
وشكرا لك وضعى بين الاصدقاء فهذا شرف لى اتمنى ان اكون عند حسن الظن واهل له
الى لقاء قريب لك كل التحية والتقدير

أبو خالد يقول...

أبنتى الفاضلة/أم أحمد
كل أحلامك جميلة و أجملها على الأطلاق حلم أداء فريضة الحج كتبها الله العلى القدير لك و لأبو أحمد و لى ..
و سعيد أن مررت بروضة حضرتك و شرف لى أن أكون هنا..
دمتى مربية فاضلة تحمل أقدس رسالة تبليغ العلم ..

أم أحمد المصرية يقول...

ابي و اخي الفاضل ابو خالد
انا سعيدة جدا انك شرفتني رينا يرزقنا جميعا الحج المبرور و الذنب المغفور و يحقق لك كل ما تتمني
لا تحرمنا تواصلك الدائم

Hossam Nasr يقول...

ساعات قليلة لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

Empress appy يقول...

ربنا يا رب يحقق لكى احلامك كلها يا رب
ويكرمك فى اولادك

موناليزا يقول...

اختى الحبيبة:ربنا يسعدك يارب ويرزقك بزيارة بيت الله الحرام انتى وزوجك واولادك وابقى افتكرينى هناك وادعيلى هههههه
يارب تحققى كل احلامك

tarek alghnam يقول...

ام احمد
مررت للتحية والسلام ولرؤية جديدك
وادعوكى لجديدى
واتمنى ان تكونى بأحسن واسعد حال
بارك الله فيكى

أم أحمد المصرية يقول...

العروسة ابي عندنا يا مرحبا يا مرحبا ربنل يحقق لك احلامك انتي يا قمر و يتمم لك بخير اصلي لسه عارفة من ابو خالد انك اتخطبت يا قمر و هوبوصيك انت و اسلام علي بعض :) ربنا يجمع بينكم علي خير و تجيبي ولد تسميه احمد قولي ان شاء الله

أم أحمد المصرية يقول...

حبيبتي موناليزا ادعي لي انت احج و انا ان شاء الله ادعي لك هناك بس اطولها و اشوف الكعبة بعيني يااااااااارب

أم أحمد المصرية يقول...

اخي الفاضل طارق الغنام جزاك الله خيرا علي مرورك الكريم و سؤالك معلش لا يوجد جديد لأنشغالي في امتحانات الاولاد ادعي لنا
اما تدوينتك الاخيرة الرائعة فقد علقت عليها هناك
تحياتي لك و ان شاء الله تواصل دائم

غير معرف يقول...

كلها أحلام جميلة .. والمسقبلية منها ممكنة .. فالحج أو الدراسات العليا وبقاؤك صديقة محبوبة من الجميع .. وانت بالفعل هكذا ..

ماضاع حق وراءه مطالب .. وربنا يحقق لك كل ما تتمنيه وأكثر ..

أم أحمد المصرية يقول...

اخي الفاضل شريف شكرا علي زيارتك
اما عن احلامي و كونها قابلة للتحقيق فهذا ما ارجوه ان شاء الله فالحلم بالمستحيل غير مجدي و القناعة كنز لا يفني لذلك تعودت و الفضل لأمي بارك الله فيها الا احلم الا بما يمكن تحقيقه و لا اجري وراء السراب و لكنك الوحيد ن الاصدقاء الذي لاحظ هذا الجانب في شخصيتي تحياتي لك علي الفراسة و شكري الشديد علي رؤيتك لي اني صديقة محبوبة ادام الله علينا جميعا نعمة الصداقة

روح يقول...

السلام عليكم
سعدت جدا بزيارتك
حبيبتي ام احمد
واتمني يكون جسر تواصل بينا
واجاباتك بسيطة
وشكلنا فعلا قريبين من بعض
تعجبت لما لقيت نفس الصورة
اتمني تكوني عندي دايما
اعزك الله بطاعته
تقبلي تحياتي

قلب صغير يقول...

السلام عليكم
ازيك ياام احمد
دي اول مره ادخل المدونه
وبصراحه
لسه مقريتش كل حاجه
بس حبيت اقولك ان احلامك حلوه وجدا وربنا يديكي وتحققيها
وكمان احلامك اللي متحققتش
كتيييييييييييييير حلمو زيها وبرده متحققتش
والحمد لله
هبه

... يقول...

عزيزتي
معلش سامحيني معرفتش مقدرتش ماكانش ممكن أجاوب علي التاج
مافيش بيني وبين الأسئلة عمار
كتبت عن الأحلام والأمنيات بس من غير إجابات
شكرا لك وأتمني لك كل السعادة

همس الاحباب يقول...

ربنا يكرمك ويحققللك كل احلامك
ويوعدك بزيارة بيته الحرام ودعواتك يا اختى
بجد سعيد بزيارة مدونتك
وسعيد بكل الاسكندرانية اللى هنا
تحياتى وتقديرى
خالد

عبده الرايق يقول...

ياستى متزعليش الحج مكتوب ليكى
وانشاء الله هتروحى تحجى
ادعوا لكى بزياره مقبوله انشاء الله
اما عن شغل ابو احمد
لو قلت اكسب خمس الاف جنيه ؟؟؟؟
ها
اقول
يلا كفايه علينا اربع تلاف بس
ابو احمد بيشتغل طبيب
الرجاء ارسال الجايزه على العنوان التالى
مجره درب التبانه الكره الارضيه قاره افريقيا يصل ويسلم لعبده الرايق

(احمد سكر ) يقول...

ماشاء الله

قربتينا باحلامك من شخصيه ملائكيه

ربنا يحقق ليكى كل احلامك

اسف لتاخيرى فى الرد

وبعد مااجى من السفر هجاوب التاج

تحياتى

اخيكى
احمد سكر

شفـقــة و إحســــان يقول...

انتى فين وحشتينا

أم أحمد المصرية يقول...

صديقتي روح نورتيني
و ان شاء الله التواصل دائم

أم أحمد المصرية يقول...

حبيبتي قلب صغير "هبهوبة "
اول مرة تزوريني اتاري الدنيا نورت و شكرا علي دعائك الجميل و رنبا يحقق لك احلامك دايما يارب

أم أحمد المصرية يقول...

صديقتي بثينة
ماشي يا بسبس نمشيها تدوينة بدون اسئلة انا رايحة اقرأها اهو

أم أحمد المصرية يقول...

عبده الرايق عندنا يا مرحبا يا مرحبا امال ايب مدونة فرنسا لمين :)))))و بعدين كل ما تدخل عايزفلوس بس مش خقول لك حاجة عشان فرنسا موصيانا عليك قبل الاجازة
ربنا يكتب لنا جميعا الحج " كل واحد عل حسابه " اما وظيفة ابو احمد كفاية عليك اربع تلاف بس و ادعي له بالخير :)

أم أحمد المصرية يقول...

أخي سكر
شكرا علي مرورك و علي تعليقك " و لو انك فاهم غلط لا ملائكية و لا حاجة حتي اسأل احمد و باباه ":))))))))
ربنا يحقق لك كل احلامك و ترجع بالسلامة ان شاء الله

أم أحمد المصرية يقول...

صديقتي الجديدة شفقة اهلا اهلا و ازي احسان به معلش بقي ان عارفة امتحانات الاولاد ان شاء الله تدوينة جديدة قريبا جدا
يمكن اليوم او غدا