السبت، 16 فبراير 2008

لو مش حتحلم معايا

لو مش حتحلم معايا مضطر احلم بنفسي
لكني في الحلم حتي عمري ما ححلم لنفسي
لو كنت راح افتش عن منصب و لا جاه
و اصاحب الحذر
دانا ابقي ما استحقش حلاوة الحياة و ضحكة البشر
يا صاحبي يا صديقي ياللي طريقك طريقي
دا انا يوم ما عيش لنفسي ده يوم موتي الحقيقي

شكرا للشاعر سيد حجاب مع انه الفها من اكتر من 20 سنه كأنه كتبها النهاردة مخصوص عشان يؤيد افكاري

هناك 18 تعليقًا:

فرنسا هانم يقول...

يعنى الشكر لسيد حجاب المؤلف
والافكار متوارده مع افكارك
على العموم
انا عايزه حاجه تكتبيها انتى
علشان اتمتع بقلمك انتى
ومش لازم يكون شعر

أم أحمد المصرية يقول...

يا هلا و سهلا بس انت يظهر لم تقرأي الموضوع السابق و اللي قبله لأن ده من بنات افكاري وولادها انا بس بحب الشعر و الزجل و باحسه جدا و بحاول اشرككم معي ياريت تقرأي موضوع هيا نبدأ و تقولي لي رأيك لأني حسيته جدا و انا بكتبه

بحبك يامصر يقول...

فعلا الاشعار دى بتخدم الموضوع اللى فات
وانا فاكر الاغنيه دى بتاعة على الحجار
فى مسلسل رحلة ابو العلا البشرى
وكمان موضوع المسلسل كان اصلاح سلبيات المجتمع عن طريق السيد ابو العلا اللى بيرمز لللإنضباط والأخلاق
شكرا ليكى

أم أحمد المصرية يقول...

صديقي بحبك يا مصر شكرا ليك علي اهتمامك و سعيدة اني لقيت حد غيري لسه فاكر الاغنيةو المسلسل يظهر انك عجوز زي :)

فرنسا هانم يقول...

انا قريت موضوع هيا بنا نبدأ
فعلا عندك حق فى كل كلمه
لازم نبدء
لان البديه تنبع من الذات
ومشوار الالف ميل بيبتدى بخطوه
سلام
لاحلى
سوبر وومان

أميرة يقول...

اعتقد دى كانت مقدمة ابو العلا البشري

رجعتيني لأيام زمان
سيد حجاب شاعر رائع كفاية انه بلدياتي :D

مدونتك فيها دفء حلو اوى

كمان انتى من قراء عبد الوهاب مطاوع الله يرحمه

وفاروق جويدة ونبيل فاروق

انا بحيييكى وبحيي مدونتك

أم أحمد المصرية يقول...

اهلا يأميرة نورت مدونتي و قلبي شكلك كده شبهي عشان لفت نظرك اللي بحب اقرا لهم بس خليني اقول لك اني كمان بحب مقالات ابراهيم عيسي و بلال فضل لو شبهي بقي في دي كمان يبقي اكيد احنا مستنسخين اتمني دايما زيارتك و لا حرمك الله و لا حرمني نعمة الاصدقاء

Desert cat يقول...

انا تقريبا قريت البلوج كله
بجد انتى انسانة هايلة وقلبك مليان بالخير
ربنا يعطيكى ما تتمنى
احترامى وتقديرى
اختك

أم أحمد المصرية يقول...

قطتي اللذيذة ايه الهنا اللي انا فيه ده نورت المدونة ما تحرمش من تعليقاتك ابدا و يارب اكون عند حسن ظنك انا شايفة نفسي انسانة و بس لا هايلة و لا حاجة بس انسانة انتي بس اللي قطة عينيها حلوة يا رب يحقق لنا جميعا ما نتمني

الربان يقول...

تحياتي

من اجمل ما قرات ربنا يملأ قلبك بالنور
و الخير...و يملأ قلوبنا جميعا بمحبته التي
هي الاساس...و التي منها و من خلالها نشعر بحلاوة و لذة الحياة...


تحياتي لك و تقديري ...و شكرا لسيد حجاب.

الباحث عن الحقيقة يقول...

اولا انا دخلت المدونة دى علشان خاطر اسم احمد
لانى انا اسمى احمد
وبقيت اقول ياااااه دى سمت ابنها على اسمى رغم انها ما تعرفنيش ..ايه ده هو انا مشهور اوى كده
وكنت فرحان طبعا
وهدية خاصة جدا منى للباشمهندس احمد ربنا يخليه
ولاختى الكريمة ام احمد

ابكى ..انزف ..اموت
وتعيشى يا ضحكة مصر
وتعيش يا نيل يا طيب
وتعيش يا نسيم العصر
وتعيش يا قمر المغرب
وتعيش يا شجر التوت
ابكى انزف اموت
وتعيشى يا ضحكة مصر

اتفضلى الرابط اهو اسمعيها وحمليها كمان
هدية منى لابن اختى احمد
http://odeo.com/audio/17369793/view

الباحث عن الحقيقة يقول...

هو الرابط مش كامل ولا ايه
تانى الرابط
http://odeo.com/audio/17369793/view

الباحث عن الحقيقة يقول...

http: وكملى الباقى

أم أحمد المصرية يقول...

صديقي الربان شرفت مدونتي المتواضعة و انا فعلا حسيت الكلام ده قوي عشان كده كتبته مع ان صديقتي فرنسا هانم كانت بتقول لي اكتبي انت بقلمك لكن انا لا اجد تعارض بين كتابتي بقلمي و ربطها بما احبه من شعر او زجل المهم ان مدونتي تعبر عني سواء بأسلوبي او بأختياراتي مع خالص تقديري لكل من قد يختلف معي و لا ايه رأيك اعجابك بالكلام هو اللي خلي التعليق ده يخطر ببالي ممكن نبقي نطرحه للماقشة و التصويت في المدونة ابقي خلينا نشوفك


صديقي احمد الباحث عن الحقيقة اولا يا مرحبا بك في مدونتي و عاشت الاسامي و علي فكرة احمد ابني له مدونة اللينك بتاعها موجود في مدونتي اسمها احمد ابن ام أحمد لأني انا و هو دخلنا عالم التدوين سوا بي انا سبقته عشان هو بيذاكر و مامته صعب شوية بتحدد له مواعيد للكمبيوتر تانيا شكرا علي الهدية الجميلة انا بحملها الان عشان ربنا يديم الود اهديك اغنيةفدائي و عدي النهار اخترهم من القائمة في اللينك ده
http://www.sm3na.com/singer106.html

بار ب تعجبك و ابقي اتفضل عندي ان شاء الله تجد ما يسرك و انا علي فكرة زرتك في مدوناتك الاتنين

الباحث عن الحقيقة يقول...

ده كده انتى واحمد داخلين التدوين على طمع
استر يا رب
سؤال
ممكن احمل اغنية النجمة مالت ع القمر فوق فى العلالى
قالت له شايفه يا قمر افراح قبالى
قال القمر بينا نسهر على المينا
ده الموج على شط القناة سهران يلالى
انا عندى اغنية ابو العلا البشرى بصوت مدحت صالح
اللى هى : سافر غريب الدار مشوار ورا مشوار ..بلد الحبايب فين ...الخ
وشكرا ليكم على زيارتكم الكريمة

dina يقول...

بجد الف شكر ليكى انك شاركتيينا بالكلمات الجميلة دى لاننا فعلا بنفتقد النوع دا من الشعر..الكلام دا مكتوب من 20 سنة..مع انه كأنه بيتكلم عن حالنا دلوقتى

مدونة يلا نفضحهم يقول...

الآن وحصريا علي يلا نفضحهم أخطر قضية تعذيب وانتهاك لحقوق الإنسان في مصر الحاج عبد الله يروي قصته http://www.yallanefdahom2.blogspot.com/

أم أحمد المصرية يقول...

صديقي الباحث عن الحقيقة اهلا بيك صديق لأحمد و لأم احمد و مرحبا تحميلك لكل ما ترغب النت كتاب مفتوح للجميع و اعتبر كل ما يحتويه الموقع هدية مني

صديقتي دينا الشكر ليكي انت و لكل الاصدقاء اللي اشعروني اني بعمل شيء له قيمة و لو صغيرة ان شاء الله بداية تواصل دائ يننا و يارب دايما تجدي عندي اللي يعجبك

اما مدونة يلا نفضحهم فبعد قراءتها لا اجد ما اقوله سوي حسبي الله و نعم الوكيل بس بردوا بكرة بينا احلي من النهارده